უკრაინაში დაღუპული მეოცე ქართველი საქართველოში ჩამოასვენეს
უკრაინაში რუსეთის წინააღმდეგ მებრძოლი ედიშერ კვარაცხელია, რომელიც 10 ოქტომბერს დაიღუპა, საქართველოში ჩამოასვენეს. ის უკრაინაში 2014 წლიდან იბრძოდა.
"ჩემი ძმა გმირი იყო და გმირად მიიბარებს წალენჯიხის მიწა", - ამბობს ედიშერ კვარაცხელიას ძმა.
ქართველი მებრძოლი 25-ე ცალკეული მოტომსროლელი დივიზიის, "КИЇВСЬКА РУСЬ"-ის წევრი იყო. ის ასევე 2008 წლის რუსეთ-საქართველოს ომის მონაწილე იყო.
უკრაინაში რუსეთმა ომი 24 თებერვალს დაიწყო. ქართველი მებრძოლების დაღუპვის შესახებ პირველი ინფორმაცია 18 მარტს გავრცელდა. მას შემდეგ უკრაინაში 20 ქართველი მებრძოლი დაიღუპა.