Бутарис разорачан од протестот во Солун

Солунскиот градоначалник Јанис Бутарис изразил разочараност од денешниот протест во Солун, на кој илјадници грци изразија противење Република Македонија да го користи терминот „Македонија“ во нејзиното име.

„Проблемот е во тоа што луѓето сметаат дека Македонија ќе ни го одземе идентитетот, а тоа никој нема да го направи. Тие не се закана за нас. Луѓето се многу слабо информирани, се вообразуваат за разни работи кои не се вистина дека тие ќе ни ја украдат и преземат историјата“, изјавил Бутарис во изјава за БТВ. Според Бутарис луѓето биле слабо информирани и си замислувале не реални работи.

Денешниот протест во Солун беше организиран од неколку националистички формации, вклучувајќи ја и неонацистичката Златна Зора.