Новости за 29.03.2021

Бразилиянын санитардык көзөмөл агенттигинин расмий сайтында кабарлангандай, орусиялык вакцинаны каттоону токтотуу  чечимине ал тууралуу жетиштүү маалыматтар алына электиги себеп болгон. Биринчи жолу быйыл 15-январда препаратты каттоо үчүн арызды Uniao Quimica уюму тапшырган. Ал Бразилияда “Спутник V” вакцинасын алдыга жылдырып, Орусиянын инвестициялык кызыкчылыгын алдыга сүрөгөн компания. Анда аталган агенттик тапшырыкты четке кагып, вакцина тууралуу кошумча маалыматтарды талап кылган. Экинчи ирет 26-мартта арыз берилген. Читать дальше...

Ош облусунда коронавирус жуктургандар алгач Ноокат районунда катталган. Башында дарыгерлерге коргонуучу каражаттар жетпей, эл дүрбөлөңгө түштү. Дарыгерлер ошол учурда коркконунан ыйлаган, жумушка келбей койгон, кызыл аймакта иштеп, каза болгон кесиптештерин эскеришет.

Ленин районунун акими болуп Мелис Оскомбаев дайындалды. Бул кызматты буга чейин ээлеп келген Чынасыл Чыныбаев “Мамлекеттик жарандык кызмат жана муниципалдык кызмат жөнүндө” мыйзамдын 46-беренеси ("Өз каалоосу боюнча кызматын токтотуу") боюнча иштен бошотулду. Бул тууралуу Бишкек шаардык мэриясынан кабарлашты. Чынасыл Чыныбаев Ленин районунун акими болуп 2020-жылдын август айында дайындалган. 29-мартта Чыныбаев Кылмыш-жаза кодексинин 205-беренесинин 3-бөлүмү ("Ишенип берилген мүлктү ыйгарып алуу... Читать дальше...

27-мартта АКШнын Аляска штатындагы тоолордо тик учак кыйрап, анын ичиндеги Чехиянын эң бай ишкери Петр Келлнер каза тапты. Бул тууралуу Чехиянын PPF финансалык тобунун 29-марттагы билдирүүсүндө жарыяланды. Маалыматта жазылганга караганда тик учак кыйрап, 5 адам каза тапкан. Эми окуянын жагдайлары иликтене турганы белгиленди. Аляска штатынын аскер адамдары жүргүнчүлөр арасынан тирүү калган бирөөсүнүн абалы өтө оор, бирок, туруктуу экенин билдиришкен. АКШнын маалымдоо каражаттары тик учак саякаттап учуп жүрүп... Читать дальше...

Өкмөттүк делегациянын башчысы - Улуттук коопсуздук боюнча мамлекеттик комитеттин (УКМК) төрагасы Камчыбек Ташиев жана өкмөттүн чек ара маселелери боюнча атайын өкүлү Назирбек Бөрүбаев кыргыз-өзбек мамлекеттик чек арасын делимитациялоо жана демаркациялоо боюнча өкмөттүк делегациялардын кеңешмесинин жыйынтыгы боюнча элге маалыматтык-түшүндүрүү иштерин жүргүзүшөт. Бул тууралуу маалымат өкмөттүн сайтында жарыяланды. Түшүндүрүү иштеринин планына ылайык, Ташиев жана Бөрүбаев Баткен, Жалал-Абад, Ош облустарынын... Читать дальше...

26-27-март күндөрү катуу жааган жамгырдын кесепетинен Сузак айылдык аймагынын Төш айылынын тургуну Нурлан Кокуевдин 90 баш коюн сел алып кетти. Өзгөчө кырдаалдар министрлигинин маалыматына ылайык, турак жайлар жана адамдар жабыркаган жок. Ошондой эле Жалал-Абад шаардык оорукананын короосун жана жер төлөөсүн, автобекеттин аймагын, 27 турак үйдүн ичин жана короолорун суу каптаган. Мындан тышкары Таш-Көмүр шаарында Бишкек-Ош жолунун 431-432-чакырымындагы (Рязан-Сай айылы) кара жолго кум аралаш шагыл түшүп жол убактылуу жабылган. Читать дальше...

