Новости за 10.06.2023

Мамадышта Сабан туенда «Татар кызы -2023» бәйгесе җиңүчесен ачыкладылар. Быел Мамадышта кызлар арасында традицион конкурс сигезенче тапкыр үткәрелә. Бу хакта «Нократ» сайтында хәбәр ителә.

Балтач Сабан туенда бик матур вакыйга традициягә керде. Ул районның үсешенә үзләренең намуслы, фидакарь хезмәтләре белән зур өлеш керткән һәм шулай ук республика һәм ил күләмендә уңышларга ирешкән шәхесләргә «Балтач муниципаль районының Мактаулы гражданины» исеме бирелә. Бу хакта «Хезмәт» сайтында хәбәр ителә.

Бүген Яшел Үзән районының Большие Ключи авылында Сабантуй бәйрәме булды. Анда абсолют батырны һәм авыл хуҗалыгы алдынгыларын бүләкләделәр. Быел милли бәйрәмдә 1,2 мең кеше булган. Бу хакта «Татар-информ»га муниципаль берәмлек матбугат хезмәтендә хәбәр иттеләр.

Зәй районы Сабан туенда кыр батырларын, авыл хуҗалыгы тармагы уңганнарын тәбрикләделәр. Быелгы Сабан туенда «Кыр батыры» исеменә «Зәй» агрофирмасыннан Айнур Шәйхиев лаек булды. Аңа «Лада-Гранта» машинасы ачкычы бирелде, иңенә тәкә салынды. Бу хакта «Зәй хәбәрләре»  сайтында хәбәр ителә.

Бүген Мамадышта Сабан туенда беренче тапкыр иң тиз өчпочмак ашаучыны ачыклау буенча «Өчпочмак-пати» конкурсы булды. Анда биредә яшәүчеләр генә түгел, башка шәһәрләрдән килүчеләр дә катнашты.

Бүген Буа районына килгән җитәкчеләр арасында Саха Республикасы (Якутия) Югары Вилюй районы башлыгы Владимир Поскачин дә бар иде. Ул җирле халыкны Сабантуй бәйрәме белән котлады.

Буа районы башлыгы Ранис Камартдинов быел Буада уздырылган Сабантуй Татарстан Республикасында гореф-гадәтләргә туры килгән чын бәйрәм дип саный. Бу турыда ул Буа Сабантуендагы чыгышында әйтте. 

Дәүләт Думасының Оборона комитеты мобилизация, хәрби хәл чорында хөкем ителгән гражданнарны (авыр җинаятьләр өчен хөкем ителгәннәрдән тыш) контракт буенча хәрби хезмәткә чакыру мөмкинлеген булдыру турындагы закон проектын беренче укылышта кабул итәргә тәкъдим итте. Комитетның бу карары Думаның электрон базасында чыкты.

Бүген Буа районында Сабантуе уза. Авыл хуҗалыгы һәм азык-төлек министры Марат Җәббәров Буа районы халкын һәм килгән кунакларны Сабантуй бәйрәме белән котлады.

Бишкәктә язучы Чыңгыз Айтматовны искә алдылар. Бу хакта «Анадолу» агентлыгы хәбәр итә.

Катар әмире Шейх Тамим ибн Хамад Әл Таниның Таҗикстанга дәүләт сәфәре кысаларында Дүшәнбедә Үзәк Җәмигъ мәчете ачылу тантанасы булды. Бу хакта «Анадолу» агентлыгы Таҗикстан лидерының матбугат хезмәтенә сылтама белән хәбәр итә. 

«Ватанны саклаучылар» фондының Татарстан бүлегенә беренче җиде эш көнендә 140 кеше мөрәҗәгать итте. Бу хакта махсус хәрби операция буенча Татарстанда эш төркеме координаторы, «Бердәм Россия хатын-кызлар хәрәкәте» федераль партия проектының төбәк координаторы, ТР Дәүләт Советының «Мәрхәмәт - Милосердие» хатын-кыз депутатлар берлеге җитәкчесе Алсу Нәбиева сөйләде.

Социаль челтәрләрдә Чаллыда домофон камерасына төшерелгән видео чыкты. Анда хатын-кызның яшүсмерләр белән мөнәсәбәтләрне ачыклавы күренә.

17 июньнән 9 июльгә кадәр Санкт-Петербургта Шереметев сарае музыка музеенда төрки музыка кораллары уникаль күргәзмәсе эшли башлый. Бу хакта Татарстанның Санкт-Петербург шәһәрендә һәм Ленинград өлкәсендәге Даими вәкиллеге матбугат хезмәте хәбәр итә.

Башкортстанның Акъяр авылында Сабантуйда иң зур курут әзерләү буенча Россиядә яңа рекорд куелды. Бу хакта «Башинформ» хәбәр итә.

Яшәү өчен кирәкле һәм мөһим дарулар исемлеге яңа дарулар белән тулыландырылды, шул исәптән хроник авырулы балаларны дәвалау өчен. Боерыкка Россия Премьер-министры Михаил Мишустин имза куйды.

Татарстан Рәисе Рөстәм Миңнеханов 13 кешегә «Татарстан Республикасының атказанган авыл хуҗалыгы хезмәткәре» исемен бирде. Бу хактагы карар хокукый мәгълүмат порталында чыкты.

Күршенең ташландык бакча кишәрлеген законлы рәсмиләштерүнең берничә варианты бар. Бу хакта РИА Новости Мәскәү өлкәсе Бакчачылар берлеге рәисе һәм Дәүләт Думасында «Бердәм Россия»дән депутат Никита Чаплинга сылтама белән хәбәр итте.

Уфаның тимер юл станциясендә ягулык-майлау материаллары склады янган. Бу хакта РИА Новости хәбәр итә.

В.Д.Шашин исемендәге «Татнефть» ГАҖ 2022 елда Татарстан территориясендә ике һәм Самара өлкәсе территориясендә бер нефть ятмасын ачу турында таныклык алды. Бу хакта Җир асты байлыкларыннан файдалану буенча федераль агентлык материалларында хәбәр ителә.

10 июньдә салкын атмосфера фронты узу сәбәпле, Татарстанда тотрыксыз һава торышы саклана. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

ТНВ каналында «Башваткыч», «Әдәби хәзинә» тапшырулары редакторы, Татарстан Республикасының атказанган матбугат һәм массакүләм коммуникацияләр хезмәткәре Әлфирә Мәһдиева белән хушлашу мәрасиме бүген, 10 июньдә, сәгать 9.40та Казан шәһәренең 7нче хастаханәдә  узачак. Аны туган җире Әтнәдә җирләячәкләр. Бу хакта ТНВ сайты хәбәр итә.

Татарстан Республикасы Рәисе Рөстәм Миңнеханов Сабан туе белән котлады. 

Татарстанда «Пушкин картасы» программасын гамәлгә ашыру дәвам итә. Ул 14-22 яшьлек татарстанлыларга мәдәният оешмаларында үткәрелә торган төрле чараларга йөрү мөмкинлеге бирә. Карта хуҗуларының күпчелеге аны «Дәүләт хезмәтләре Мәдәният» мобиль кушымтасында рәсмиләштергән.

Йошкар-Ола - Яшел Үзән юлында җәяүлеләр өчен модульле юл кичүе төзелде. Алар Яшел Үзән районында Грузинский бистәсе янында 119нчы км юлда һәм Үрнәк авылы янында 121нче км да барлыкка килгән. Бу хакта «Яшел Үзән» хәбәр итә.