Новости за 15.01.2021

"Галваьллачунна гечдийр ду, бехкечунна таIзар дийр ду" аьлла Кадыровс; ша вен гIоьртинчарна дайн таIзар дина хиларна реза вац нохчийн блогер; Нохчийчоьнан Iедалша билгалдаккхарехь, регионехь коронавирусан хьал тоделла догIу

"Ахмат" футболан а, ийначу кепехь латаран Absolute Championship Akhmat клубийн а каналаш дIакъевлина ютьюбо. Уьш схьаелла хьаьжча йоза хIутту: "ХIара аккаунт къевлина ю, YouTube юкъараллан низамаш дохорна". Цкъачунна цхьана а кепара цунах лаьцна комментари ца йитина Оьрсийчоьнан премьер-лигехь ловзучу "Ахмат" футболан клубан официалан векалша. ACA-н (Absolute Championship Akhmat) президенто Яценко Алексейс дIахьедина, адамийн бакъонаш талхоца йоьзна яц юкъаралла, цундела шайн ютьюб-каналана блок хIоттор бух болуш дац аьлла. Читать дальше...

Дуьненаюкъарчу Iедалца йоьзна йоцучу "Журналисташ Iалашбен Комитет" организацино кхайкхамбина Оьрсийчоьне. Цара доьху, хаамийн гIирсаш а, журналисташ а "арахьарчу агентех" дIатоха бакъо луш долу низам даржор юхадаккхар. Комитетан позици организацин сайтехь зорбане яьккхина ю. Оцу кепара кхайкхам бан бахьана хIоьттира царна, Свободная Европа/Свобода Радион медиакорпорацин (РСЕ/РС ) еа проектна а, Оьрсийчуьрчу церан векалтан куьйгалхочунна а Роскомнадзоро бархI протокл хIотторца. Чиллан-баттахь... Читать дальше...

Коронавирусца къийсам латтон Iалашонца кхана, пIераскан дийнахь дуьйна, комендантан сахьт юкъадоккхуш ду Францехь - суьйранна ялх сахьт даьлча Iуьйранна 6 сахьт даллалц. Пачхьалкхан премьер-министро Кастекс Жана бина и хаам. Хьалхо комендантан сахьт дара лелаш мехкан 25 депатраментехь. Мел лахара а 15 денна дIакхайкхийна Францехь комендантан раж. Британехь гучуяьлла вирусан керлачу штаммца доьзна ду дозанаш деттар. COVID-19 вирус яц аьлла негативе тест хила еза Дечкен-беттан 18-чохь дуьйна Шенгенан... Читать дальше...

ЦIе яьлла мухIажираш-рохинджи бехачу Бангладешерчу лагерехь. 3500 стаг висна, кхерч а боцуш.

Яхначу буса а, дийнахь а Къилбаседа Кавказехь коронавирусани уьнах велла 34 дархо, вирус къаьстина кхин а 1 143 стагаца. Инфекци ца яржийта Iалашонца вовшахтоьхначу оперативан штабан зерашца, Краснодаран кIоштахь ковидах велла 18 дархо, Ставрополан махкахь а, Дагестанехь а кхелхина виъ-виъ, ГIалмакхойчохь а, ГIебарта-Балкхаройчохь а, ГIалгIайчохь а шишша велла, Нохчийчохь цхьаъ. Пандеми яьржичхьана Къилбаседа Кавказехь уьнах кхелхина 6 339 пациент. Къаьсттина дукха бу ун даьлла нах тIаьххьарчу... Читать дальше...

1990-чу шерашкахь Европе дIа а бахна, цигара схьа адамийн бакъонаш хьешарна Нохчийчоьнна бехкаш дохку нохчий тIеэца баккхийбийр бу даймахкахь. Уьш галбевлла хилар гечдийр ду царна, нагахь санна, цхьана хIумана тIехь церан бехк хиллехь, таIзар а дийр ду. Оцу кепара дIахьедар дина Нохчийчоьнан куьйгалхочо Кадыров Рамзана еарин дийнахь Думан депутатаца Делимханов Адамца а, парламентан спикерца Даудов Мохьмадца а, ницкъаллин структурийн куьйгаллийца а, кхиболчу официалан нахаца а шен хиллачу кхеташонехь, хаам бо REGNUM агенталло. Читать дальше...

Нохчийчоьнан Iедалша билгалдаккхарехь, регионехь коронавирусан хьал тоделла догIу. ТIаьххьарчу баттахь шозза лахделла го бахархошлахь инфекци яржаран терахь. И хаам бина, ун ца даржийта Iалашонца вовшахтоьхначу Нохчийчуьрчу оперативан штабан куьйгалхочо, парламентан спикеро Даудов Мохьмада, Оьрсийчоьнан вице-премьерца Голикова Татьяница йоьдучу видеоконференцехь. "Масала, байначу беттан 14-чу дийнахь 139 стаг билгалвелира COVID-19 вирусца, тIкъа тIаьххьарчу дийнахь-буса 77 дархо бен ца къаьстина",- аьлла Даудовс. Читать дальше...

Терроризм къобалйинчех ву аьлла, шина баттахь лаьцна латтийна 22 шо долу нохчо маьршаваьккхина Францехь, яздо Кавказ.Реалиино. Блуа гIалахь лецира иза яхначу гурахь ГIадужу-беттан 23-чохь, вийначу хьехархочун Пати Сэмюэлан суртана "лайк" хIотторна. Иза вийначу Анзоров IабдуллахIа твиттерхь ша динчу зуламах хаамбина, Патин сурт зорбане даьккхинера. Цул тIаьхьа дукха ца Iаш полицино вийра иза герз тоьхна.  Нохчийчохь шолгIа тIом бирзича шен деца-ненаца Франци дехьаваьллера лаьцна хилла жимстаг. Терроран тохарш а... Читать дальше...