Әлмәтнең барлык театрлары берләшеп, премьера тәкъдим итәчәк
(Әлмәт, 6 март, «Татар-информ», « Әлмәт таңнары »). 28 мартта Әлмәттә драма театры сәхнәсендә шәһәр һәм районның барлык театр актерлары чыгыш ясаячак.
Халыкны һәм кунакларны премьерага «Фристайл» ның сәнгать җитәкчесе Максим Апраксин Тимур Нагуманов белән туры эфирда чакырды.
Узган ел «Әлмәт театр берлеге»н булдырдык, дип искә төшерде Апраксин. Анда татар драма, урам һәм курчак театры актерлары керде. Премьераны нәкъ менә Әлмәтнең театр коллективлары тәкъдим итәчәк, диелә хәбәрдә.
«Халык театрның нәрсә икәнен белә алачак. Чөнки театр-ул актерлар гына түгел, анда классик театр да, безнең искиткеч урам театры да, курчак театры да, буффонада театры да, Әлмәт музыка көллияте дә бар. Без конкурентлар түгел, без хәзер бергә, берләшеп тандемда эшләргә әзер. 28 мартта бездә зур вакыйга булачак», — дип сөйләде Максим Апраксин планнары турында.
Чарага Пушкин картасы буенча эләгергә мөмкин булачак.