Израел гради одбранбен ѕид на границата со Либан

Израел гради одбранбен ѕид од девет метри на северната граница со Либан за да ги спречи нападите од шиитското движење Хезболах. Самиот ѕид е висок седум метри, а бодликава жица е на врвот. Според висок израелски функционер, главната закана на Хезболах се ракети и нападите во Израел. Израел во 2006 година ја почна 33-дневната војна против Хезболах, а борбите се водеа низ територијата на Либан. Оттогаш двете страни одржуваат несигурно примирје. Согласно планот на Израел, во следните две години со ѕид ќе бидат опфатени сите 130 километри граница со Либан, а проектот ќе чини околу 406 милиони евра.