Маршо Радион тIаьххьара керланаш (27.12.2019)
Гутаевн арз дар харцдо, Кадыровх летар ву Емельяненко, Петербургехь кхеле озийна нохчо (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Гутаевн арз дар харцдо, Кадыровх летар ву Емельяненко, Петербургехь кхеле озийна нохчо (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Казахстанан полицино бинчу хаамца, Алматара Нур-Султане даха гIоттуш доьхначу Fokker 100 кеманчохь велла 14 стаг. И хаам рогIехь тIечIагIбеш оцу хьукмато гайтинарг а ду изза терахь. Могашаллин министралло а боху велларг 14 вахархо ву.
Муха яздо терахьдешнаш, кепаш муха хуьлу церан? ХIун дагахь латто деза уьш нийса яздан?
Цхьа шо 5 бутт колонехь-поселенехь даккха хан кхайкхийна кхело гIалгIайн жигархочун Вышегуров Мустафана. Иза бехке вина суьдхоша Магасерчу митингехь ницкъаллин структурийн белхахошна тIелатарехь дакъалацарна. Вышегуровс шен бехк хилар тIелаьцна, амма дIахьедар дина ша дохкаваьлла хилар тидаме ца эцна кхело аьлла. Юкъараллин жигархочун адвокато билгалдаккхарехь, талламан изоляторехь даьккхина хIора де колонехь-поселенехь даьккхина ши де санна лоруш хиларна, Вышегуров маьршаволуьйтур ву тIедогIучу шеран Дечкен-бутт юкккъе баьлча.
Алматына гергахь Bek Air кема охьадоьжча кхелхина 12 стаг. Лазийна ву 49. Цунах лаьцна хаам бина Казахстанан чоьхьарчу гIуллакхийн министраллан орцаллан комитето. Цу нехан цIерш йовзийтина зорбан гIирсашна. КемантIехь хилла 93 некъахо а, 5 стагах лаьтта экипаж а. Кхелхинчарна юкъахь ву кеманан командир Муратабаев Марат. Кхечу пачхьалкхара 4 стаг хилла доьхначу кемантIехь – Украинан 2, ГIиргIизойчуьра а, Китайра а цхьацца стаг а. Уьш берш дийна бисина, хаам бина чоьхьарчу гIуллакхийн министралло.
Хасавюьртан гIалин кхело талламан изоляторна чуволла сацам бина полицин белхахо Магомедов Юсуп. Иза а цуьнан белхан накъост Сулйманов Рамзан а бехке веш ву Муцалаулан вахархочун Алиев Мусана еттарна. Алиевна ницкъ бина полисхоша, цо дийцарехь, 13-шо долу шен лулахо хьийзор цуьнга тIелацийта гIерташ. Хьалхо кхело сацам бинера Магомедов лаьцна цIахь вита мегар ду аьлла. И сацам хийцина прокуроро а, эшам хиллачу Алиевн адвокато а латкъам бар бахьана долуш. Цара чIагIдора деза зулам дина полисхо цIахь витахь... Читать дальше...
Деркач Анвар Кавказхоша тховкIело лохучу меттигех цхьаъ ю Украина. Амма тешаме яц оцу пачхьалкхо мигранташца лелаен юкъаметтиг. ГIалгIачун дов Кавказхойн дог-ойла хьаеш дара 2019-чу шарахь гIалгIа Сейнароев Салман лацар а, изоляторера иза дIахецар а. Цо дешин хIуманаш юхку туька яьхьина а, цуьнан хехо вийна, бохура талламо. Ткъа ша Сейнароев Оьрсийчоьнехьа болчу Донбассерчу сепаратисташца тIемаш бина ву. Шайхан Ушурмин батальонера шен накъост Тумгоев Тимур махках ца ваккхийта гIерташ а хьийзира иза хьалхо, ша лацале. Читать дальше...
Петербурган прокуратуро кхеле хьажийна 2016-чу шарахь Зазадоккху-баттахь лор Адхамов Бахтияр вен гIортарца доьзна теллина бехктакхаман гIуллакх. Цхьаммо лаьцна стаг вен гIортарна а, герз лелорна а бехке веш ву Нохчийчуьра схьаваьлла Муртазаев Апти, хаам бо "Интерфаксо". Талламан версица, Муртазаевс 5 миллион соьмах вен везаш хилла Ахдамов. Цу Iалашонца, № 54 йолчу гIалин поликлинакан неIаре а веана, балхара араволучу лоьрана 8-зза герз тоьхна цо (муьлха герз хилла къасто аьтто ца баьлла). Амма... Читать дальше...
2020-чу шарахь язлуш ю "АвтоВАЗ» компанин машенаш. Уггар алсам язлур ю седан Vesta. Цуьнан мах тIекхетар бу 3,8%. Иза хир бу 629,9 эзар сом. Седана Granta-н мах хир бу 455,9 эзар сом (+2,5 %), ткъа машен лелош йиъ чIург йолчу Lada 4x4 доккхур ду 538,9 эцар сом (+2,9 %). Седан Vesta Sportан мах хир бу 1 млн 42,9 эзар сом (+1,5 %); Xray хетчбэках даладезар ду эцархойн 619,9 эзар сом (+0,8 %). 2019-чу шарахь "АвтоВАЗо" кхузза хьалабехира шен машенийн мехаш: Дечкен-баттахь – 3% гергга, Товбецан-баттахь а... Читать дальше...
Красноярскан махкарчу Норильскан гIалан прокуратуран белхахоша харцдина шаьш Оьрсийчоьнан инарлин прокуроре Чайка Юрийге шайн хьаькамна Гутаев Хаваж-Баудина арз дина бохург. "Коллективо цу тайпа арз ца яздина", - аьлла «Сибирь. МБХ медиа» зорбан гIирсан корреспонденте цу гIалан прокуроран коьртачу гIоьнчо Образцова Анастасияс. Еарин дийнахь Оьрсийчуьрчу зорбанан гIирсаша арз даржийра иза Норильскан прокуратуран белхахоша Оьрсийчоьнан инарлин прокуроре бина кхайкхам бу аьлла. Цу тIехь кху... Читать дальше...
Еарийдийнахь магасхой бахара Ажигова Iайша ган мехкан аэропорте. Москварчу дарбанцIийнехь ах шо даьккхира дейишас етташ кхаьбначу йоIа, денлурдоцу куьйг дIа а даьккхина, цIаяийтина иза лоьраша.
ММА латархочо Емельяненко Александр реза хилла Нохчийчоьнан куьйгалхочуьнца Кадыров Рамзанца боксах лата, хаам бо BMF.ru сатйо. "Ас тIеоьцу хьан кхайкхам, сан ДоттагI Рамзан! Со кийча бу хьоьца бокс ян!", - яздина Емельяненкос ша дIахIоттийначу видеона кIеллахь. Шен дIахьедарехь спортхочо билгалдаьккхина, хир долчу латарца шаьшшимма пропаганда йийр ю спортана а, уьнах цIена дахаран кеп лелорна а аьлла. Хьалхо Нохчийчоьнан куьйгалхочо Instagram-хь латаре кхайкхинера Емельяненко Александр.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.