29-мартта Kыргызстанда коронавирус илдетине каршы эмдөө башталды. Ал максатта Кытайдын SinoPharm компаниясы чыгарган вакцина колдонулууда. Биринчи болуп саламаттык сактоо жана социалдык өнүктүрүү министри Алымкадыр Бейшеналиев ийне сайдырды. 75 миң адамга эсептелген 150 миң доза вакцина Кыргызстанга Кытайдан 19-мартта келген.

Президенттик аппараттын мурдагы жетекчиси Фарид Ниязов "Акипресс" агенттигине мурдагы президент Алмазбек Атамбаев жана анын командасы кетирген каталар тууралуу оюн билдирди. Анда ал Атамбаевдин эң олуттуу жаңылыштыгы катары мурдагы президент Сооронбай Жээнбековду мураскор катары тандап алганын эсептей турганын айткан.  "2017-жылдагы окуяларды эстеп таң калам. Сооронбай Жээнбековдун жоруктары жана адамдык сапаттарына жакшылап көңүл бурууну өтүнүп, бизге кимдер гана кайрылбады.  "Мураскор" бийликти... Читать дальше...

Кыргызстанга коңшу Казакстанда бир күн аралыгында, так айтканда, 27-мартка карата коронавирусттан бир сутка ичинде 22 адам каза тапты. Ал эми вирусту жугузуп алган адамдардын саны - 1492 киши. Мындан тышкары Саламаттыкты сактоо министрлиги коронавирустун айынан келип чыккан 22 өпкө кагынуусу катталганын ошол эле 27-мартка карата билдирген. Казакстанда коронавирус лабораториялык негизде тастыкталгандардын саны 29-мартка карата 241 873 адамды түздү. Пандемия башталган былтыркы 13-марттан бери... Читать дальше...

Ханафий сыяктуу салттык ислам агымдарын жолдоочулар эзелтеден сабырдуулугу, түркөйлүккө каршы күрөшү менен айырмаланган. Журналист Аким Кожоев өз блогунда азыр дал ушул сапатты сактап калуу абзел деп баса белгилейт.

Кийинки чара Суэц каналын тороп калган контейнерлерди ташыган кемелерди өтмөктөн чыгаруу болот. Буга чейин мындай кадамдар башка өзгөчө чаралар жыйынтык бербесе гана каралышы мүмкүн экени айтылган. Азыркы учурда Суэц каналындагы өтмөк торолуп калган кырдаалдын айынан дүйнөлүк экономика күн сайын тогуз миллиард доллар жоготуп жатканы эсептелген. Бүгүнкү күнгө карата Суэц каналы аркылуу өтүү мүмкүнчүлүгүн 320 жүк ташыган кеме күтүп турат. Жаныбарларды коргоочулардын маалыматы боюнча анын ичинде 130... Читать дальше...

Ислам өнүктүрүү банкынын Кыргызстанга берген насыясынын эсебинен алынган “Тез жардам” автоунааларын сатып алууда Саламаттык сактоо министрлиги мыйзам бузган. Бул тууралуу Башкы прокуратура маалымат таратты. Ага ылайык, 2020-жылдын 21-сентябрында Саламаттык сактоо министрлиги “Коопсуз шаар” долбоорунан түшкөн пайдага ар бири 2 924 267 сом турган 66 “Тез жардам” автоунаасын сатып алуу чечимин чыгарган. Бирок аталган чечимди кабыл алууда “Коопсуз шаар” долбоору менен келишим түзүлгөн эмес. Бир айдан... Читать дальше...

Ички иштер министрлиги (ИИМ) 11-апрелге белгиленген жергиликтүү кеңештин шайлоосуна жана референдум боюнча үгүт иштерине байланыштуу 55 маалыматты каттады. Анын он экиси кылмыш иши, он үчү жоруктар. ИИМдин басма сөз кызматы тараткан расмий кабарга ылайык бул маалыматтар 13-марттан 27-мартка чейинки убакта катталган. Министрликтик үгүт учурунда жана шайлоонун жүрүшүндө коомдук тартипти жана коопсуздукту камсыздоо үчүн аймактардагы башкармалыктардын жетекчилери менен онлайн кеңешме өткөргөн. ... Читать дальше...

