Новости за 08.08.2020

8 აგვისტოს, ახალქალაქში მომხდარ ფიზიკურ დაპირისპირებას სოფელ გულიკამში მცხოვრები 27 წლის ახალგაზრდა მამაკაცის სიცოცხლე ემსხვერპლა. ადგილობრივთა განმარტებით, ორ ოჯახს შორის დაპირისპირება მესამე წელია გრძელდება. მოგვიანებით ახალქალაქში ფიზიკური დაპირისპირების შედეგად გარდაცვლილი ახალგაზრდის თანასოფლელებმა მკვლელობაში სავარაუდო ეჭვმიტანილთა სასტუმრო "არტსერგი" და მათი ოთხი ნათესავის სახლი გადაწვეს. საგამოძიებო მოქმედებები ამ დროისათვის სამ ადგილას მიმდინარეობს - ქალაქის ცენტრში, სადაც დაპირისპირება მოხდა... Читать дальше...

8 აგვისტოს ათასობით ადამიანი გავიდა ქუჩებში პოლიტიკური კლასის წინააღმდეგ პროტესტის ნიშნად, რომელსაც დემონსტრანტები ბრალს სდებენ ქვეყნის ღრმა პოლიტიკურ და ეკონომიკურ კრიზისში. პრემიერ-მინისტრმა ჰასან დიაბმა განაცხადა, რომ 9 აგვისტოს პარლამენტში შეიტანს ვადამდელი საპარლამენტო არჩევნების შესახებ კანონპროექტს. მაგრამ ამან ვერ დააშოშმინა ლიბანელები, რომლებიც არსებულ სისტემას კორუმპირებულად და არაეფექტიანად მიიჩნევენ. საპროტესტო აქციის მონაწილეებს დაუპირისპირდა პოლიცია და არმია. დემონსტრანტთა წინააღმდეგ... Читать дальше...

ბელარუსის ხელისუფლება განაგრძობს დამოუკიდებელ მეთვალყურეებზე ზეწოლას 9 აგვისტოს საპრეზიდენტო არჩევნების წინ. ამასობაში იზრდება შიში, რომ პრეზიდენტი ალექსანდრ ლუკაშენკა გაყალბებასა და რეპრესიებს გამოიყენებს, რათა გაახანგრძლივოს თავისი 26-წლიანი მმართველობა. ადამიანის უფლებების ორგანიზაცია „ვიასნამ“ 8 აგვისტოს გაავრცელა ინფორმაცია წინასწარი კენჭისყრის პროცესში საარჩევნო უბნებზე პოლიციის მიერ დევნისა და დაშინების ათობით შემთხვევის შესახებ. ოპოზიციის პოლიტიკოსებმა, უფლებადამცველებმა და ლუკაშენკას კრიტიკოსებმა მოუწოდეს მოქალაქეებს... Читать дальше...

2008 წლის აგვისტოს ომისა და საქართველოში რუსეთის ჯარების ინტერვენციის მე-12 წლისთავთან დაკავშირებით საქართველოს სუვერენიტეტისა და ტერიტორიული მთლიანობის მხარდამჭერი განცხადებები გააკეთეს აშშ-ის ხელისუფლების აღმასრულებელი და საკანონმდელო შტოების, კვლევითი ცენტრებისა და აკადემიური წრეების წარმომადგენლებმა. აშშ-ის სახელმწიფო მდივნის მოადგილის მოვალეობის შემსრულებლის, ფილიპ რიკერის თქმით, „არ შეიძლება დაკმაყოფილებული ვიყოთ ამ კონფლიქტთან დაკავშირებით. COVID-19-ის პანდემიის დროსაც კი რუსეთი მზადაა,... Читать дальше...

ახალქალაქში კაცი ცეცხლსასროლი იარაღით მოკლეს. შემთხვევა რამდენიმე საათის წინ მოხდა. ინფორმაციას ადასტურებენ შინაგან საქმეთა სამინისტროშიც. "ჩვენთან საავადმყოფოში შემოიყვანეს ერთი გარდაცვლილი, 27 წლის ბიჭი, რომელსაც ცეცხლსასროლი იარაღით გულის არეში ჰქონდა ჭრილობა მიყენებული, როცა ჯგუფი მივიდა უკვე გარდაცვლილი იყო. მეორე ახალგაზრდა ბიჭს მსუბუქი დაზიანება ჰქონდა. ქირურგმა ნახა მცირე დაზიანება იყო ხერხემლის არეში და უკვე გაეწერა ჩვენგან", – აცხადებს ახალქალაქის საავადმყოფოს მენეჯერი ალექსანდრე თოროსიანი "სამხრეთის კარიბჭესთან". Читать дальше...

