Новости за 29.03.2021

Түркияда коронавирус илдетинин кайра тездеп жайылышына байланыштуу 30-марттан баштап иш күндөрү кечки саат тогуздан таңкы бешке чейин, дем алыш күндөрү толугу менен көчөгө чыгууга тыюу салынды. 29-мартта президент Режеп Тайып Эрдоган басма сөз жыйынында алааматтуу коронавируска байланышкан чектөөлөр кайрадан киргизилгенин кабарлады. Кабыл алынган чечимге ылайык, 14-апрелден баштап өлкөдө кафе-ресторандарда тамактанууга болбойт. Ал эми тамак-ашты калайык өзү менен кошо ала кеткенге гана уруксат берилет. Читать дальше...

Пакистандын президенти Ариф Алвинин 29-марттагы айтымында, ал «COVID-19» илдетине каршы вакцинанын биринчи ийнеси менен эмделгенине карабастан, андан бул алааматтуу вирус табылган. Президент, Доктор Алви мырза «Твиттердеги» барагында: "Менин коронавирус боюнча сынагым оң чыкты. Мага вакцинанын биринчи дозасы сайылган болчу, бирок антитулкулар экинчи дозадан кийин гана пайда боло баштайт. Бул - бир аптанын ичинде башталууга тийиш эле. Этият болуңуздар", – деп жазды. Өлкөнүн 2018-жылдын августунан... Читать дальше...

28-мартта Ташкенттин Амир-Темур көчөсүндө жапон анимесин жана корей поп-музыкасын сүйүүчүлөр үчүн кезектеги иш-чараны өткөрүүгө камданып жаткан блогер Миразиз Базаровду белгисиз бирөөлөр токмоктоп кетишти. Дарыгерлер ооруканага түшкөн 29 жаштагы блогер нейрохирургдун жардамына муктаж экенин айтышкан. Эл аралык коомчулуктун өкүлдөрү бул кол салууну айыпташууда. Өзбекстандык блогер жана жарандык активист Миразиз Базаров сабалганга чейин жүздөй адамдын кол салуусу күтүлүшү мүмкүн деген таризде 28-мартка... Читать дальше...

Бириккен Улуттар Уюмунун Баш катчысы Антониу Гутерриш 29-мартта Бирмадагы аскердик хунтага кысым көрсөтүү үчүн эл аралык биргелешкен чараларды көрүүгө чакырды. Бул өлкөдө өткөн дем алыш күндөрү 100дөн ашуун демонстранттын хунта күчтөрү тарабынан өлтүрүлүшүн Гутерриш "таптакыр жол берилгис" жосунсуз окуя катары айыптады. 29-мартта эртең менен Бирманын эң ири шаары Рангунда бир киши коопсуздук күчтөрү тарабынан өлтүрүлгөнү кабарланган. Эң кандуу күн болуп калган ишебидеги окуяларга карабастан... Читать дальше...

Соңку беш айда Беларустун бийлиги журналисттерге жана көз карандысыз медиага каршы репрессияны күчөтүп, саясий мүнөздөгү айыптоолор боюнча негизсиз кармоо, камакка алуу жана акчалай айыпка жыгуу ыкмаларын колдонууга өтүп алганы бул укук коргоо уюмунун 29-марттагы баяндамасында жазылган. Баяндамада каршылык акцияларынын жүрүшү, адам укугун бузган учурлар тууралуу жазгандардын укуктарын бузуп, аларды мыйзамсыз кармап, сабаган фактылар Беларус бийлигинин көз карандысыз ЖМКнын оозун жабуу аракети катары сыпатталган. Читать дальше...

Ички иштер министрлигинин күзөт кызматы Гапар Айтиев атындагы Улуттук сүрөт өнөр музейинен баалуу буюмдарды уурдоого аракет кылган киши кармалганын кабарлады. Бул тууралуу мекеменин басма сөз кызматы билдирди. Милиция кабарлангандай, 28-мартка караган түнү музейдин коопсуздук коңгуроосу иштеп, күзөттөгү кызматкер бир кишинин имаратка кирип баратканын көрүп калган. Шектүүнү кармоо учурунда ал каршылык көрсөткөн. Ыкчам топ жетип келип, шектүүнү Биринчи май райондук ички иштер бөлүмүнө жеткирген.... Читать дальше...