Бишкектеги Ленин райондук сотунун имаратынын алдында “Манас” аэропортунун башкармалыгынын мурдагы төрагасы Эмир Чукуевдин жакындарынын, тарапташтарынын акциясы өтүп жатат.  Алар Чукуевдин бөгөт чарасын өзгөртүү талабы менен чогулганын билдиришти. Ал таза иштегенин, негизсиз камалганын айтышып, аны абактан бошотууну, жок дегенде үй камагына чыгарууну талап кылышууда. Нааразы тарап 18-мартта да ушундай эле талап менен  соттун алдына чыгышкан.   Эмир Чукуевдин ден соолугу начарлап кеткенин билдиришкен. Читать дальше...

Кыргызстанда‌ ‌жергиликтүү‌ ‌кеңешке‌ ‌шайлоо‌ ‌өнөктүгү‌ ‌кызуу‌ ‌жүрүп‌ ‌жатат.‌ 11-апрелде‌ ‌28‌ ‌шаардык‌ ‌жана‌ ‌420‌ ‌айылдык‌ ‌кеңештин‌ ‌депутаттарын‌ ‌шайлоо‌ болуп,‌ ‌анда‌ ‌биринчи‌ ‌жолу‌ ‌аялдар‌ ‌үчүн‌ ‌30% ‌квота ‌колдонулат.‌ Эмне үчүн ‌аялдардын ‌депутат‌ ‌болушу‌ маанилүу - "Азаттыктын" видео түшүндүрмөсүндө ушул тууралуу сөз болот.

Бүгүн - 29-мартта Саламаттык сактоо жана социалдык өнүктүрүү министри  Алымкадыр Бейшеналиев коронавируска каршы эмдөөдөн Кыргызстанда биринчи болуп өттү. Ал ошондой эле маалымат жыйынында Орусиянын «Спутник V» вакцинасы Кыргызстанга май-июнь айларында келиши мүмкүн экенин айтты. Кыргызстанда коронавирус илдетине каршы эмдөө башталды. Эмдөөгө кытайлык SinoPharm компаниясы чыгарган вакцина колдонулат. 75 миң адамга эсептелген 150 миң доза вакцина Кыргызстанга 19-мартта келген. Коранавируска каршы... Читать дальше...

Коомдук байкоочу комиссиянын мүчөлөрү абакта ооруп жаткан оппозиция лидери Алексей Навальныйдан кабар алышты. 26-мартта Алексей Навальныйдын өзү бели менен буту чыдатпай ооруп жатканын, бирок, ага тиешелүү деңгээлдеги медициналык жардам көрсөтүлбөгөнүнө даттанган болчу. Владимир облусунун Коомдук байкоочу кеңешинин мүчөлөрү оппозиция лидери Алексей Навальный отурган №2 түзөтүү абагына кирип чыгышты. Комиссиянын төрагасы Вячеслав Куликов Алексей Навальный абакта өзү басып жүргөнүн жана ал жолугушуу... Читать дальше...

Өздөрүн Бишкек шаарынын Биринчи май райондук ички иштер бөлүмүнүн кызматкери катары тааныштырып, пара талап кылган эки адам кармалды. Бул тууралуу Улуттук коопсуздук боюнча мамлекеттик комитет (УКМК) билдирди. Атайын кызматтын маалыматы боюнча, Л.Д.Э. жана Т.у.Ж. аттуу адамдар Сокулук районунун тургунунан 5000 доллар талап кылышкан. Шектүүлөр 26-мартта 50 миң сом алып жаткан жеринен колго түшкөн. Алар буга чейин да арыз жазган адамдан 190 миң сом жана 1000 доллар алган. Кармалгандар УКМКнын убактылуу кармоочу жайына киргизилди. Читать дальше...