იტალიაში, კორონავირუსის პანდემიით ერთ-ერთ ყველაზე უფრო დაზარალებულ ქვეყანაში, 7 სექტემბრამდე გაახანგრძლივეს ინფექციის გავრცელების საწინააღმდეგო ზომები. პრემიერ-მინისტრ ჯუზეპე კონტეს მიერ გამოცხადებული ზომები გულისხმობს პირბადეების სავალდებულო ტარებას დახურულ საჯარო სივრცეში, ხალხმა ერთმანეთს შორის უნდა დაიცვას დისტანცია, კვლავაც აკრძალულია დიდი თავყრილობები. კონტემ ხალხს სიფხიზლისკენ მოუწოდა კორონავირუსის გამო, რომელმაც ქვეყანაში 35 ათასზე მეტი ადამიანის სიცოცხლე შეიწირა. მექსიკაში, სადაც ინფექციის კლებას ვარაუდობდნენ... Читать дальше...

8 აგვისტოს ერგნეთში, აგვისტოს ომის მუზეუმში, ფოტოგამოფენა გაიმართა. "დღეს, აგვისტოს ომის მე-12 წლისთავზე, გადავწყვიტეთ, ომის თემაზე შექმნილი ფოტოების გამოფენა მუზეუმის ეზოში მოგვეწყო. აქ გამოფენილია როგორც ცხინვალის, ისე ქართული სოფლების ფოტოები. ჩვენ ვეცადეთ, რომ ორივე მხარე თანაბრად გვეჩვენებინა, რადგან ომი, ყველასთვის ომია", - ამბობს ლია ჩლაჩიძე, ერგნეთის აგვისტოს ომის მუზეუმის დამფუძნებელი.   მუზეუმის ეზოში დღეს ერგნეთელები და ადგილობრივი ხელისუფლების წარმომადგენლები შეიკრიბნენ და გამოფენილ... Читать дальше...

კომპანია ZAG​-ის ადვოკატმა მამუკა ჭაბაშვილმა, მოსამართლის განჩინება გაასაჩივრა, რომლის მიხედვითაც 7 აგვისტოს კომპანიის 5 თანამშრომლის სახლში ჩხრეკა ჩატარდა. „ამ განჩინებაში ვერანაირი დასაბუთება ვერ ვნახეთ, საქმის მასალები რა შემხებლობაშია ამ ხალხის ბინების ჩხრეკასთან დაკავშირებით. საერთოდ არანაირი დასაბუთება არ იყო განჩინებაში. მხოლოდ იყო მოყვანილი მშრალად კანონის მოთხოვნები. ყველაფერი მივაწოდეთ გამოძიებას და თუკი რაიმეს ნახავენ, მზად არის ეს ხალხი, პასუხი აგოს, მაგრამ დამერწმუნეთ, ვერაფერს ნახავენ“, - განაცხადა ადვოკატმა. Читать дальше...

ბულგარეთის დედაქალაქ სოფიაში 8 აგვისტოს ანტისამთავრობო დემონსტრაციის მონაწილეებმა აღადგინეს ტრანსპორტის ბლოკადა, რომელიც გუშინ აიღო პოლიციამ. 7 აგვისტოს, ზედიზედ 30-ე საღამოს, სოფიაში 5000-მდე ადამიანი შეიკრიბა საპროტესტო აქციაზე, რომლის მონაწილეები პრემიერ-მინისტრ ბოიკო ბორისოვის კონსერვატიული მთავრობის გადადგომას ითხოვენ კორუფციასთან დაკავშირებით. 29 ივლისიდან აქციის მონაწილეებმა სოფიის სამი უდიდესი გზაჯვარედინი დაიკავეს. ეს წლების განმავლობაში ყველაზე მასშტაბური საპროტესტო გამოსვლებია ბულგარეთში. Читать дальше...

„ეს განცხადება არ მიკვირს რუსეთის ხელისუფლებისგან, რომელიც ცდილობს, რომ საქართველოს დააბრალოს და თვითონ გამართლდეს. მაგრამ, ვისურვებდი, რომ საქართველოს ხელისუფლება არ მონაწილეობდეს იმ პროცესში, როდესაც ხდება საქართველოს მხარეზე ბრალის გადმოტანა“, - ასე გამოეხმაურა „ევროპული საქართველოს“ ლიდერი, დავით ბაქრაძე აგვისტოს ომთან დაკავშირებით რუსეთის ყოფილი პრეზიდენტის დმიტრი მედვედევის განცხადებას. ბაქრაძის თქმით, „ქართული ოცნება“ საკუთარი პარტიული ინტერესებიდან გამომდინარე, მზად არის, რომ რუსეთს პასუხისმგებლობა... Читать дальше...

