Филипче - Не може децата да не одат на училиште

Не може децата да не одат на училиште, но мора да имаме подготвени превентивни протоколи по кои ќе функционираат училиштата, рече вечерва министерот за здравство Венко Филипче во емисија на Канал 5 телевизија. Тој вели дека во следните недела до две ќе се знае дали од септември ќе почнат со работа градинките и училиштата. Веројатноста е голема, но да се усогласат сите протоколи, вели министерот за здравство.

„Некои од принципите се помали групи, повеќе смени и пократко траење на часовите. Што пократко време во затворен простор и носење маски“, рече Филипче. 

Министерот вели дека се подготвуваат за многу полошо сценарио наесен за кое веќе се подготвуваат. Филипче се надева дека такво сценарио ќе избегнат и е сигурен дека ќе го дочекаат подготвени.

Нови 113 случаи на коронавирус, шестмина починати

Тој вели дека за секој пациент кој се лекувал од ковид-19 е направено сè што треба и во однос на стадиумите пред поставувањето во респираторна машина, и во однос на третманот додека се пациентите на респираторна машина.

Вкупната бројка на ковид дијагностицирани во нашата земја од почетокот на епидемијата изнесува 11399, бројката на оздравени пациенти е 7480, на починати е 517, а во моментов бројот на активни случаи во земјата изнесува 3402.