Новости за 21.02.2023

Төркиянең Хатай провинциясендә 20 февраль кич теркәлгән җир тетрәүләрдә һәлак булучылар саны алтыга кадәр арткан, дип хәбәр итте Star газетасы. Элегрәк Төркия Сәламәтлек саклау министрлыгы җир тетрәүдән соң 300гә якын яраланган кеше турында белдергән иде. ТRТ Haber телеканалы, һәлак булган дүрт кеше турында хәбәр итте.

Бүген, 21 февраль көнне, Россия Президенты Владимир Путин Федераль Җыенга юллама белән мөрәҗәгать итәчәк. Анда ул махсус хәрби операциягә, халыкара ситуациягә бәя бирер, шулай ук Россиянең социаль һәм икътисади мәсьәләләренә игътибар бирер дип көтелә.

https://dumrt.ru/

18 февральдә Буада «Приют человека» мохтаҗларны кайнар аш белән тукландыру ноктасы ачылды. Бу хакта ТР Диния нәзарәте матбугат хезмәте хәбәр итә.

Буада аз керемлеләр өчен бушлай кайнар туклану пункты булдыру идеясен шушы районнан чыккан меценат, «Ханский дом» төзелеш компаниясе хуҗасы Ильяс Гыймадов җиткерде. Проектны Казан шәһәре эшмәкәре Азат Гайнетдинов Буа муниципаль районы башлыгы Ранис Камартдинов, район имам-мөхтәсибе Илмир хәзрәт Хәсәнов ярдәме белән тормышка ашырды. Читать дальше...

Әлмәт предприятиеләренең берсе мобилизацияләнгәннәр өчен 35 мич-буржуйка ясаган. Буржуйкалар бинаны җылытырга һәм дымлы әйберләрне киптерергә мөмкинлек бирә.

Түбән Камада 21нче тапкыр яшүсмерләрнең республика фәнни-тикшеренү конференциясе узды. Ул танылган химия укытучысы Спиридон Молодцов истәлегенә һәм Бөтендөнья фән көненә багышланган.

«Татарстанның агробизнес кадрларын яңадан әзерләү институты» өстәмә һөнәри белем бирү федераль дәүләт бюджет мәгариф учреждениесендә «Умартачылыкны үстерүнең нәтиҗәлелеген арттыру» программасы буенча ике атналык укулар узды. Әлеге укуларда Чүпрәле районыннан умартачы Марат Исхаков та катнашты.

17 февральдә Морт авылында «Сез ул — изгелек кылучы җаннар» дип аталган кичә булды. Чара хәзерге вакытта махсус хәрби операция зонасында булган сугышчыларга ярдәм итүче авылдашларга багышланды.

19 февральдә Әлки районы мөхтәсибәте һәм Бөтендөнья татар конгрессы мөселман яшьләре арасында чаңгы ярышлары уздырды.