Новости за 12.11.2022

Лениногорскиның Яңа Шөгер авылында туып-үскән, бүгенге көндә дә шунда гомер итүче талантлы рәссам Мансур ага Закировны шәхси күргәзмәсе ачылды. Әлеге күргәзмә Мансур абыйның 85 яше уңаеннан оештырылды. Бу хакта «Заман сулышы» газетасы сайтында хәбәр ителә.

Сарман районы башлыгы Фәрит Хөснуллин җитәкчелегендәге Сарман муниципаль районы делегациясе мобилизацияләнгән якташлары янында булып кайтты.

Кайбычта гражданнар оборонасы буенча өйрәнүләр булды. Гражданнарны вакытлыча саклану пунктларына урнаштыру, ракета-бомба һөҗүмнәреннән саклану, эвакуация кагыйдәләрен кабатлау әлеге чараларның төп максаты итеп куела.

Түбән Кама филиалы Янгынга каршы федераль хезмәтенең 92 нче отряды янгын-коткару бүлеге командиры Леонид Советников дүртенче тапкыр «Янгынга каршы федераль хезмәте бүлекчәләренең иң яхшы хезмәткәре» исеменә лаек булды. Бу турыда Түбән Кама муниципаль районы рәсми сайтында хәбәр ителә.

Уфада Мәрьям Солтанова исемендәге мәдрәсәдә күренекле галим, мәгърифәтче, Россия мөселманнарының Үзәк Диния нәзарәте рәисе Ризаэтдин Фәхретдинның фәнни-дини хезмәтләрен өйрәнүгә багышланган чаралар уза. Мәдрәсә танылган дин һәм җәмәгать эшлеклесе, морза Акчуриннар нәселеннән чыккан хәйрияче Мәрьям Солтанова исемен йөртә.

Кулланучыларга салкыннан бинага кергәч, смартфонны бүлмә темпертурасында тотарга кирәк, бары тик берникадәр вакыттан гына аңа зарядка бирергә була. Бу хакта РИА Новостига «Мегафон» сервисы юнәлеше буенча җитәкче Никита Ефимов сөйләде.

Дүшәмбе шәһәрендә Таҗикстанда «Дуслык» татар-башкорт милли-мәдәни үзәге төзелүгә 30 ел тулуны бәйрәм иттеләр. Бу хакта Бәйсез дәүләтләр берлегенең эшләре буенча федераль агентлыкның (Россотрудничество) илдәге вәкиллегенең матбугат хезмәте хәбәр итә.

Түбән Камада Бакый Урманче бульварында җәяү йөрү зонасы, урам тренажерлары, таган, арт-объектлар һәм рәссамга һәйкәл барлыкка киләчәк. Химиклар шәһәрендә яңа иҗтимагый киңлекне төзекләндерү проектын тәкъдим ителде.

Казанда «Дуслык уеннары» халыкара ярышларының икенче һәм өченче этапларының гомуми приз фонды 7 млн сум тәшкил итәчәк. Йөзү буенча призлы урыннарны FINA очколары буенча иң яхшы нәтиҗәләргә егермелегенә керәчәк спортчылар алачак.

Чаллыда халык язучысы Ркаил Зәйдулланың 60 яшьлек юбилей кичәсе билгеләп үтелде.

Төмән өлкәсенең татар теле һәм әдәбияты укытучысы Азалия Габдрахимова Россия Президенты премиясенә һәм Төмән өлкәсе губернаторының Рәхмәт хатына лаек булган.

Синоптиклар фаразлавынча, 12 ноябрьдә кич, шулай ук 13 ноябрьдә төнлә һәм иртән Татарстан территориясендә һава шартларының начарлануы – көчле җил, яңгыр, юеш кар көтелә.

Казанда 9 нчы француз гимназиясе укучылары корпус арасындагы кичүнең җимерелүен видеога төшергән.

18 ноябрь көнне Татарстанның ике татар дәүләт театрында Аяз Гыйләҗев пьесалары буенча премьера чыга.

Бүгенге катлаулы шартларда хакимият органнарының төп бурычы - гражданнар турында кайгырту, дип белдерде Татарстан Президенты Рөстәм Миңнеханов ТР Хөкүмәте Йортында узган киңәшмәдә. Махсус хәрби операциядә катнашучыларның гаиләләре аеруча зур игътибар таләп итә, диде ул. Бу хакта Татарстан Президентының матбугат хезмәте хәбәр итә.

«Язучылар берлеге бинасында капиталь ремонт бара. Подвалда да эш бара. Хәтта анда яшерен бүлмә дә таптылар. Томалап калдырылган булган», – диде Ркаил Зәйдулла «Татар-информ» хәбәрчесенә.

Мурманск шәһәрендә «Радуга» күпбалалы гаиләләр һәм инвалидлар төбәк иҗтимагый хәйрия оешмасына йөрүчеләр Ислам үзәгендә булды

Чаллы театры Аяз Гыйләҗевнең «Баласын җуйган болан эзеннән» пьесасы буенча «Болан» драмасын чыгара. Премьера 18 ноябрьдә көтелә.

Россия, аерым алганда, урта Идел буе, климат үзгәрешләренә аеруча дучар булырга мөмкин. Татарстанда шулай ук климатның үзгәрүен көтәргә кирәк, өстәвенә, республикада урман зоналары тиз кими. Бу турыда «Идел-Кама экология үзәге» коммерцияле булмаган автоном оешма җитәкчесе Рөстәм Камалов «Татарстан 24» телеканалына биргән әңгәмәсендә сөйләде.

Татарстанда күп фатирлы торак йортларга капиталь ремонт 99,5 процентка үтәлгән, 753 йортның 34 объектында эшләр дәвам итә.

Ульяновск шәһәренең Татар мәдәният үзәгендә «Мәңге яшь Сабантуй» дип аталган күргәзмә ачылды.

Татарстанның 45 муниципаль берәмлегеннән ягып җылыту чорына әзерлек паспортын Питрәч районы гына алмаган.

Октябрь аена булган мәгълүматлар буенча, коммуналь хезмәтләр өчен түләүләрнең җыелу дәрәҗәсе Татарстан буенча уртача 103,5% тәшкил итте. Бу узган елгы күрсәткечтән 2,9 процентка югары. Бу хакта ТР Президентының матбугат хезмәте хәбәр итә.

Кичә көндез Чаллы шәһәре янында Чаллы-Әлмәт юлында берьюлы өч автомобиль бәрелешкән.

Татарстан Гидрометеорология һәм әйләнә-тирә мохитне күзәтү үзәге республикада яшәүчеләрне бу ялларда һәм киләсе эш атнасы башында һава торышы начарлануы турында кисәтте. Фаразлар буенча, шимбә һәм якшәмбе яңгыр явачак, ә дүшәмбе кар көтелә.