Казан үзәгендә мотоцикл белән җиңел машина бәрелешкән һәлакәтне видеога төшергәннәр
Казан үзәгендә җиңел автомобиль һәм мотоцикл бәрелешкән юл-транспорт һәлакәтен видеога төшергәннәр. Авария шаһиты «Татар-информ» белән вакыйга урынында төшерелгән кадрлар белән уртаклашты.
Видеода зыян килгән мотоциклның «Кольцо» сәүдә үзәге каршындагы юл кырыенда ятуы күренә. Шул ук юлда арткы ишеге янчелгән кара «Лада» машинасы тора.
Һәлакәт урынына ике ашыгыч ярдәм машинасы килгән. Зыян күрүчеләр турында мәгълүмат ачыклана.
ТР буенча Эчке эшләр министрлыгының матбугат хезмәтендә агентлыкка авария фактын расладылар, хәзер Дәүләт автоинспекциясе хезмәткәрләре юл-транспорт һәлакәтенең сәбәпләрен ачыклый.