Новости за 24.06.2022

Кичә Әлмәттә Заречная урамында төнге уникедә авария булган, дип хәбәр итә ТР прокурорының өлкән ярдәмчесе Руслан Галиев.

Бүген төнлә Фатих Сибагатуллин вафат булган. Татарстан Президенты Рөстәм Миңнеханов аның вафатына бәйле рәвештә кайгы уртаклашты. 

«Ил-76» хәрби-транспорт самолеты двигательнең төзек булмавы аркасында Рязань өлкәсендә төшеп утырырга мәҗбүр була. Бу хакта ТАСС Россия Саклану министрлыгына сылтама белән хәбәр итә.

Татарстан Президенты Рөстәм Миңнеханов эш визиты белән Саха (Якутия) Республикасына килде. Платон Ойунский исемендәге халыкара аэропортында аны Саха (Якутия) Республикасы башлыгы Айсен Николаев каршы алды. Бу хакта ТР Президенты матбугат хезмәте җитәкчесе Лилия Галимова хәбәр итте.

26 июньдә Алабугада Яшьләр көнен билгеләп үтәчәкләр. Оештыручылар кызыклы һәм бай программа вәгъдә итә. Бәйрәм «Яшьләр» стадионында узачак. Чара 16.00 сәгатьтә башлана. Бу хакта «Алабуга нуры» хәбәр итә.

Кукмара районының Күкшел авылында Бөек Ватан, Әфган һәм Чечня сугышында катнашкан якташлар хөрмәтенә һәйкәл-стела ачылды. Анда 400дән артык кешенең исемнәре кертелгән. Бу турыда «Хезмәт даны» хәбәр итә.

Түбән Кама шәһәре советында «Бердәм Россия» фракциясе депутатлары киңәшмәсе узды. Алар белем бирү учреждениеләре, балалар бакчасының төзелеше һәм ремонт эшләренең барышын бәяләде.

22 июнь көнне Әлмәт муниципаль районы ветераннар (пенсионерлар) җирле иҗтимагый оешмасы Советында Бөек Ватан сугышы ветераны һәм Әлмәт муниципаль районының мактаулы гражданины Хуҗахмәтов Васил Фатыйх улы хөрмәтенә мемориаль такта ачу тантанасы булды.

Актанышта республикакүләм классик шахмат ярышы башланды. Республиканың 12 район һәм кече шәһәрләреннән килгән 112 яшь шахматчы бүген акыл уенында үзләренең көчләрен сыный. Уенчыларның күбесе Актаныштан, районыбыз данын 50 шахматчы яклый. Шахмат буенча республика турниры 4 көн дәвам итәчәк.