შავშვების დევნილთა დასახლებაში სამოთახიანი კოტეჯის ერთი ოთახის კედლები სულ მოხატულია.

რუსეთის შორეულ აღმოსავლეთში მდებარე ქალაქ ხაბაროვსკის მცხოვრებლები ზედიზედ მეხუთე კვირაა, მართავენ არასანქცირებულ აქციებს ხაბაროვსკის მხარის დაპატიმრებული გუბერნატორის, სერგეი ფურგალის მხარდასაჭერად. რადიო თავისუფლების კორესპონდენტის ცნობით, აქციაში ათასობით ადამიანმა მიიღო მონაწილეობა. დემონსტრანტები თავდაპირველად შეიკრიბნენ ქალაქის მთავარ მოედანზე, შემდეგ კი მსვლელობა მოაწყვეს ცენტრალურ ქუჩებში. ხელისუფლების წარმომადგენლებიდან მათთან არავინ მისულა. ხაბაროვსკის მხარის ადმინისტრაციის თქმით, მთავრობის შენობის წინ 2800 ადამიანი შეიკრიბა. Читать дальше...

თამარ ბაჩალიაშვილის ოჯახის ადვოკატი, მიხეილ რამიშვილი აცხადებს, რომ გარდაცვლილის ტელეფონის ექსპერტიზა მასთან შეუთანხმებლად, 24 ივლისს დაწყებულა. მიხეილ რამიშვილის თქმით, მას ლუქზე ჰქონდა ხელი მოწერილი, ამიტომ ტელეფონი არ უნდა გახსნილიყო. "დღეს მოვედით მობილური ტელეფონის ექსპერტიზის დასაწყებად. თურმე, მობილური ტელეფონის ექსპერტიზა დაწყებულა 24-ში. დღეს მოვედი და ექსპერტიზა დასრულებულია", - განაცხადა მან. ადვოკატი აცხადებს, რომ ტელეფონი ხელმეორედ დაალუქინა და მიმართა პროკურორსა და ექსპერტებს, რომ... Читать дальше...

რუსეთის ყოფილმა პრეზიდენტმა, ამჟამად უსაფრთხოების საბჭოს თავმჯდომარის მოადგილემ დმიტრი მედვედევმა „ფეისბუკზე“ 2008 წლის აგვისტოს ომის მისეული შეფასება გამოაქვეყნა, სადაც რუსეთის წინააღმდეგ ომის დაწყებაში საქართველოს ადანაშაულებს. „ჩვენმა ქვეყანამ პასუხი გასცა საქართველოს მაშინდელი პრეზიდენტის დანაშაულებრივ ქმედებებს. პასუხი გასცა გარეწრების ქმედებებს, რომლებმაც მშვიდობიანი მოსახლეობის, დაუცველი მოხუცებისა და ბავშვების წინააღმდეგ ცეცხლის გახსნის გადაწყვეტილება გასცეს. ცეცხლი გაუხსნეს რუსეთის მშვიდობისმყოფელებსაც... Читать дальше...

რუსეთის მართლმადიდებელი ეკლესიის უმაღლესი საერთო-საეკლესიო სასამართლოს თავმჯდომარე, 79 წლის მიტროპოლიტი ისიდორე (კირიჩენკო) COVID-19-ით გარდაიცვალა. მისი სიკვდილის შესახებ ცნობა შაბათს გაავრცელა საპატრიარქოს წარმომადგენელმა. ისიდორე 33 წლის განმავლობაში იყო ყუბანის დეკანოზი. 6 აგვისტოს რუსეთის მართლმადიდებელი ეკლესიის გავლენიანმა სასულიერო პირმა, პროტოდიაკონმა ანდრეი კურაევმა, რომელსაც აკრძალული აქვს ღვთისმსახურება, განაცხადა, რომ ყუბანის ეპარქია ორი კვირის განმავლობაში არ იტყობინება ისიდორეს შესახებ. Читать дальше...

