Новости за 20.12.2019

Pesidenti i Republikës së Serbisë, Aleksandar Vuçiq, u prit me protestë teksa arriti në Tiranë për të marrë pjesë në punimet e samitit trilateral mes krerëve të Shqipërisë, Serbisë dhe Maqedonisë për të jetësuar krijimin e “Mini-Schengenit” ballkanik. Nën masa të shtuara të sigurisë, dhjetëra protestues iu bashkuan thirrjes së Lëvizjes Vetëvendosje në Tiranë për të shprehur pakënaqësinë e tyre me ftesën që kryeministri i Shqipërisë i ka bërë presidentit Vuçiq dhe për të demonstruar planet për krijimin... Читать дальше...

Twitter fshiu afro 6,000 llogari nën dyshimet se janë pjesë e një "operacioni informacionesh" me origjinë nga Arabia Saudite. Rrjeti social njoftoi për fshirjen e tyre në një blog publik, të shpërndarë të premten. Ai tha se llogaritë i kanë shkelur politkat e platformës. "Llogaritë kanë postuar mesazhe të favorshme për autoritetet saudite, kryesisht përmes taktikave joautentike, si pëlqimet agresive", tha Twitter. Sipas tij, shumica e përmbajtjes ka qenë në gjuhën arabe, por ka pasur edhe... Читать дальше...

Ofertat e tenderimit publik në Kosovë që nga fillimi i këtij viti janë duke u bërë vetëm përmes platformës elektronike, thonë përfaqësues të Komisionit Rregullativ të Prokurimit Publik. Një formë e tillë, ishte rekomanduar nga Bashkimi Evropian dhe shoqëria civile, si një nga mënyrat më efikase për të parandaluar dhe luftuar korrupsionin me tenderë. Sami Uka, anëtar i Bordit të Komisionit Rregullativ të Prokurimit Publik (KRPP), thotë për Radion Evropa e Lirë se është hequr opsioni i dorëzimit të ofertës fizike... Читать дальше...

Mali i Zi do të vendosë trupa ushtarake në kufijtë e tij, në përgjigje të migrantëve që kalojnë përmes këtij vendi, për të arritur në Bashkimin Evropian. Afro 8,000 migrantë nga Lindja e Mesme dhe Afrika e Veriut kanë kaluar tranzit Malin e Zi në vitin 2019 - gati dyfish më shumë se vitin paraprak, ka njoftuar më herët Organizata Ndërkombëtare për Migrim. "Ushtria do të angazhohet në mbrojtjen e kufijve të shtetit dhe do t'i ndihmojë agjencitë e sundimit të ligjit", tha të premten Këshilli për Mbrojtje dhe Siguri i Malit të Zi. Читать дальше...

Shumë qytete të Maqedonisë së Veriut mbeten në krye të listës së vendeve me ajrin më të ndotur në nivel botëror. Stacionet matëse të Ministrisë së Mjedisit tregojnë nivele të larta të ndotjes së ajrit në Kërçovë, Manastir, Tetovë, Strumicë, Shkup dhe qytetet e tjera të vendit duke shënuar praninë e grimcave kancerogjene PM10 në disa vende edhe mbi 150 mikrogramë për metër kub. Por, autoritetet e vendit thonë se akoma nuk është nevoja të ndizet drita e kuqe për të aplikuar masat urgjente. Nën... Читать дальше...

Ligjvënësit britanikë e mbështetën planin e kryeministrit Boris Johnson për daljen e Mbretërisë së Bashkuar nga Bashkimi Evropian, më 31 janar. Ata votuan me 358 vota për dhe 234 kundër Marrëveshjes së Tërheqjes. Dokumenti do të kalojë tani për miratim në Dhomën e Lordëve. Johsnon tha se marrëveshja i mundëson Britanisë “të ecë përpara”. Udhëheqësi i Laburistëve opozitarë, Jeremy Corbyn, u bëri thirrje ligjvënësve që të votojnë kundër marrëveshjes, duke thënë se ka “mënyra më të mira dhe më të drejta” për të lënë BE-në. Читать дальше...

