Татарстанда бер атна эчендә бензинның барлык маркаларының бәясе күтәрелде
Татарстанда узган атнада, 24 апрельдән 2 майга кадәр, барлык маркалы бензинга бәя арту күзәтелә. Татарстанстат мәгълүматлары шуны күрсәтә. Шул исәптән, ел башыннан бирле беренче тапкыр АИ-98 маркалы бензин бәясе күтәрелде, аның бер литры 13 тиенгә кыйммәтләнеп, 60,9 сумга кадәр җитте.
АИ-92 күрсәтелгән вакыт эчендә 1 тиенгә кыйммәтләнде – бер литры 46 сум тора. АИ-95 бәясе шулай ук 1 тиенгә күтәрелде – 49,55 сумга сатыла.
Дизель ягулыгына бәяләр узган атнада элеккеге дәрәҗәдә сакланып калган – бер литры 54,63 сум.