„12 წელი აგვისტოს ომიდან და ომის მძიმე შედეგები“ – ასე ეწოდება განცხადებას, რომელიც „სისხლის სამართლის საერთაშორისო სასამართლოსთვის საქართველოს კოალიციამ“ გაავრცელა. მიმართვაში 2008 წლის რუსეთ-საქართველოს ომის შედეგად წამოჭრილ პრობლემებზე და ამ პრობლემების გადაჭრის გზებზეა ლაპარაკი. კოალიცია რამდენიმე მსხვილი ქართული არასამთავრობო ორგანიზაციისგან შედგება. განცხადებაში ნათქვამია, რომ საქართველოს მოქალაქეთა უფლებების ხელყოფის ფაქტები 2008 წლის აგვისტოს ომის შემდეგაც მასობრივად გაგრძელდა. გადაადგილების... Читать дальше...

აშშ-ის პრეზიდენტ დონალდ ტრამპის თქმით, მისი მთავრობა გულისყურით მოეკიდება აშშ-ის დაზვერვის მაღალი რანგის პირის გაფრთხილებას ნოემბრის საპრეზიდენტო არჩევნებში რუსეთის, ჩინეთისა და ირანის შესაძლო ჩარევის თაობაზე. მან დასძინა, რომ უკანასკნელი, რაც ამ სახელმწიფოებს სურთ, არჩევნებში მისი გამარჯვებაა. ტრამპი გამოეხმაურა ეროვნული კონტრდაზვერვის უსაფრთხოების ცენტრის დირექტორის, ბილ ივეინინას 7 აგვისტოს განცხადებას. ჩინეთი, რუსეთი და ირანი ცდილობენ გავლენა მოახდინონ ამერიკელ ამომრჩევლებზე აშშ-ის საპრეზიდენტო არჩევნების წინ. Читать дальше...

„დღეს არის დუმილის და დაფიქრების დღე. თუ დავფიქრდებით, დღეს რაც ხდება საქართველოში, არის სირცხვილი“, – განაცხადა საქართველოს პრეზიდენტმა სალომე ზურაბიშვილმა მუხათგვერდის ძმათა სასაფლაოზე, სადაც 2008 წლის რუსეთ-საქართველოს ომის დროს დაღუპულთა ხსოვნას პატივი მიაგეს. სალომე ზურაბიშვილის განმარტებით, ამ ადამიანებმა თავი ღირსეული საქართველოსთვის შესწირეს. „დღეს საქართველო არ არის ღირსეული. ის შიდა დაპირისპირებები, რაც არსებობს, ის შიდა ბოღმა, სიძულვილი, რომელსაც ყოველდღე გამოაქვს შედეგი ჩვენს ახალგაზრდობაზე და ჩვენ ყველა ამას ვხედავთ... Читать дальше...

"მიხეილ სააკაშვილს პოლიტიკაში აქვს ორი სახე: ერთი, ნამდვილი სახე არის, როდესაც ის სამხედრო თვითმფრინავის დანახვაზე გარბის ბრძოლის ველიდან, ტოვებს სტუმრებს, ტოვებს დაცვის წევრებს და მშვიდობიან მოქალაქეებს, რომლებიც მის გარშემო არიან, და მეორე სახე, როდესაც ის ჰააგაში დგას და ყალბი განცხადებებით ეხმაურება საქართველოს ინტერესებს. რა თქმა უნდა, რაც მან გააკეთა, არის პოლიტიკური ფარისევლობის უმაღლესი მწვერვალი“, - განაცხადა საქართველოს პარლამენტის თავმჯდომარემ არჩილ თალაკვაძემ. მისი ეს კომენტარი შეეხებოდა საქართველოს ყოფილი პრეზიდენტის... Читать дальше...

გორში, აგვისტოს ომის მე-12 წლისთავთან დაკავშირებით, ღონისძიებები დილიდან დაიწყო. ადგილობრივი ხელისუფლებისა და საზოგადოების წარმომადგენლებმა ყვავილებით და გვირგვინებით შეამკეს აგვისტოს ომის დროს დაღუპული გმირების მემორიალი და წუთიერი დუმილით პატივი მიაგეს მათ ხსოვნას. ასევე გაიმართა დაღუპულთა სულის მოსახსენიებელი პანაშვიდი. ომის მე-12 წლისთავისადმი მიძღვნილი ღონისძიებები გორსა და შინდისში მთელი დღის განმავლობაში გაგრძელდება. საღამოს კი ცხინვალის გვერდით, სოფელ ერგნეთში, აგვისტოს ომის მუზეუმში... Читать дальше...

