Новости за 23.05.2024

Зәй районы Югары Шепкәнең игелекле йөрәкле хатын-кызлары һәр көн мәдәният йортына җыелып, махсус хәрби операция зонасына җибәрү өчен маскировкалау челтәрләре үрәләр. Эш ике сменада оештырылган. Биредә көнгә ике челтәр үрәләр. Бу хакта «Зәй яңалылкары» сайтында хәбәр ителә.

Иран Ислам Республикасы Президенты Ибраһим Раиси һәм аның юлдашлары һәлак булу сәбәпле, бүген Россия мөселманнары Диния нәзарәте җитәкчесе шәех Равил Гайнетдин урынбасарлары белән Россиянең 25 миллионлы өммәте исеменнән Иранның Россиядәге илчесе Казем Джалалига кайгы уртаклашу белдерде. Бу хакта Россия мөселманнары Диния нәзарәте хәбәр итә.

Химиклар – Татарстанның һәм бөтен Россиянең сәнәгать потенциалын үстерүгә зур өлеш керткән кешеләр. Бу хакта, татарстанлыларны Химиклар көне белән котлап, ТР Рәисе Рөстәм Миңнеханов язган.

Агымдагы елда Татарстан Республикасының «Татарстан мәдәниятен үстерү» дәүләт программасын гамәлгә ашыруга 9,6 млрд сум бүлеп биреләчәк. Бу хакта Татарстан Финанслар министрлыгы матбугат хезмәте хәбәр итә.

Татарстанда ТР бюджетыннан грантлар алу конкурсында катнашу өчен гаризалар кабул ителә башлады. Аларны Татарстан дәүләт телләрен һәм башка халыкларның телләрен үстерү һәм «яшәтү» проблемаларына багышланган медиапроектларны гамәлгә ашыру өчен алырга мөмкин. Бу хакта Татарстан Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы хәбәр итә.

«Түбән Кама нефть химиясе»нә кадрлар әзерләүгә, шул исәптән чит ил белгечләренә дә игътибар итәргә кирәк. Шәһәрдә кирәкле кадрларны укыта торган техникумнар һәм ресурс үзәкләре булдырырга кирәк. Бу хакта предприятиене алга таба үстерү турындагы киңәшмәдә Татарстан Рәисе Рөстәм Миңнеханов белдерде.

Казанда БРИКС саммиты чын стратегик партнерлык символы булырга һәм уңышны чагылдырырга тиеш. Моңа берләшмәдә катнашучы илләр көче белән ирешергә мөмкин. Бу турыда Россия тышкы эшләр министры урынбасары Сергей Рябков белдерде.

Алдагы ялларда Татарстанга эсселек килә, аннары республикада кабат салкынайта. Бу фаразны Татарстан Гидрометеорология һәм әйләнә-тирә мохитне күзәтү үзәге матбугат хезмәте таратты.

Татарстан Рәисе Рөстәм Миңнеханов «Түбән Кама нефть химиясе» җитештерү комплексында булды һәм яңа инвестицион проектларны бәяләде. Алар якындагы елларда тәмамланачак. Бу хакта Татарстан җитәкчесенең матбугат хезмәте хәбәр итә.

Бөтендөнья татар конгрессы тарафыннан Татарстан журналистлары өчен оештырылган Киров өлкәсенең Малмыж районындагы сәфәр барышында Иске Йөрек авыл җирлегендә урнашкан туган як тарихын өйрәнү музее белән таныштык.

Бүген Россия Федерациясе Дәүләт Думасында парламент тыңлауларында Россиянең салым законнарына үзгәрешләр мәсьәләләре каралды. Яңа инициативалар кертелгәннән соң, ул үтәкүренмәле һәм гадел булырга тиеш. Мондый фикерне «Татар-информ» хәбәрчесе белән сөйләшүдә Татарстаннан Дәүләт Думасы депутаты Айрат Фәррахов белдерде.

Республика һәм муниципаль хакимиятләрнең бурычы - халыкка ярдәм чаралары турында мәгълүмат бирү һәм кече агробизнеска үсештә ярдәм итү. Авылның үсеше кешеләрнең эшлекле активлыгына бәйле бит. Бу хакта Балтач районында авыл халкының эшлекле активлыгын арттыру мәсьәләләренә багышланган зона семинар-киңәшмәсендә Татарстан Дәүләт Советы Рәисе Фәрит Мөхәммәтшин белдерде.

