Задолжително тестирање за ковид-19 при влез во Италија од Хрватска, Грција, Малта и Шпанија
На патниците кои пристигнуваат им се предлагаат повеќе можности: брзи тестови на лице место, потврда за негативен тест на коронавирус не постар од 72 часа и преземање обврска да се спроведе тест во рок од два дена од влезот во Италија, со самоизолација додека не се направи.
Коронавирусот во Италија бил присутен уште во декември 2019
Освен Колумбија, која сега е додадена на списокот на ризични земји, Италија претходно ги затвори вратите за патниците од Косово, Србија, Црна Гора, Босна и Херцеговина, Македонија и од Македонија. Оние кои доаѓаат од Романија и од Бугарија мораат во карантин со задолжителен лекарски надзор.
Во Италија им е забранет влезот на луѓе кои во претходните две недели биле во Ерменија, Бахреин, Бангладеш, Бразил, Чиле, Кувајт, Оман, Панама, Перу и Доминиканска Република. Ова правило не важи за жителите на Италија.
Повеќе италијански региони во последните денови самостојно воведе карантин за патниците од земји кои ги сметаат за ризични. Новиот указ на владата треба да ги изедначи тие мерки.
Италија беше една од најжестоко погодените земји од коронавирусот, но од почетокот на мај земјата почна да го става ширењето на вирусот под контрола. Во земјата починаа над 35 илјади луѓе, а над 250 илјади беа заразени, но во моментов има околу 14 илјади активни случаи. Во изминатите денови во земјата има по 300 до 500 нови случаи дневно.