Новости за 09.03.2023

Бүген 10.40 сәгатьтә Бөгелмә районы Үзәк хастаханәсенә 11 яшьлек малайны китерүләре турында билгеле булды.

13-15 мартта Бөтендөнья татар конгрессы XI Бөтенроссия татар авыллары эшмәкәрләре җыенын үткәрә. Быел җыенга Россиянең 40тан артык төбәгеннән 500 делегат катнашачак.

Чараның махсус кунагы – автор-башкаручы Илгиз Шәйхразиев. Туган көндә беренче тапкыр «Апуш» студиясенең гимны яңгыраячак.

Казанда суүткәргеч челтәрендә авария булу сәбәпле, Идел буе районнары йортларында салкын су бетте.

Кариев театры Татарстанның халык артисты Илфат Камалиевның 50 яшьлегенә актер өчен махсус язылган спектакль чыгарды. Рәмис Латыйповның «Җырлап яшик» комедиясеннән соң бәйрәм тамашасы юбилярны котлаулар белән дәвам итте.

15 март көнне Казанның «Пирамида» концерт-күңел ачу комплексында шагыйрь Ринат Мөслимов истәлегенә багышланган концерт булачак. Популяр җырлар авторы узган елның сентябрь аенда вафат булды. Шагыйрь истәлегенә багышланган концерт турында «Татар-информ»да узган матбугат конференциясендә сөйләделәр. 

Китаптагы җырларны QR код аша кереп тыңлап була.

Проектның беренче кунагы - җәмәгать эшлеклесе, альпинист, блогер Рөстәм Нәбиев.

28 апрельдә Казанда «Идел» лауреатларының чираттагы хисап гала-концерты узачак. Чара Бөтендөнья татар конгрессы һәм Татарстан Республикасы Мәдәният министрлыгы ярдәмендә үткәрелә. Программада шулай ук жюри әгъзалары да катнаша.

Лениногорскида ике яшьлек кыз балага 7нче зональ эзләү-коткару отряды хезмәткәрләренең ярдәме кирәк булган.

13-23 март көннәрендә Татарстан Республикасы җыр һәм бию ансамбле Оренбург өлкәсендә 10 концерт бирәчәк. Ансамбль өлкәнең авыл һәм шәһәрләрендә «Без бергә» концерт программасын тәкъдим итәчәк.

Быел «Тантана» театр премиясен тапшыру тантанасы 27 март көнне Әлмәт театрында булачак.

Казанда Бөек Ватан сугышында Җиңүнең 78 еллыгын бәйрәм итүгә багышланган чаралар әзерләү һәм уздыру планы расланды. Планлаштырылган чаралар арасында «Казан - хезмәт батырлыгы шәһәре» стеласын тантаналы ачуны оештыру да бар. Бу карар шәһәрнең документлар һәм хокук актлары җыентыгында чыкты.

22 һәм 29 мартта 14.00 сәгатьтә Габдулла Тукай әдәби музеенда «Карга боткасы» бәйрәме була.

19 мартта 16:00 һәм 18:00 сәгатьтә Татар китабы йортында Милли музыка оркестрының Камера концерты була.

Татарстанда Аксубай районында яшәүче 44 яшьлек ир-атка хөкем карары чыгарылды. Ир-ат берьюлы ике маддә буенча гаепле дип танылды. Алар - «Шундый ук гамәлләр өчен административ җәзага тартылган затның кыйнавы һәм физик авыртуга китергән башка көчләү гамәлләре кылуы» һәм «Законсыз рәвештә иректән мәхрүм итү».

Татарстанда 2023 елгы янгын куркынычы сезонында республика территориясендә урман янгыннарын сүндерүнең җыелма планын расладылар. Бу карарны Татарстан Рәисе Рөстәм Миңнеханов имзалады.

Май бәйрәмнәрендә Россия халкын 29 апрельдән 1 майга һәм 6 майдан 9 майга кадәр 7 эш көне булмаган ял көне көтә.

13 мартта Мәскәү Милләтләр театрында Әлмәт драма театры режиссер Камил Тукаевның «Җил артыннан» спектаклен тәкъдим итәчәк. Бу хакта «Татар-информ»га Әлмәт шәһәренең мәгълүмат үзәгендә хәбәр иттеләр.

Казанда «I»MAN» ир-атлар проектының 2023нче елда беренче очрашуы узды. Әлеге сезон үзенчәлекле чара белән ачылды. Моңа кадәр проектта катнашучылар вәгазь кичәләрендә яисә дискуссияләрдә катнашкан булсалар, бу юлы чакырылган махсус кунак – КИУның гарәп теле һәм гуманитар фәннәр кафедрасы җитәкчесе, Ш.Мәрҗани ис. Тарих институтының баш фәнни хезмәткәре Габдулла хәзрәт Әдһәмов очрашуны тренинг форматында үткәрде.

13 мартта Татарстан Язучылар берлеге бинасында (Мөштәри урамы, 14) Башкортстан язучылары Марат Ибраһимов һәм Халисә Мөхәммәдиеваның «Люди» китабын тәкъдим итү кичәсе узачак.

10 мартта ТР Милли китапханәсендә дастаннарга багышланган әдәби чара узачак. Чарада «Игедей» дастаны турында фикер алышу булачак, дип хәбәр ителә китапханәдә сайтында.

Бүген Татарстанда аязучан болытлы һава көтелә, урыны белән яңгыр һәм кар явачак. Бу хакта ТР Гидрометүзәгенең матбугат хезмәте хәбәр итә.

11 һәм 12 март көннәрендә Актүбә бистәсенең ат-спорты мәктәбендә «Татнефть» кубогына конкур буенча ярышлар үтә. Биредә шулай ук «Җиңү кубогы» ярышы да була. Бу хакта «Азнакай» сайтында хәбәр ителә.

Мәскәүдә Сәүдә рәтләрендә спорт тармагының төп чараларының берсе - «Без бергә. Спорт» Халыкара форумында Әлмәттә чираттагы заманча спорт объектын төзү турындагы килешүгә тантаналы рәвештә имза куелды. Ул 3нче мәктәп территориясендә балалар поликлиникасы янында барлыкка киләчәк. Бу хакта Әлмәт муниципаль районы башлыгының матбугат хезмәте хәбәр итә.