Новости за 16.12.2019

Илјадници либански демонстранти се вратија да протестираат пред парламентот во Бејрут откако безбедносните сили претходно ги растераа со солзавец и гумени куршуми, ранувајќи десетина луѓе. Во ноќта меѓу саботата и неделата безбедносните сили им се спротивставија на демонстрантите најостро од почетокот на протестите против владата пред два месеца. Протестите кон крајот на октомври доведоа и до оставка на премиерот Саад Харири. Демонстрациите продолжија поради најавите дека Харири би можело повторно да ја преземе функцијата премиер.

Турскиот претседател Реџеп Таип Ердоган се закани дека ќе затвори две стратегиски воени бази што ги користат Соединетите држави и НАТО доколку Вашингтон воведе санкции како одговор на тоа што Турција купи руски противвоздушен ракетен систем. „Ако е неопходно ние можеме да го затвориме Инџирлик, а можеме да го затвориме Куречик“, изјави Ердоган во интервју за телевизија Хабер. Инџирлик со децении е една од главните бази на САД и на НАТО во регионот, додека Куречик е главната радарска станица на НАТО.

Германската канцеларка Ангела Меркел изјави дека нејзината земја сака да го реши недостигот на стручњаци со давање добра обука за што поголем број луѓе. Таа исто така додаде дека е неопходно и вработување на квалификувани луѓе од другите замји на ЕУ, но и надвор од неа. Меркел оцени дека тоа што во Германија веќе работат над 2,5 милиони луѓе од другите земји на ЕУ не било доволно. Законот за имиграција на квалификувани работници стапува во сила на 1 март 2020 година и има за цел да го олесни доѓањето... Читать дальше...

Претставници на германската влада, работодавачите и синдикатите денеска во Берлин ги почнуваат разговорите за тоа како најдобро да се примени новиот закон за квалификувани странски работници. Пред состанокот германската канцеларка Ангела Меркел оцени дека на Германија и се неопходни работници од земјите надвор од ЕУ.

Жителите во албанските села погодени од катастрофалниот земјотрес на 26 ноември ќе имаат нови домови во текот на 2020 година. Во видео порака на Фејсбук, албанскиот премиер Еди Рама на жителите во градовите чии домови исто така беа урнати или оштетени од земјотресот им порача дека процесот на обновата се очекува да заврши до јуни 2021 година. Тој зборуваше и за реакцијата на надлежните кон оние кои злоупотребиле при градбата на објектите кои се урнаа, додавајќи дека првите апсења се веќе направени и оти акцијата продолжува. Читать дальше...

Ќе биде сончево со мала до умерена локална облачност. По одделни котлини ќе се задржи магливо и постудено. Утринската температура ќе биде од минус четири до четири, а дневната од девет до 16 степени. Во Скопје и околината слично време. Утринската температура ќе биде околу нула, а дневната ќе достигне до девет степени.