Australia shënon rekord të ri të temperaturës mesatare

Australia ka shënuar ditën e saj më të nxehtë në histori, sa i përket matjes së temperaturës mesatare kombëtare, duke arritur një lartësi prej 40.9 gradë Celsius.


Byroja e Meteorologjisë tha se nxehtësia tejkaloi rekordin e mëparshëm, prej 40.3 gradë Celsius, të vendosur më 7 janar të vitit 2013.


Matja e mesatares së temperaturave maksimale në të gjithë vendin është masa më e saktë e përcaktimit të fuqisë së një vale nxehtësie.


Ky rekord i ri vjen derisa vendi po lufton me një krizë të thatësisë dhe zjarreve.


Të martën, disa vende regjistruan temperatura mbi 45 gradë Celsius.


Shkencëtarët kishin parashikuar që nxehtësia më e lartë mund të shënohej më vonë gjatë javës, që do të thotë se rekordi mund të prishej përsëri.


Kryeministri, Scott Morrison, është kritikuar për përgjigjen e tij ndaj katastrofave natyrore dhe politikave të qeverisë së tij për klimën.