28-мартта Токтогул Сатылганов атындагы улуттук филармонияда акын, манасчы Тоголок Молдонун 160 жылдыгына жана «Айтыш» коомдук фондунун 20 жылдыгына арналган республикалык мелдеш өттү.  Байгеси бир миллион сомдук жарышта 12 ак таңдай акын ат салышты.

Мозамбиктин түндүгүндө жайгашкан Пальма шаарындагы ондогон адамдын, алардын арасында чет элдик жумушчулардын өмүрүн алган чабуулду жасаганы тууралуу "Ислам мамлекети" террордук уюму жоопкерчилик алганын Amaq агенттиги жарыялады. Анда жоочулар коопсуздук күчтөрү менен бир нече күндөн берки кагылыштан кийин шаарды көзөмөлгө алышып, кеминде 55 аскер адамы өлтүрүлгөнү көрсөтүлгөн. “Өкмөттүк объектилерге жана аскерлерге үч күн бою кол салуудан соң халифаттын жоокерлери Пальма стратегиялык шаарын колго алышты”... Читать дальше...

Кыргызстандын “Манас” аэропорту эпидемиологиялык кырдаалга байланыштуу он чакты туруктуу эл аралык каттамдар токтотулганын кабарлады. Ага ылайык: Бишкек – Воронеж – Бишкек каттамы 3-апрелден 25-апрелге чейин; Бишкек – Грозный – Бишкек каттамы 30-марттан 6-апрелге чейин; Бишкек – Иркутск – Бишкек каттамы 1-апрелден 29-апрелге чейин; Бишкек – Новосибирск – Бишкек каттамы 31-марттан 2-апрелген чейин учпайт. 5-апрелдеги Бишкек – Казань – Бишкек, 2-майдагы Бишкек – Краснодар – Бишкек, 30-апрелдеги Бишкек ... Читать дальше...

Кыргызстанда коронавируска каршы эмдөө башталды. Бишкек менен Ташкент Кемпирабад суу сактагычынын плотинасын Өзбекстандын аймагы деп калтырып, андагы сууну чогуу пайдаланууну макулдашты. Казакстанда коронавируска чалдыккандар көбөйүп жатат. 27-мартта бир суткада 22 бейтап көз жумду.

Армениянын премьер-министри Никол Пашинян жакынкы күндөрү кызматынан кетерин жарыялады. Бирок Пашинян өкмөт башчынын милдетин аткарууну улантарын билдирди.

Суэц каналын бөгөп калган контейнер ташыгыч эң чоң кеме сууга түшүрүлдү. Буга байланыштуу бир жумадан бери бөгөлүп турган аталган суу каналынын өтмөгү ачылып, ал аркылуу өтчү жүк ташуучу кемелердин кыймылы толугу менен калыбына келтирилгени турат. “Суэц каналынын башкармалыгынын башчысы, адмирал Усама Раби аталган суу каналы аркылуу кемелердин жүрүшү жанданганын жарыялады”, – деп айтылат Мисирдин Суэц каналынын башкармалыгынын билдирүүсүндө. Суэц каналынын ортосунан бөгөп калган контейнер ташуучу чоң кемени чыгарып... Читать дальше...

Кыргызстандык жеңил атлеттер Мария Коробицкая менен Дарья Маслова Ташкент эл аралык марафонунда алтын байге алышты. Жарыш 28-мартта Ташкент шаарында өттү. Мария Коробицкая аталган марафондо 42 чакырым 195 метр аралыкты 2 саат 32 мүнөттө чуркап өтүп, марага биринчи жетип, алтын медалдын ээси болду. Буга чейин Коробицкая 2020-жылдын 6-декабрында экинчи Ташкент эл аралык марафонуна да катышып, белгиленген аралыкты 2 саат 26 мүнөт 42 секундада чуркап өткөн. Ал марафондун баш байгесин утуу менен бирге Олимп оюндарына да жолдомо алган. Читать дальше...