საქართველოს თავდაცვის მინისტრმა, ირაკლი ღარიბაშვილმა შეკითხვაზე, თუ რატომ არაფერს ამბობდა რუსეთის პრეზიდენტის, ვლადიმირ პუტინის როლზე 2008 წლის ომში, ჟურნალისტებს უპასუხა: „პუტინისტები ხართ თქვენ“. მოგვიანებით ღარიბაშვილმა დააკონკრეტა, რომ „პუტინისტებად“ ტელეკომპანია "ფორმულა" და "მთავარი არხი" მოიხსენია. „რუსული ოკუპაცია განაპირობა თქვენმა ბელადმა... სააკაშვილმა და თქვენი ტელევიზიის დამფინანსებელმა კეზერაშვილმა, რომელმაც ჩვენი გმირი ჯარისკაცები მიატოვა ომში. ჟურნალისტებს არ ვუწოდებ [პუტინისტებს]... Читать дальше...

2008 წლის ომში უდიდესი პასუხისმგებლობა ეკისრება მიხეილ სააკაშვილს და მის გუნდს. მათ ვერ მოახერხეს, ეს დიდი უბედურება აერიდებინათ ქვეყნისთვის, - განაცხადა თბილისის მერმა, კახა კალაძემ მუხათგვერდის ძმათა სასაფლაოზე ჟურნალისტებთან საუბრისას, სადაც ხელისუფლების წარმომადგენლებმა 2008 წლის აგვისტოს ომში დაღუპულებს პატივი მიაგეს. კახა კალაძის განცხადებით, არავის უთქვამს, რომ ომი საქართველომ დაიწყო. თბილისის მერის თქმით, ოკუპაციას საქართველო წინსვლით უნდა დაუპირისპირდეს. „12 წელი გავიდა იმ საშინელი დღეებიდან... Читать дальше...

„მშვიდობა და მშვიდობიანი ქმედებები, მშვიდობიანი და გონივრული პოლიტიკა არის ერთადერთი შესაძლებლობა იმისთვის, რომ ქვეყანაში მოხდეს განვითარება, მშვიდობა ნებისმიერი განვითარების უპირობო და აუცილებელი პირობაა“, - განაცხადა საქართველოს პრემიერ-მინისტრმა გიორგი გახარიამ მუხათგვერდის ძმათა სასაფლაოზე, სადაც 2008 წლის რუსეთ-საქართველოს ომის დროს დაღუპულთა ხსოვნას პატივი მიაგეს. მან 8 აგვისტო საქართველოს უახლეს ისტორიაში უმძიმედ დღედ შეაფასა და თქვა, რომ ომში დაღუპულ გმირებს პატივი არა მხოლოდ ამ დღეს, არამედ ყოველდღე და ყოველ წუთს უნდა მივაგოთ. Читать дальше...

8 აგვისტოს დამატებული კორონავირუსის სამივე ახალი შემთხვევა შემოტანილია, - უთხრა ჟურნალისტებს თბილისის ცენტრალური ინფექციური საავადმყოფოს სამედიცინო დირექტორმა, მარინა ეზუგბაიამ. მისი ცნობით, ორი ინფიცირებული სატვირთო მანქანის მძღოლია. „ჩვენს ცენტრში უცვლელი მდგომარეობაა, გუშინ იყო 31 დადასტურებული პაციენტი, ახალი არ შემოსულა, არც გამოჯანმრთელებულა. მათი მდგომარეობა ფასდება საშუალო და საშუალოზე მსუბუქად“, - განაცხადა მარინა ეზუგბაიამ.

ჯეიმს აპატურაიმ, ნატოს გენერალური მდივნის სპეციალურმა წარმომადგენელმა სამხრეთ კავკასიასა და ცენტრალურ აზიაში „ფეისბუკის“ მეშვეობით განცხადება გაავრცელა და მოუწოდა რუსეთს შეასრულოს საერთაშორისო ვალდებულებები და გაიყვანოს ჯარი საქართველოს ტერიტორიიდან. განცხადებაში ნათქვამია, რომ „რუსეთის ჯარები 12 წელია, რაც უკანონოდ იმყოფებიან საქართველოს ტერიტორიის 20%-ზე, რის შედეგადაც ათასობით ქართველს საკუთარი სახლისა და მიწის დატოვება მოუწია. NATO კვლავინდებურად აღიარებს საქართველოს მის საერთაშორისოდ აღიარებულ საზღვრებში და მოუწოდებს რუსეთს... Читать дальше...