Aldi Hoxha nga “Down Syndrome Kosova” ka filluar punën në Trafikun Urban në Prishtinë. Ai evidenton çdo hyrje-dalje në këtë ndërmarrje. Nga gjithsej 900 persona në Kosovë me sindromën Down, vetëm 8 prej tyre janë të punësuar.

Komisioni Evropian kërkoi nga Polonia që të heqë dorë nga miratimi i një ligji që do t'i ndëshkonte gjykatësit që vënë në dyshim reformat e qeverisë. Në një letër dërguar presidentit polak, kryeministrit dhe kryetarëve të dy dhomave të parlamentit, zyrtarja e lartë për Vlera dhe Transparencë e BE-së, Vera Jourova, u bëri thirrje organeve të shtetit të mos e çojnë përpara propozimin, përpara se t'i bëjnë konsultimet e nevojshme. Jourova tha se i inkurajon fuqishëm autoritetet polake që të konsultohen me Komisionin e Venecias... Читать дальше...

Një tërmet i fuqishëm goditi në veri të Afganistanit, duke i detyruar banorët e disa qyteteve të dalin në rrugë.  Raporte për viktima apo dëme materiale nuk ka. Instituti Gjeologjik i Shteteve të Bashkuara tha se tërmeti kishte fuqinë prej 6.1 shkallësh të Richterit. Sipas burimit të njëjtë, epiqendra u regjistrua 51 kilometra larg qytetit Jurm në provincën Badakhshan dhe në 200 kilometra thellësi. Dridhjet e tokës janë ndjerë edhe në kryeqytetin e Indisë, Nju Delhi, dhe atë të Pakistanit, Islamabad. Читать дальше...

Autoriteti i Konkurrencës në Francë e gjobiti kompaninë Google me 150 milionë euro për, siç tha, sjellje anti-konkurruese dhe reklama të paqarta. Rregullat për platformën e reklamave në Google nuk janë transparente dhe janë të vështira për t’u kuptuar, thanë të premten autoritetet franceze. Gjoba vjen në kohën kur Franca dhe vendet e tjera evropiane kanë rritur kontrollet ndaj kompanive amerikane të teknologjisë, të tilla si: Google, Facebook, Apple dhe Amazon, të cilat shpesh kritikohen për pagesë relativisht të ulët të taksave. Читать дальше...

Presidenti i Shteteve të Bashkuara, Donald Trump, kërkoi gjykim të menjëhershëm në Senat, pasi Dhoma e Përfaqësuesve votoi të mërkurën për shkarkimin e tij. Trump u akuzua për abuzim të pushtetit dhe pengim të punës së Kongresit. Rasti tani duhet të kalojë në Senat dhe ligjvënësit atje duhet të vendosin për largimin ose jo të presidentit nga detyra. Senati kontrollohet nga Partia Republikane e Trumpit dhe gjasat për shkarkimin e tij shihen si tejet të vogla. Megjithatë, demokratët, që kanë shumicën në Dhomën e Përfaqësuseve... Читать дальше...

Mediat ruse e identifikuan personin që hapi zjarr të enjten në selinë e Shërbimit Federal të Sigurisë në Moskë si Yevgeny Manyurov, 39 vjeç, i cili ka punuar si roje e sigurisë. Ai vrau një oficer të këtij shërbimi dhe plagosi pesë të tjerë me armë automatike, para se të vritej nga një snajperist. Një nga të plagosurit është civil. Në Kremlin, vetëm disa kilometra larg, presidenti rus, Vladimir Putin, ka qenë duke mbajtur takim me Shërbimin Federal të Sigurisë në kohën e sulmit. Detajet për... Читать дальше...

