Стојанов - Младите кои ќе завршат на респиратор имаат големи проблеми

Младите велат „мене ништо не ми е, тоа се случува на некој друг“, но факт е дека заболуваат од ковид-19 и завршуваат во болница, не се сите тешки случаи, почесто се полесни, но тие што ќе завршат на респиратор имаат голем проблем, вели доктор Александар Стојанов, директор на Центар за јавно здравје Скопје во неделното интервју на Радио Слободна Европа. Тој вели дека за сите ќе беше полесно доколку бројките на заразени беа двоцифрени. За здравствените работници нема викенд и одмор, а прашање е и дали системот ќе издржи финансиски, оти трошоците се големи, вели доктор Стојанов.