Кыргызстандын Европадагы Коопсуздук жана Кызматташтык Уюмундагы (ЕККУ) туруктуу өкүлү, элчи Бакыт Жусупов Конституциянын сунушталган жаңы долбоору боюнча ЕККУнун жана Европа Кеңешинин Венеция комиссиясынын биргелешкен пикири өлкөдө көңүл буруу менен кабыл алынып, изилденип жатканын билдирди. Бул тууралуу элчи Жусупов 25-мартта Венада ЕККУнун Туруктуу кеңешинин кезектеги жыйынында сүйлөп жатып айтканын Тышкы иштер министрлиги (ТИМ) кабарлады. Жусупов өнөктөштөрдүн Кыргызстанда жүргүзүлүп жаткан... Читать дальше...

Кыргызстанда коронавирус илдетине каршы эмдөө башталып, медицина кызматкерлери вакцина ала баштады. Эмдөөгө кытайлык SinoPharm компаниясы чыгарган вакцина колдонулат. Саламаттык сактоо министрлиги вакцинанын сапатына кепилдик берүүдө. Ошол эле кезде андан чочулагандар да бар.

30 миллион калкын эмдөөгө жетишкен Британияда карантиндик чектөөлөр жеңилдетилди. Ал эми Германия коронавирустун жаңы түрлөрүнүн жайылышынан кооптонуп турат. Эмдөөгө карабастан АКШда, Бразилияда вирус жугузгандар менен илдеттен каза болгондор дале көп. Улуу Британияда 29-марттан тартып карантиндик чектөөлөр жеңилдетилип, таза абада алты кишиге чейин чогулуп, спорт менен машыгууга уруксат берилди. Ошол эле кезде премьер-министр Борис Жонсон Европанын башка аймактарында коронавирус жугузгандар көбөйүп... Читать дальше...

Улуттук коопсуздук боюнча мамлекеттик комитет мыйзамсыз баюу беренеси менен айыпталып кармалган Жалил Атамбаев ички иштери министрлигинде иштеп жүрүп ишкерлик менен алектенип 100 млн. сомдук мүлккө ээ болуп, аны туугандарына каттатып койгону тергөөдө аныкталганы кабарланды. Атайын кызмат Атамбаев тергөө менен кызматташуунун алкагында 29-мартта 50 млн. сом төлөп бергенин маалымдады. УКМК Атамбаев кылмыш ишинде казынага 100 млн. сом чыгым келтирген деп эсептейт. “Бул кылмыш иши боюнча тергөө иштери... Читать дальше...

Баткендиктер ашар ыкмасы менен 7 чакырым жол салышып, аз каражатка деле көп иш бүтүрсө болоорун айтып жатышат. Сүйлөбөгөн балдарга тил бүтүргөн кочкорлук Гүлнур элетте сейрек болгон сурдопедагог, логопед кызматтарын көрсөтүп келет. Белдемчини даңазалаган көлдүк уз Асел улуттук кийимдерди күнүмдүк турмушка киргизе алды.

Дзюдо боюнча мындай ири турнир Кыргызстандын тарыхында алгачкы ирет өтөт. Чемпионат Олимпиада оюндарына рейтинг топтоочу мелдештердин катарында.

Кыргызстанда 30-мартта көпчүлүк аймактарда жаан, кар, тоо этектеринде жана тоолуу райондордо кар жаайт.  Тоолуу райондордо жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетет.   Абанын температурасы: Чүй өрөөнүндө түнкүсүн 0…5, айрым жерлерде 0…-2, күндүз 1…6; Суусамырда түнкүсүн -6…-11, -1…-6; Таласта түнкүсүн -3…+2, күндүз 1…6; Баткен облусунда түнкүсүн 1…6, күндүз 6…11; Ош, Жалал-Абадда  түнкүсүн 1…6, күндүз 6…11; Ысык-Көл облусунда түнкүсүн 0…-5... Читать дальше...

