Новости за 25.05.2024

Чаллыдагы банкларның берсе техник хата аркасында клиентына ярты миллион сумнан артык акча күчергән. Бу хакта «Шәһри Чаллы» яза.

Апас районы Югары Ындырчы җирлеге территориясендә кошчылык фабрикасы төзеләчәк. Җитәкчеләр белдергәнчә, әлеге фабрикада елына 655 миллион данә йомырка җитештерү планлаштырыла. Шулай ук 325 кешене эшле итәчәк. Бу хакта «Апастово-информ» хәбәр итә.

Кайбыч районы Кече Мәме авылы клубында һәр көнне эш кайный – шушы җирлектә яшәүчеләр махсус хәрби операциядә катнашучылар өчен маскировкалау челтәрләре үрә. Өйдәге эшләрен арткы планга куеп, күңел кушуы буенча әнә шундый игелекле эшкә алынганнар. Бу хакта «Кайбыч таңнары» сайтында Ләйсән Саттарова яза.

Соңгы кыңгырауны бәйрәм итүгә багышланган тантаналы чаралар кысаларында бәйрәмнең хөрмәтле кунаклары Мулланур Вахитов бюстын ачуда катнашты. Бу хакта «Байрак» сайтында хәбәр ителә.

Менделеевскида «Иң яхшы эшмәкәрләр советы» конкурсына йомгак ясалды. 45 муниципаль берәмлекнең лидеры Яшел Үзән районы командасы булды. Бу хакта «Яшел Үзән» газетасы Яшел Үзән муниципаль районы матбугат хезмәтенә сылтама белән хәбәр ителә.