Cаламаттык сактоо министри Алымкадыр Бейшеналиев 29-марттагы басма сөз жыйынында Орусиянын «Спутник V» вакцинасы Кыргызстанга май-июнь айларында келиши мүмкүн экенин айтты. “Президент Садыр Жапаров Орусиянын президенти Владимир Путин менен жолукканда «Спутник V» вакцинасынын 500 миң дозасын алуу тууралуу сүйлөшүүлөр жүрдү”, - деди министр. Кыргызстандын Саламаттык сактоо жана социалдык өнүктүрүү министрлигинин Дары-дармек жана медициналык жабдуулар департаменти «Спутник V» вакцинасын коронавируска... Читать дальше...

Тажикстандагы Каратегин тоолуу чөлкөмүнүн Жерге-Тал аймагынан чыккан айрым даңазалуу айымдар тууралуу жазуучу Мирзохалим Каримов сунуштаган блог.

Коронавируска каршы күрөш боюнча республикалык штабдын 29-март күнү эртең менен берген маалыматына караганда акыркы бир сутка ичинде COVID-19 илдетинен 2 адам каза болду. Вирус 71 кишиге жукканы маалымдалды. Саламаттык сактоо министрлигинин жаңы эсеби боюнча коронавирус пандемиясы башталган 2020-жылдын март айынан бери илдеттин курмандыктары жалпысынан 1483 кишини түздү. Ушуну менен пандемия башталгандан бери инфекцияны жугузуп алгандардын жалпы саны 88 163 адамга жетти. Акыркы суткада вирустан 53 адам айыгып чыкты. Читать дальше...

Бүгүн - 29-мартта Жогорку Кеңештин Социалдык маселелер, билим берүү, илим, маданият жана саламаттык сактоо боюнча комитети өкмөттүн үй-бүлөлүк зомбулукка каршы күрөш боюнча токтомунун аткарылышы тууралуу маалыматын угат. Комитет жыйынына баяндамачы катары вице-премьер-министри Артем Новиков, башкы прокурор Курманкул Зулушев, саламаттык сактоо жана социалдык өнүктүрүү министри Алымкадыр Бейшеналиев, билим берүү жана илим министри Алмазбек Бейшеналиев, ички иштер министри Улан Ниязбеков чакырылган. Читать дальше...

Ош шаардык ички иштер башкармалыгынын тергөө кызматы шайлоо өнөктүгүнө байланыштуу мыйзам бузуу жөнүндө түшкөн 10 маалыматты текшерип жатат. Бул тууралуу мекеменин басма сөз кызматы маалымдады. Милиция текшерүүнүн жыйынтыгында кабарланган маалыматтар аныкталса шайлоо мыйзамдарына ылайык тийиштүү тараптар жоопкерчиликке тартылаарын билдирди. Ош шаардык милициясы шайлоодогу үгүт компаниясы тиешеси бар бардык тараптарды мыйзам сактоого чакырат. Шаар тургундарын мыйзам бузуулар жөнүндө кабарларды... Читать дальше...

Өткөн аптада исламчы жоочулар Мозамбиктин түндүгүндөгү Палма шаарына кол салып, анын айынан ондогон кишилер набыт болгондугун өкмөттүн өкүлдөрү тастыкташты. Өкмөттүн басма сөз өкүлү Омар Саранга жергиликтүү жана чет элдик жүздөгөн кишилер Палма шаарынан коопсуз жакка шашылыш көчүрүлгөндүгүн 28-мартта журналисттерге билдирди. Палма шаары – 60 миллиард долларлык наркы бар эл аралык газ долбоорлорунун логистикалык борбору болуп саналат. Улуу Британиядан келип иштеп жаткан бир киши исламчы козголоңчулар... Читать дальше...

Балкандагы чакан Косово жумурияты – коронавируска каршы эмдөө программасын баштаган Европадагы акыркы өлкө болуп калды. Ал “COVID-19” илдетине каршы вакцинанын алгачкы дозаларын сырттан алды. Косово 28-мартта “COVAX” демөөрчүлүк программасы аркылуу “AstraZeneca” вакцинасынын 24 миң дозадан турган биринчи үлүшүн алды. Балкандагы мурдагы Югославиянын бөлүгү болгон бул өлкө жогорудагы эл аралык демөөрчүлүк программасы аркылуу жалпы 100 800 дозада вакцина алат. Премьер-министр Албин Курти... Читать дальше...