Новости за 24.03.2019

Як гурӯҳ аз донишмандони тоҷик ба мақомот маслиҳат додаанд, ки саршумори чорворо дар кишвар кам кунанд, вагарна ҳазорҳо гектар замин беҳосил ва бо гузашти замон ба биёбон табдил хоҳанд шуд.

Як гурӯҳ аз донишмандони тоҷик ба мақомот маслиҳат додаанд, ки саршумори чорворо дар кишвар кам кунанд, вагарна ҳазорҳо гектар замин беҳосил ва бо гузашти замон ба биёбон табдил хоҳанд шуд. Онҳо бовар доранд, ки саршумори чорво нисбат ба чарогоҳҳо бештар шудааст ва зӯри алафзорон барои хӯрондани гову гӯсфандон намерасад. Аз тарафи дигар, ба гуфтаи мутахассисон, дар натиҷаи тағйирёбии иқлим ҳосили чарогоҳҳо низ кам шудааст. Мақомот то ҳанӯз ба ин маслиҳат ҷавоб надодаанд.

Дар ду моҳи охир чанд донишҷӯи Донишгоҳи кишоварзӣ ё аграрии Тоҷикистон тарки таҳсил карда, ба Олмон ва кишварҳои дигари аврупоӣ рафтаанд.

Баъзе аз занони тоҷик мегӯянд, пухтани суманак - ғизои асосии Наврӯз - қоидаҳои худро дорад. Агар риоя кардӣ, солро ба хушӣ мегузаронӣ, вагарна бо ғам. Чӣ гуна? Дар ин видео бубинед.

Муътабар Назаров, сокини ҷамоати Даштиҷуми ноҳияи Шамсиддини Шоҳин (Шӯрободи собиқ), ба мина бархӯрда, ҳалок шудааст. Ҳодиса рӯзи 23-юми март рух дод. Як манбаъ дар мақомоти интизомии минтақаи Кӯлоб рӯзи 24-уми март ба Радиои Озодӣ гуфт, Муътабар Назаров барои чидани алафи баҳорӣ рафта будааст. "Ногаҳон ба мина бармехӯрад ва пойи ростро аз даст медиҳад. То расидан ба бемористон аз хунравии зиёд ҷон медиҳад", - афзуд мусоҳиби мо. Манбаъ гуфт, ҳамроҳи Муътабар Назаров чанд нафари дигар, аз ҷумла хешовандонаш будаанд. Читать дальше...

Мақомоти умури дохилии Тоҷикистон алайҳи Кабир Кабиров, писари Аваз Кабиров, молики бозори “Султони Кабир” бо иттиҳоми вайрон кардани қоидаи ҳаракат дар роҳ парвандаи ҷиноӣ боз кардаанд.

Дастаи мунтахаби олимпии футболи Тоҷикистон (U-23) дар нахустин бозиаш дар мусобиқоти интихобии қаҳрамонии Осиё-2020 дар гурӯҳи «F» тими Ҳиндустонро бо ҳисоби 2:0 мағлуб кард.

То баргузории интихоботи президентӣ дар Украина як ҳафтаи дигар мондааст. Баъди интихобот таваҷҷӯҳ натанҳо ба шахси аввал, балки ба ҳамсари ӯ низ бештар мегардад.

Садҳо ҳазор нафар дар Лондон, маркази Бритониё, тақозо карданд, ки ҷараёни берун рафтани ин кишвар аз узвияти Иттиҳодияи Аврупо боздошта шавад. Онҳо талаб доранд, дар ин маврид референдум ё раъйпурсии такрорӣ баргузор гардад. Дар раъйпурсии тобистони соли 2016 беш аз 50 дар сади шаҳрвандони Бритониё хоста буданд, ки кишварашон аз Иттиҳодияи Аврупо ҷудо шавад. Ҳоло зоҳиран мухолифони ин тасмим бештар шудаанд. Дар ҳамин ҳол, нашрияи The Sunday Times рӯзи 23-юми март хабар дод, ки нахуствазир Тереза... Читать дальше...

Бинои як мактаб дар маҳаллаи Сайдалӣ Вализодаи шаҳри Кӯлоб, ки дувоздаҳ сол пеш бо харҷи ним миллион сомонӣ кумаки билоивази созмонҳои ҷаҳонии молӣ сохта шуд, ба вайрона табдил ёфтааст. Мактаби рақами 41-ро дар рӯзҳои таҷлил аз 2700-солагии Кӯлоб чун иморати ҷашнӣ ба истифода дода буданд.

Бинои як мактаб дар маҳаллаи Сайдалӣ Вализодаи шаҳри Кӯлоб, ки дувоздаҳ сол пеш бо харҷи ним миллион сомонӣ кумаки билоивази Бонки Ҷаҳонӣ сохта шуд, ба вайрона табдил ёфтааст. Мактаби рақами 41-ро дар рӯзҳои таҷлил аз 2700-солагии Кӯлоб чун иморати ҷашнӣ ба истифода дода буданд.

