Новости за 08.05.2023

Җиңү көне алдыннан «Дуслык» татар-башкорт милли-мәдәни үзәге Бөек Ватан сугышы ветераннары һәм тыл хезмәтчәннәре өчен мәдәни программа оештырды. Бу хакта «Татар-информ» журналистына Бәйсез дәүләтләр берлеге, чит илдә яшәүче ватандашлар һәм халыкара гуманитар хезмәттәшлек эшләре буенча федераль агентлыкның (Россотрудничество) Таҗикстандагы вәкиллегенең матбугат хезмәтендә хәбәр иттеләр.

Бүген Казанда алмашынучан болытлы һава торышы көтелә, явым-төшем ихтималы аз. Җил төньяк-көнбатыштан, төньяктан секундына 6-11 метрга кадәр, урыны белән 14 метрга кадәр фаразлана.

Курган өлкәсе Татар мәдәнияте үзәге Шадринск округындагы (районындагы) Йолдыз (Юлдус, элекке атамасы - Эчкен, Ичкино) авылындагы янгында барлык йортлар диярлек янып бетте дип хәбәр итә.

Бөек Җиңүнең 78 еллыгын каршылап Зәй районының Түбән Биш авылы җирлегенә караган Шыкмай авылында яу кырында ятып калганнар, тыл хезмәтчәннәре истәлегенә мемориаль комплекс ачылды. Бу хакта «Зәй хәбәрләре» сайтында хәбәр ителә.

Кукмара районына Татарстан Эчке эшләр министры урынбасары Алексей Соколов килде. Ул Бөек Ватан сугышында Җиңүнең 78 еллыгына багышланган тантаналы чаралар кысаларында Манзарас авылында җирләнгән Советлар Союзы Герое Сабир Әхтәмов каберенә чәчәкләр салды.

Чирмешән районы Лашман мәктәбе бассейнында Кама аръягы районнары командалары катнашында республикакүләм ярыш үтте. Аксубай, Мөслим, Яңа Чишмә, Сарман районының Җәлил бистәсе һәм безнең Чирмешән командалары районның элеккеге җитәкчесе Минсәгыйть Шакиров призлары өчен быел да суда йөзеп көрәштеләр. Бу хакта «Безнең Чирмешән» сайтында хәбәр ителә.