Новости за 06.10.2022

Түбән Камада «Ватанны саклаучыларга мәхәббәт һәм җылылык белән» дигән хәйрия акциясе уза. Аны Түбән Кама рус җәмгыяте каршындагы «Хозяюшка» ял һәм аралашу клубында катнашучылар оештырды. Кул эше осталары йон җепләр сатып алып, өлешчә мобилизациядәге солдатларга оекбаш, бияләй һәм снуд бәйли башлады. Бу хакта Түбән Кама муниципаль районы рәсми сайтында хәбәр ителә.

9 октябрьдә Самара өлкәсенең Сызрань шәһәрендә М.Корниенко исемендәге китапханәдә «Ак калфак» хатын-кызлар клубының туган көненә багышланган бәйрәм булачак.

Кичә Төмән мөселманнарының дини лидеры мөфти Зиннәт хәзрәт Садыйков җәмәгать эшлеклесе, меценат Такиулла Шәриповны Россия мөселманнарының «Хезмәтләре өчен» медале белән бүләкләде.

Иртәгә Татарстанда дымлы һәм болытлы һава торышы көтелә.

Республикада болытлы һава, төнлә аязырга мөмкин. Шул вакытта төбәктә һава торышын көнбатыш циклон билгели башлый. Шуңа күрә явым-төшеп ешлыгы кими, ә Татарстанның көнчыгышында кыска вакытлы яңгыр булачак. Татарстан Гидрометеорология һәм әйләнә-тирә мохитне күзәтү үзәге шул хакта хәбәр итә.

Моннан тыш, төнлә һәм иртән республикада томан төшәргә мөмкин. Көндез Татарстанда, шулай ук Казанда яңгыр көтелә. Шул ук вакытта җил көньяк-көнбатыштан... Читать дальше...

Роберт Миңнуллин исемендәге Республика балалар китапханәсе «Китаплы җәй» укучылар марафонына «Әкият» балалар үзәге залында нәтиҗә ясаячак.

Дәүләт хезмәтләре порталы аша дәүләт пошлинасын түләүгә 30 процент күләмендәге ташлама киләсе елның 1 гыйнварыннан гамәлдән чыгарыла. Бу хакта РФ Финанс министрлыгына сылтама белән РИА Новости хәбәр итә.

Татарстан Язучылар берлегенең Чаллы бүлеге Өлкәннәр көнен билгеләп үтте. Оештыручылар хәбәр иткәнчә, соңгы 40 ел эчендә өлкән әдипләрнең болай бер тапкыр да җыелганы булмаган.

7 октябрьдә Татар халкының һәм Татарстанның дәүләтчелеге тарихы музеенда «Биш стихия» дигән тарихи һәм заманча керамика күргәзмәсе ачыла. Бу турыда Казан мэриясе хәбәр итте.

«Әтисе вафатыннан соң 1917 елда Нургали Надиевны Селәү авылында имам итеп билгелиләр», - ди Али хәзрәт Хәбибуллин.

Иртәгә, 7 октябрьдә, эшләүче яшьләрнең «Наше время- Безнең заман» X ачык республика телевизион иҗат фестиваленең икенче зона этабы Түбән Кама Халык иҗаты йортында башлана. Проектта беренче тапкыр «Татмедиа» акционерлык җәмгыятенең Түбән Кама филиалы - «Нижнекамск-информ» катнашачак.

«Болгар мирасы» мәдәни-тарихи фонды Самара өлкәсе Ширәй авылында Попов тавында һәйкәл урнаштырырга җыеналар. Әлегә аңа «Кубрат хан нәселе» дигән эшче исем бирелгән. Скульптура тиздән Болгариядән Самарага китереләчәк. Бу хакта «Самара татарлары» сайты хәбәр итә.

«Ул татар мәгарифен юлга салу, аны оештыруга зур өлеш керткән: татар телендәге Совет мәктәбен оештыру, аның нигезен коручыларының берсе булган», - диде ул.

ЗАГСтан белешмә һәм таныклык алу өчен «Дәүләт хезмәтләре»ндә заказ биреп була. Бу хакта Россия Цифрлы үсеш, элемтә һәм массакүләм коммуникацияләр министрлыгының Телеграм-каналында хәбәр ителә.

«Нургали абый мисалында кешелек язмышында укытучыларның ролен аңларга була», - диде Айдар Шәйхин.

Татар энциклопедиясе һәм төбәкне өйрәнү институты директоры урынбасары, педагогика фәннәре докторы Фәрит Ялалов Татар онлайн энциклопедиясен популярлыгы буенча Википедиядән генә калышуын әйтте.

Казанда мобилизацияләнгән солдатларны җыю пунктларында - «Казан Экспо» Халыкара күргәзмәләр үзәгендә, танк училищесында һәм танк полигонында мөселманнарга хәләл ризык ашату оештырыла. Бу турыда Татарстан Диния нәзарәте хәбәр итте.

Татарстан бюджетында 2023 елга кече һәм урта эшмәкәрлеккә ярдәм итүгә 1,4 млрд сумнан артык акча салынган.

ТР мөселманнары Диния нәзарәте Татарстаннан мобилизацияләнгән солдатлар өчен түш кесәсенә салып йөри торган махсус дога җыентыклары әзерләп чыгарды.

Бүген Казанда «Хакимият органнарының коммерцияле булмаган оешмалар белән хезмәттәшлеге: Россия яңа халыкара контекстта» бөтенроссия конференциясе ачылды. Ул Россия Юстиция министрлыгы оешуга 220 ел тулуга багышланган. ТР Дәүләт Советы Рәисе Фәрит Мөхәммәтшин Республика җитәкчелеге исеменнән конференциядә катнашучыларны һәм кунакларны сәламләде.

Татарстан Фәннәр академиясенең вице-президенты, икътисад фәннәре докторы Вадим Хоменко 2021 елда безнең республикада авыл халкының табигый кимүе күзәтелгәнен әйтте.

В.И. Качалов исемендәге Казан академик рус драма театры, шагыйрә Марина Цветаеваның 130 еллыгы уңаеннан, соцчелтәрләрдә «Соңгы көн» («Последний день») моноспектакле турында фильм урнаштырачак.

Татарстан Президенты Рөстәм Миңнехановның республика Дәүләт Советына юлламасы 20 октябрьгә планлаштырылган. Бу хакта ТР Дәүләт Советының Законлылык һәм хокук тәртибе комитеты утырышында билгеле булды.

Казанда мобилизацияләнгән гаиләләрдән булган балаларга ташламаларны раслау өчен пластик карточкалар бирәчәкләр. Алар буенча балалар муниципаль һәм республика мәдәни учреждениеләренә һәм муниципаль спорт объектларына бушлай йөри алачак. Шулай ук алар җәмәгать транспортыннан бушлай файдалана алачак. Аларны ташламалы карточкалар белән тәэмин итүне шәһәр мэры Илсур Метшин йөкләде.

8 октябрьдә Качалов исемендәге Рус драма театрында шагыйрә Марина Цветаеваның 130 еллыгына багышланган чаралар узачак.

Татарстан Хезмәт, халыкны эш белән тәэмин итү һәм социаль яклау министрлыгы ел ахырына эшсезләр саны 15 меңнән дә артып китмәс дип фаразлый. Республика икътисад министрының беренче урынбасары Олег Пелевин ТР Дәүләт Советының Икътисад, инвестицияләр һәм эшкуарлык комитеты утырышында шул хакта хәбәр итте.