Хашкиот трибунал соопшти дека самоубиството на Праљак не можело да се спречи
“Не беа откриени проусти во правната рамка и во начинот на кој се третирани притворениците. Никакви дополнителни безбедносни мерки немаше да гарантираат дека отровот ќе биде откриен”, пишува во заклучоците на трибуналот.
Праљак, генерал на босанските Хрвати во време на балканските војни, се самоуби непосредно по изрекувањето на казна затвор. Тој се уби со калиум цијанид, отров за кој трибуналот во Хаг вели дека е многу тешко да биде идентификуван бидејќи може да се прошверцува во затворот и како прашок и растворен во вода, а многу мало количество е доволно за да предизвика смрт. Судењето на Праљак и другите пет воени и политички водачи на босанските Хрвати беше последниот процес на Хашкиот трибунал.