Кумитаи миллии олимпии Тоҷикистон мегӯяд, куштигирони тоҷик дар Ҷоми ҷаҳон дар риштаи самбо ду медали биринҷӣ ба даст оварданд

​Варзишгарони тоҷик дар мусобиқаи байналмилалии “Ёдбуди Анатолий Харлампиев”, поягузори гуштии самбо, ки рӯзҳои 22-23-юми март дар маҷмааи хурди варзишии Лужникии Маскав баргузор шуд, ду медали биринҷӣ ба даст оварданд.

Доналд Трамп – раиси ҷумҳури Амрико – аз шикасти гуруҳи тундрави “Давлати исломӣ” дар Сурия ситоиш кардааст. Аммо ӯ гуфтааст, то замоне ки ДИИШ дар ҳамаи ҷои дунё аз байн наравад, Амрико муроқиби авзоъ хоҳад буд. Трамп рӯзи шанбе дар як баёния гуфт, бо муттаҳидон ва шарикони худ барои шикасти комили террористон якҷо кор мекунанд. Патрик Шанаҳан, сарпарасти Вазорати дифои Амрико ҳам гуфтааст, ин кишвар ба қавли худ барои пурра шикаст додани гуруҳи “Давлати исломӣ” пойбанд аст. Нерӯҳои демократии Сурия... Читать дальше...

Раҳбари пешини дастгоҳи иҷроияи президенти Қирғизистон пешниҳод кардааст, ки номи шаҳри Бишкек, пойтахти ин кишвар, ба Манас иваз карда шавад. Манас қаҳрамони мардуми Қирғизистон аст. Дар ин бора рӯзи 24-уми март бахши қирғизии Радиои Озодӣ хабар дод. Эмилбек Каптагаев дар саҳифаи расмии худ дар Фейсбук гуфтааст, номи ноҳияи Свердлови пойтахтро Бишкек хоҳанд гузошт, то пурра аз ёдҳо наравад. Вай гуфтааст, ҳоло ки фурсат ҳаст, ин масъала баррасӣ ва ниҳоӣ шавад, то бо гузашти солҳо эҳсоси пушаймонӣ накунанд. Читать дальше...

Мақомоти НАТО гуфтаанд, ки барои таҷҳизоти низомии Амрико, аз ҷумла зиреҳпӯшҳо, муҳимот ва аслиҳа, дар Лаҳистон (Полша) як захирагоҳ сохта хоҳад шуд. Як мақоми НАТО рӯзи 23-юми март ба хабаргузории Фаронса гуфтааст, гузориши рӯзномаи The Wall Street Journal дақиқ аст. Дар он гузориш гуфта шудааст, ки дар 200-километрии ғарби Варшава, пойтахти Лаҳистон, таъсисоте ба арзиши 260 миллион доллар бунёд мешавад. The Wall Street Journal ба нақл аз Йенс Столтенберг, дабири кулли НАТО гуфтааст, ки сохтмони захирагоҳ тобистони имсол оғоз шуда... Читать дальше...

Доналд Трамп, раиси ҷумҳури Амрико, Конгресс ва мардуми ин кишвар мунтазири нашри натиҷаи таҳқиқоти Роберт Мюллер, бозраси вижа, ҳастанд. Мюллер ду сол дар мавриди иттиҳомҳо дар бораи нақши эҳтимолии Русия дар интихоботи президентии соли 2016 дар Амрико таҳқиқот кардааст. Ӯ натиҷаи таҳқиқи худро рӯзи 22-юми март ба додситони кулли Амрико Виллиам Бар супурд. Бино ба гузоришҳо, Виллиам Бар арзёбии ин сандаапро рӯзи шанбе оғоз кардааст. Президент Трамп, ки аз ҷараёни кори Роберт Мюллер сахт интиқод мекард... Читать дальше...

Дар кишварҳои Осиёи Марказӣ ҷунбиши “феминизм” рӯз то рӯз авҷ мегирад ва сарфи назар аз фишори доираҳои суннатӣ фаъолони ин ҷунбиш аз мубориза барои ҳуқуқи худ даст кашиданӣ нестанд.

Дар рӯзҳои таҷлил аз ҷашни Наврӯз хабарнигорони Радиои Озодӣ ба чанд ошхонаву тарабхона сар заданд, то бубинанд, ки ғизои идона кадом аст?

Фарёд Шайхов, аз сулолаи паҳлавонҳо – Шайховҳо аз водии Язғуломи ноҳияи Ванҷ дар куштии миллӣ дар вазни 80 кило дар ВМКБ пирӯз гардид

Нурулло Ашӯров, сокини ноҳияи Рӯдакӣ, як моҳ пеш ба ҳомиёни ҳуқуқ шикоят кард, ки маъмурони милиса писарашро дар боздошт шиканҷа додаанд.