Новости за 26.02.2023

Россия Президенты Владимир Путин танылган блогер, җәмәгать эшлеклесе һәм альпинист Рөстәм Нәбиевне «Дуслык» ордены белән бүләкләгән. Бу хакта «Башинформ» Башкортстан блогерының социаль челтәрләрдәге мәгълүматына сылтама белән хәбәр итә.

Татарстан Алабуга районы М7 юлында берничә машина бәрелешкән, өч кеше имгәнгән. Бу хакта «Татар-информ»га Татарстан буенча Эчке эшләр министрлыгының матбугат хезмәтендә хәбәр иттеләр.

Алабугада яшәүчеләр «Сабантуй сылуы-2023» муниципаль конкурсында катнашырга чакыралар. Конкурста татар телен белүче 14-25 яшьлек кызлар катнаша ала.

Чүпрәле районы делегациясе Мәскәү өлкәсенең Ногинск шәһәрендә шефлыкка алынган хәрби частьта булып кайтты. Анда Чүпрәле районы башлыгы Марат Гафаров, Башкарма комитет җитәкчесе урынбасары Айрат Җәлалов, Буа һәм Чүпрәле районнары хәрби комиссары Радик Төхфәтуллин да бар иде.

Әлмәт районында «Традицияләрнең тере җепләре» дигән яңа проект старт алды. Аның кысаларында Габдрахман авылында беренче бәйрәм итеп татар яшьләренең традицион аулак өе уздырылды. «Аулак ой»не тамашачыларга һәвәскәр актерлар тәкъдим итте. Артистлар үзләренең аз санлы, әмма рәхмәтле тамашачылары өчен эшләде. Бу хакта «Әлмәт таңнары» хәбәр итә.