Shtatë kandidatë demokratë për president të Shteteve të Bashkuara kanë zhvilluar debatin e fundit presidencial për vitin 2019, duke shpërfaqur qasje të ndryshme në çështjet si taksat dhe tregtia. Marrëveshjet tregtare: përkrahja dhe kundërshtimet Ndasitë kanë filluar menjëherë pas nisjes së diskutimeve për një marrëveshje tregtare të Amerikës Veriore, të miratuar nga Dhoma e Përfaqësuesve të enjten. Senatori Bernie Sanders ka thënë se ai kundërshton marrëveshjen derisa senatorja, Amy Klobuchar ka thënë se do të votojë për të. Читать дальше...

Kina akuzohet për shtypje brutale të komunitetit mysliman në provincën Ksinjiang: internim, torturë, dhunë fizike. Përse Pekini i sulmon ujgurët? Kush janë ata dhe cilat janë kërkesat e tyre?

Presidenti kinez, Xi Jinping ka thënë të premten se Kina nuk do të lejojë kurrë që forcat e huaja të ndërhyjnë në rajonet e saj të veçanta: Hong Kong dhe Makau, teksa në këtë të fundit është betuar qeveria e re pro-Pekinit. Duke folur në një ceremoni për shënimin e 20-vjetorit të kthimit të rajonit Makau nën rregullin kinez, ai ka përshëndetur ish-koloninë portugeze për patriotizmin dhe besnikërinë që ka, mirëpo nuk ka përmendur protestat kundër qeverisë në ish-koloninë britanike, Hong Kong. ... Читать дальше...

Organizatorët e Lojërave Olimpike që do të mbahen më 2020 në Tokio ende nuk kanë vendosur se kush do të paguajë për bartjen e maratonës së vrapimit në qytetin verior, Saporo. Ata kanë thënë se këto Lojëra pritet të kushtojnë 1.35 trilion yen (12.6 miliardë dollarë), duke mos ndryshuar shifrat nga planifikimet e vitit të kaluar, mirëpo aty nuk janë përfshirë 3 miliardë yen për bartje të këtyre garave nga Tokio për shkak të motit të nxehtë. Komiteti Olimpik Ndërkombëtar ka habitur organizatorët e Lojërave Olimpike në muajin tetor... Читать дальше...

Kryeministri australian, Scott Morrison ka kërkuar falje për pushimin e tij në Havaje, teksa kriza me zjarre në vendin e tij është përkeqësuar. Ekipet e shpëtimit janë duke luftuar më shumë se 100 zjarre, të cilat janë përhapur në kohën kur Australia është përballur me dy ditët më të nxehta në histori. Dy zjarrfikës kanë vdekur në një aksident rrugor të enjten, teksa ishin nisur për të fikur një zjarr të madh afër Sidnejt. Morrison ka thënë se do të kthehet më herët nga pushimi, meqë mungesa e tij këtë javë ka nxitur kritika dhe protesta.

Ligjvënësit britanikë do të votojnë të premten për të kuptuar nëse ka përkrahje plani i kryeministrit britanik, Boris Johnson për ta larguar Britaninë nga Bashkimi Evropian më 31 janar të vitit të ardhshëm. Projektligji për Largim, i ndalon qeverisë zgjatjen e periudhës tranzitore më gjatë se 11 muaj. Johnson ka thënë se do t’iu japë fund “vonesave” dhe do të ofrojë “siguri”. Kundërshtarët thonë se ky projektligj nënkupton një Britani me të ardhme të paqartë dhe arritje të marrëveshjes tregtare me BE-në, që mund të zgjasë disa vjet. Читать дальше...

Formimi sa më i shpejtë i institucioneve të reja, Kuvendit dhe Qeverisë, është mesazhi që po përsëritet nga përfaqësuesit diplomatik ndërkombëtar në Prishtinë drejtuar partive politike, sidomos Lëvizjes Vetëvendosje dhe Lidhjes Demokratike të Kosovës. Këto dy subjekte politike kanë ngecur në arritjen e marrëveshjes për qeverinë e re, për shkak të mospajtimeve të tyre rreth postit të presidentit të ardhshëm të Kosovës, i cili sipas mandatit kushtetues duhet të zgjidhet në pranverën e vitit 2021. Читать дальше...