Маршо Радион тIаьххьара керланаш (25.12.2019)
Прокурор Гутаев лаьцна, Шемарчу йийсархоша гIо доьху (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Прокурор Гутаев лаьцна, Шемарчу йийсархоша гIо доьху (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Соьлж-ГIалахь театран-концертан гIишлонехь гулам дIабаьхтна Нохчийн Республикан бусалба урхалло. Цигахь, дуьхьал цхьа а воцуш, юха а Нохчийчоьнан муфтийн дарже хаьржина Межиев Салахь. Гуламехь дакъалоцучу Нохчийчоьнан куьйгалхочо Кадыров Рамзана хастийна Межиев иза дIавахханчехь наха ларамца тIеоьцу иза аьлла. Цул хьалха вистхиллачу Межиевс дийцира республикехь динца доьзначу гIуллакхашкахь мехала меттиг дIалоцуш хилар Кадыров Рамзана.
Ростов туп тоьхна йолчу Къилбан тIеман гонан кхело хан тоьхна Астраханан махкахь вехачу Нохчийчоьнан махкахочун. Иза бехке вина террорхошна гIо дарна, яздо "Регнум" агенталло. Талламхойн версица, 32 шо долчу Адыгаев Iийсас ахча дахьийтина хилла "Исламан пачхьалкх" тобанна. И ахча цунна делла хила мила ву къасто аьтто ца баьллачу стага. Талламхоша чIагIдарехь, Адыгаев машенахь дIасалелаш хилла шеца тIеман гIирс а, патарманаш а, нароктикаш а эцна. И стаг 6 шаранна дIахьажийна суьдхоша юкъерчу барамехь раж йолчу колонехь хан такха.
1979 шеран ГIуран-беттан 27-гIачу дийнахь Кабулера Iедал шен караийцира Советан пачхьалкхерчу эскарша.
Кху шинарийдийнахь тIемаш болийна Шемин эскарша Идлиб-мохк карахь латточу тIемалошна дуьхьал, бIеннаш бахархой бевдда МаIарат ал-Нуманера а, гонахарчу кхечу меттигашкара а. Нах, бомбанех къаьхкина, къелхаьарбовлуш, машенашкахь, шайн ларчаш а карахь, бевдда Туркойчоьнан дозанерчу Баб-эл-Хьава юьрта.
Дейишас ницкъ бина хилла ГIалгIайчуьра 7 шо долу Ажигова Iайша ГIура-беттан 25-чохь араялийтина Москварчу берийн хирургин а, травматологин а дарбанан цIийнера, хаам бо Ren.tv телеканало. Ажигова Iайша гергарчара нуьцкъаша дIаяьккхина хиллера ненера. Цунах лаьцна дийцира 7 шо долчу йоIан нанас Евлоева Лидияс. Товбецан-баттахь Ажигова вочу хьолехь дарбанан хIусаме ялийнера Несарахь. Цул тIаьхьа сихонца иза дIакхачийра Москварчу клинике. Лоьраша куьйган дакъа дIадаьккхина цуьнан, йина чевнаш харцахьа йовларна. Читать дальше...
Нохчийчоьнан куьйгалхочо Iуналла дечу адамийн бакъонашкахула кхеташонан декъашхочо Саратова Хедас дIахьедар дина, шега гIо доьхуш Шемахь а, Иракъехь а йисарехь болчу зударшкара а, берашкара а 3 500 дехар кхаьчна аьлла. ГIо доьхуш дехарш кхочу Оьрсийчуьра а, Советан пачхьалкхана юкъахь хиллачу пачхьалкхашкара а, Малхбузера а, шайна юкъахь Америка а йолуш, чIагIдо Саратовас. Цо дийцарехь, гIо доьхучарна юкъахь 200 гергга бобер ду. Саратовас дехар дина Кадыров Рамзане и нах цIаберзош гIо дахьара аьлла.
Болх беш божарша уггар кIезиг хан йойу меттиг ю Нохчийчоь. Цунах лаьцна дуьйцуш ду Оьрсийчоьнан Росстато арахецначу хаамехь. Нохчийчуьра божарша хIора кIиранах болх бо юккъерчу барамехь 34,6 сохьтехь. ШолгIачу меттехь йолчу ГIалгIайчохь и терахь ду - 35,8 сахьт. КхоалгIачу меттехь бу божарша хIора кIиранах болх беш 36,3 сахьт дойу Алтайн мохк. Росстато далочу терахьшца, балхахь уггар дукха хан йойу Тамбовн кIоштахь бехачу божарша - 41,6 сахьт кIиранах. Ерриг Оьрсийчоь схьаэцча, 209-чу шеран... Читать дальше...
Оьрсийчоьнан Iедало сацам бина Соьлж-ГIалахь ша-тайпа экономикан зона кхолла. Цунах лаьцна хаам бина шен telegram-каналехь Нохчийчоьнан куьйгалхочо Кадыров Рамзана. "Дуьххьара ша-тайпа экономикан зона кхолларх лаьцна хаттар хьахийнера ас Оьрсийчоьнан премьер-министрца (Медведев Дмитрийца) 2018 шарахь сайн цхьаьнакхетар хилча". Цу хьокъехь бина сацам боккха чулацам болуш бу тхуна", - билгалдаьккхина Кадыровс. Соьлж-ГIалахь ша-тайпа экономикан зона кхолла мега аьлла, хаам бинера хьалхо "Коммерсант" газето... Читать дальше...
Лар ца луш къамел дарна Нохчийчохь бехк ца биллар дехийтар даьржина хиларна концерташца цига ца воьду юморист Галкин Максим. Цунах лаьцна цо дIахьедар дина ГIура-беттан 24-хь ша еллачу интервьюхь. Иза тIехь йолу видео араяьлла "А поговорить?" программан YouTube-каналехь. "Со дукха луьйш Iедал долуш ву… Со кхоьру цигахь айса цхьа тIехдерг аларна, цундела ца воьду со Нохчийчу. Со дипломат санна айса цхьаъ олуш ларлуш стаг ву, амма цхьадолу сайна хетарг нисса дIаала маьрша хилар дезаш ву со. Читать дальше...
Федералан кхерамазаллин сервисан белхахоша Красноярскан махкахь лаьцна Норильск гIалан прокуроран декхарш кхочушдийриг Гутаев Хаваж-Бауди. Цунах лаьцна хаам бо "Интерфаксо". "Бехктакхаман гIуллакх долийна "кхаъ эцарна", Гутаев лаьцна ву", - хаам бина цу агенталлан хьастано. Красноярскан мехкан прокуратуран зорбан сервисехь тIечIагIдина иза. Болчу хаамца, Гутаев Хаваж-Бауди вина Нохчийчуьрчу Шелахь 1987-чу шарахь. 2010-чу шарахь дуьйна иза болх беш хилла Нохчийчьурчу прокуратурехь.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.