Казанда агымдагы елда пляжлар һәм оештырылган ял урыннары исемлеге расланды. Бу карар Татарстан башкаласы мэриясенең документлар һәм хокукый актлар җыентыгында бастырылган.

Быел көз Дәүләт Советына сайлау узачак. Алдан тавыш бирүдә катнашучы «Шәһри Казан» газетасының баш мөхәррире урынбасары, «Именно Шулай» телеграм-каналы хуҗасы һәм «Татарстан муниципалитетлары» цифрлы мәйданчыгы җитәкчесе Рәсим Хаҗиев уй-фикерләре белән уртаклашты.

Быел «Теләче информ» мәгълүмат үзәге Бөек Җиңүнең 79 еллыгы һәм балаларда ватанпәрвәрлек тәрбияләү максатыннан, «Туган як турында – мәхәббәт илә!» (»О Родине - с любовью!») район бәйгесенә йомгак ясаган.

Россия Президенты Владимир Путин Бәһрәйн короле Хәмад бен Исә Әл Халифәгә Аurus автомобиленең озын версиясен бүләк итте. Бу хакта массакүләм мәгълүмат чаралары хезмәткәрләренә Россия лидерының ярдәмчесе Юрий Ушаков белдерде.

Уфа шәһәре Зубово бистәсе «Раббәни» мәчете имам-хатыйбы Мөхәммәт Галләмов фикеренчә, бозык, хәрәм эшләрне үз эченә алмаса, әшәкелеккә сәбәп булмаса, уен коралларында уйнау, музыка иҗат итү, җырлау һәм тыңлау ислам динендә тыелмый.

Төмән өлкәсендә Иртеш елгасының Вагай районына туры килә торган өлешендә су кими башлар дип фаразлана. Бу хакта «Татар-информ» хәбәрчесенә тумышы белән Карагай авылыннан булган Илмар Сәйфуллин хәбәр итте.

Татарстан Язучылар берлеге 90 яшьлек юбилеен Мөхәммәдьяр исемендәге Халыкара төрки әдәбиятлар фестивале буларак билгеләп узды. Язучылар берлегенең юбилей кичәсе 21-24 майга сузылган фестивальнең бер чарасы буларак Казан рестораннарының берсендә рәсми котлаулар булган зур мәҗлес рәвешен алды.

Россия Президенты Владимир Путин шәхсән Бәһрәйн короле Хәмад бен Исә Әл Халифәне Казанга БРИКС саммитында катнашырга чакырды. Бу хакта ТАСС РФ Президенты ярдәмчесе Юрий Ушаковка сылтама белән хәбәр итә.

Казан шәһәре прокуратурасы трамвай юлларында эшчеләрнең фаҗигале үлеме факты буенча тикшерү оештырды. Бу хакта Татарстан прокурорының массакүләм мәгълүмат чаралары белән хезмәттәшлек буенча өлкән ярдәмчесе Адилә Гайнетдинова хәбәр итте.

Бүген Лика Исаева тәхәллүсе белән танылган журналист Лидия Кирьянова белән хушлаштылар. Хушлашу чарасы Казанда «Наташа» хосписында узды, анда Исаевага паллиатив ярдәм күрсәтелде һәм ул авыру нәтиҗәсендә 20 майда вафат булды. Журналист белән саубуллашырга туганнары, якыннары, хезмәттәшләре һәм Лика Исаева хезмәттәшлек иткән көч ведомстволары матбугат хезмәте вәкилләре килде.

Татарстанда кабат кырау көтелү сәбәпле, шторм кисәтүе игълан ителде. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Быел Татарстанда каты бодай булуы көтелә. Бу хакта «Татар-информ» агентлыгында узган матбугат очрашуында «Ашлык сыйфатын бәяләү үзәге»нең Татарстандагы филиалы директоры Татьяна Менликиева әйтте.

Татарстанның Кукмара районы Мәчкәрә авылы мәктәбендә быел нибары ике 11 сыйныф укучысы бар. Укучы кызлар БДИ тапшырырга әзер, чөнки алар имтиханнарга арттырусыз еллар буе әзерләнә. Быел районда төрле юнәлешләр буенча имтиханны барлыгы 176 укучы тапшырачак.