WhatsApp хәбәрләр таратуга чикләү кертә
(Казан, 9 март, «Татар-информ»). WhatsApp яңартылганнан соң Android өчен хәбәрләр җибәрүдә чикләү кертә. Аннары кулланучылар хәбәрне бер төркем чатына гына җибәрә алачак. «Әгәр сезгә хәбәрне берничә төркем чатына җибәрергә кирәк икән, сез шул хәбәрне кабат сайлап алырга һәм „җибәрергә“ дигән төймәгә басарга тиеш буласыз», диелгән WABetaInfo порталында чыккан хәбәрдә. Чикләүләр беренче тапкыр җибәргәннән соң биш һәм аннан да күбрәк җибәрелгән СМС-хәбәрләргә кагыла. Андый хәбәрләр «еш җибәрелә торган» дип билгеләнәчәк. Хәбәр авторы сүзләренчә, бу чикләү кулланучыларны ялган мәгълүматтан һәм фейктан саклаячак. WhatsApp кушымтасының яңартылу көне турында хәбәр ителми. WhatsApp системасының яңа функциясе — «әңгәмәдәш хәбәрләренә реакция» барлыкка килү турында хәбәр ителгән иде.