Русија со критики до САД за седницата на Советот за безбедност на ОН за Иран

Во неколку ирански градови денеска продолжуваат провладините маршеви додека се разгорува дипломатскиот спор за итниот состанок на Советот за безбедност на Обединетите нации поради антивладините протести во земјата неделава на кои имаше и жртви.


На неколку часа пред вонредниот состанок на Советот за безбедност, кој треба да се одржи денеска во Њујорк, рускиот заменик министер за надворешни работи Сергеј Рибјаков ги критикуваше Соединетите Американски Држави за свикување на состанокот наведувајќи дека тој потег значел мешање во внатрешните работи на Иран.


Според извештаите во западните медиуми антивладините протести во Иран се намалуваат откако Техеран ги блокираше клучните социјални медиуми кои ги користеа демонстрантите за да ги прошируваат снимките од протестите. Според меѓународните мрежи кои се занимаваат со собирање информации за цензурата на интернет, владата ги блокирала Телеграм, Инстаграм и Фејсбук сандачето за пораки за време на протестите.