28-мартта Ташкенттин Амир-Темур көчөсүндө жапон анимесин жана корей поп-музыка сүйүүчүлөрү үчүн кезектеги иш-чараны өткөрүүгө камданып жаткан блогер Миразиз Базаровду белгисиз бирөөлөр токмоктоп кетишти. Миразиз Базаров сабалганга чейин жүздөй адамдын кол салуусу күтүлүшү мүмкүн деген таризде 28-мартка белгиленген иш-чара болбой калганын жарыялаган болчу. Ошол эле күнү кечинде беткапчан адамдар Базаровду бейсбол таягы менен сабап кетишкен. “Ал үйүнө кирип баратканда бир машина токтоп, андан беткапчан үч эркек киши чыкты. Читать дальше...

2021-жылдын алгачкы эки айында Кыргызстанда Кылмыштар менен жоруктардын бирдиктүү реестрине 1 463 үй-бүлөлүк зомбулук фактылары катталды. Анын ичинен Бишкек шаарында 550, Ош шаарында 62, Чүй облусунда 446, Ысык-Көл облусунда 92, Нарын облусунда 64, Ош облусунда 52, Жалал-Абадда 118, Таласта 29 жана Баткенде 50 факты. Бул тууралуу 29-мартта Жогорку Кеңештин Социалдык маселелер, билим берүү, илим, маданият жана саламаттык сактоо боюнча комитетинин жыйынында айтылды. Отурумда өкмөттүн үй-бүлөлүк... Читать дальше...

Парламент депутаты, коррупцияга шек саналып кармалган Кубанычбек Жумалиев Бишкектеги «Бикард» жеке менчик ооруканасынан Улуттук коопсуздук боюнча мамлекеттик комитеттин (УКМК) тергөө абагына кайтты. Бул тууралуу атайын кызматтын басма сөз кызматы кабарлады. Кубанычбек Жумалиев март айынын башында Бишкектеги менчик ооруканалардын бирине кан басымына жана жүрөк оорусуна байланыштуу жатканы кабарланган. Жумалиевди УКМК 4-февралда Жазык кодексинин 319-беренеси («Коррупция») боюнча кармап, Бишкектин Биринчи май райондук соту аны эки айга... Читать дальше...

28-мартта Токтогул Сатылганов атындагы улуттук филармонияда акын, манасчы Тоголок Молдонун 160 жылдыгына жана «Айтыш» коомдук фондунун 20 жылдыгына арналган республикалык айтыш өттү. Айтыштын байге фонду бир миллион сомду түзүп, 12 акын ат салышты. Калыстардын чечими менен баш байге (200 миң сом) Идирис Айитбаевге ыйгарылды. 1-орунга Баян Акматов (150 миң сом), 2-орунга Акматбек Султан уулу (100 миң сом), ал эми 3-орунга Тынчтык Эсенбай уулу (50 миң сом) ээ болду. Мындан тышкары таймашка катышкан... Читать дальше...

Кыргызстан Мусулмандар дин башкармалыгынын (муфтияттын) башчысын шайлоо боюнча Аалымдар кеңешинин курултайын жылдыруу сунушталууда. Бул тууралуу Аалымдар кеңешинин катчылыгынан "Азаттыкка" ырасташты. Маалыматка караганда, муфтийликке талапкерлерди караган Каттоо жана аттестациялоо комиссиясынын төрагасы Мамасабыр Досбол уулу 5-апрелге белгиленген курултайды жылдырууну сунуштап, Аалымдар кеңешинин төрагасына кат жолдогон. Анын каты Интернетке да тарады. Анда Досбол уулу муфтийликке талапкерлердин жактоочуларынын бири телефон чалып... Читать дальше...