Татарстанда 41 мәктәп һәм 1 балалар бакчасында төзекләндерү эшләре дәвам итә
Татарстанда 42 мәктәп һәм мәктәп-интернатны, биш балалар бакчасын төзекләндерү планлаштырылган. Шулардан 41 мәктәп һәм бер балалар бакчасында эшләр бара. Эшләр 26 һәм 70 процентка башкарылган, диде республиканың Төзелеш министрлыгы җитәкчесе Марат Айзатуллин. Бу хакта ул Татарстан Республикасы Хөкүмәте Йортында узган киңәшмәдә сөйләде.
Моннан тыш, 26 мәгариф учреждениесендә террорчылыкка каршы чаралар, 143 мәктәптә азык-төлек блогын төзекләндерү планлаштырылган. Ике мәктәптә «Һәр баланың уңышы» программасы буенча спорт залларын яңарту тәмамланды.
Мәктәп азык-төлек блокларын ремонтлау эшләре Татарстанның 14 районында 40 объектта башланган һәм 5,5 процентка тәмамланган.