Истанбулда атышу вакытында өч кеше һәлак булган
Истанбулда атышу сәбәпле өч кеше һәлак булган, тагын биш кеше зыян күргән, дип хәбәр итә «РИА Новости».
Бу хәл пәнҗешәмбе кичендә Ускюдар районы Аязма урамындагы кафеда була. Агентлык мәгълүматлары буенча, ял итүче ике төркем арасында низаг килеп чыга һәм атышу белән тәмамлана.
Зыян күрүче ике кеше хастаханәдә авыр хәлдә. Хокук саклау органнары вакыйганы тикшерә.