ილონ მასკი აცხადებს, რომ გააგრძელებს უკრაინისთვის Starlink-ის საფასურის გადახდას
ილონ მასკი აცხადებს, რომ მისი კომპანია SpaceX -ი აგრძელებს სატელიტურ კავშირ Starlink-ის საფასურის გადახდას უკრაინისთვის. ამის თაობაზე ბიზნესმენმა თავის ტვიტერში დაწერა.
"ჯანდაბას მისი თავი... თუმცა Starlink-ი კვლავ კარგავს თანხებს, ხოლო სხვა კომპანიები გადასახადის გადამხდელებისგან მილიარდებს იღებენ, ჩვენ გავაგრძელებთ უკრაინის მთავრობის უფასოდ დაფინასებას", - წერს ილონ მასკი.
ამ წერილამდე იყო ცნობები იმის თაობაზე, რომ კომპანია ილონ მასკს აღარ სურს, გააგრძელოს უკრაინისათვის Starlink-ის დაფინანსება და პენტაგონს სთხოვდა, საკუთარ თავზე აეღოს სათანამგზავრო კავშირის ტერმინალების დაფინანსება.
ტელეკომპანია СNN-ის თანახმად, კომპანია SpaceX-ის მფლობელმა განაცხადა, რომ კომპანიამ უკვე მიაწოდა უკრაინას 80 მილიონი დოლარის ღირებულების მოწყობილობა, ხოლო წლის ბოლოს აღნიშნული თანხა 100 მილიონ დოლარს მიაღწევს.
თებერვალში, რუსეთის უკრაინაში შეჭრის შემდეგ, აშშ-მა და ილონ მასკმა კიევს Starlink-ის ათასობით სისტემა გადასცეს. ამან უკრაინის შეიარაღებულ ძალებს საშუალება მისცა, კავშირი დაემყარებინა ე.წ მკვდარ ზონაში. Yahoo News-ის თანახმად, ენერგოეფექტური სატელიტური მიმღებების მეშვეობით, უკრაინას საშუალება მიეცა, მზვერავი უპილოტო საფრენი აპარატებით რეალურ დროში მიეღო ინფორმაცია რუსული ძალების გადაადგილების და მათი სამიზნე ობიექტების შესახებ.