BMG Gyrgyzystanda gyzlaryň alnyp gaçylmagynyň öňüni almaga çagyrýär
BMG-niň Gyrgyzystandaky edarasynyň ýaýradan beýanatynda “bu hili tejribeler gyrgyz halkynyň däp-dessuryna gabat gelmeýär, tersine olar jemgyýetiň näzik gatlagynyň haklaryny depeleýär” diýilýär.
27-nji maýda Bişkekda Burulaý Trudaaly Gyzy alnyp gaçylandan birnäçe sagatdan soň, bu jenaýaty eden tarapyndan pyçaklanyp öldürilipdi.
Gyrgyz prokurorlary bu iş bilen baglylykda jenaýat derňewiniň başladylandygyny mälim etdiler.
Gyzyň atasynyň Azatlyk Radiosyna beren maglumatyna görä, hüjümçi gyzyň bedeninde onuň we durmuşa çykmaly oglanynyň atlarynyň baş harplaryny pyçak bilen kesipdir.