Новости за 27.12.2019

(Казан, 27 декабрь, «Татар-информ»). Бүген Санкт-Петербургның Россия этнография музеенда татар халкының көнкүрешенә һәм мәдәниятенә багышланган экспозиция ачылды. Экспозиция Татарстан Республикасы Хөкүмәте ярдәме белән оештырылган. Бу турыда Бөтендөнья татар конгрессы хәбәр итте.

(Казан, 27 декабрь, «Татар-информ»). Узган елда Татарстан авылдан 6 мең кеше киткән, шуларның 3 меңе — агросәнәгать комплексы хезмәткәрләре. Бүген республикада 900 мең кешедән авыл хуҗалыгында 67 мең кеше эшли, шул исәптән 10,3 мең белгеч һәм җитәкче. Бу хакта Татарстан Премьер-министры урынбасары — республика авыл хуҗалыгы һәм азык-төлек министры Марат Җәббаров төбәк Хөкүмәте Йортында узган киңәшмәдә әйтте.

(Казан, 27 декабрь, «Татар-информ»). Татарстан Дәүләт Советы Рәисе, ТР Волейбол федерациясе президенты Фәрит Мөхәммәтшин «Динамо-Казан» һәм «Зенит-Казан» волейбол командаларына Россия Кубогында җиңүләре уңаеннан котлау телеграммалары юллады. Бу хакта республика парламентының матбугат хезмәте хәбәр итә.

(Казан, 27 декабрь, «Татар-информ»). Тәмәке булмаган никотинлы продукцияне качып сата башлаулары мөмкин. Бу хакта Роспотребнадзор хезмәтенең Татарстан буенча идарәсе җитәкчесе Марина Патяшина төбәкнең Хөкүмәт йортында узган республика киңәшмәсендә кисәтте.

(Казан, 27 декабрь, «Татар-информ», Зилә Мөбәрәкшина). Төркиянең Анкара шәһәрендә Тюрксой Халыкара төрек мәдәнияте оешмасының Орандагы үзәк йортында нугай шагыйре Кадрия Темирбулатова тууына багышланган җыелыш һәм Тюрксой ярдәме белән аның унике телдә тәрҗемә ителгән «Егетләрнең дастаны» исемле шигырь китабын тәкъдим итү кичәсе үткәрелгән. Бу хакта «Татар-информ» хәбәрчесенә Анкарада яшәүче төрек милләте вәкиле Ләвәнт Булут сөйләде.

(Казан, 27 декабрь, «Татар-информ»). Казанның «Рубин» командасы барлык уенчыларының гомуми трансфер бәясе буенча Россия Премьер-лигасында сигезенче урынны алып тора. Бу нәтиҗә Transfermarkt махсуслаштырылган сайтындагы күренә.

(Казан, 27 декабрь, «Татар-информ»). Уфаның «Нур» дәүләт татар театрында Дамир Сәлимҗановның «Мин көтәм сине» дигән лирик комедиясен премьерасы 26 декабрьдә булды. Спектакль тамашачыга геройларның алдагы язмышын хәл итү мөмкинлеге бирелү белән үзенчәлекле булып тора. Бу турыда «Башинформ» хәбәр итә.

(Казан, 27 декабрь, «Татар-информ»). Татарстан буенча «Торак һәм шәһәр тирәлеге» илкүләм проектында 2019 елга торакны гамәлгә кертүнең төп күрсәткече 2 млн 675 мең квадрат метр итеп билгеләнгән. Бүгенгә Татарстанда 2 млн 641,5 мең квадрат метр торак файдалануга тапшырылган, бу планның 98,7 проценты дигән сүз. Бүген бу хакта Татарстан Хөкүмәте йортында узган республика киңәшмәсендә төзелеш, архитектура һәм ТКХ министры Ирек Фәйзуллин хәбәр итте.

(Казан, 27 декабрь, «Татар-информ», Наталья Рыбакова). Кышның беренче ае гына тәмамлана. Узган ел күрсәткечләре буенча быел Казанда туфрак дүрт тапкыр тирәнрәк туңган. Бу хакта бүген «Татар-информ» мәгълүмат агентлыгында узган матбугат конференциясендә профессор, география фәннәре докторы, КФУның метеорология, климатология һәм атмосфера экологиясе кафедрасы мөдире Юрий Переведенцев хәбәр итте.

(Казан, 27 декабрь, «Татар-информ», Полина Шевчук). Татарстанда ике җиңел автомобиль бәрелешү нәтиҗәсендә машина йөртүчеләрнең икесе дә зыян күргән. Бу хакта «Татар-информ» агентлыгына әлеге аварияне күргән кешеләр хәбәр итте.

(Казан, 27 декабрь, «Татар-информ»). Бүген Татарстан Республикасы Хөкүмәте йортында Татарстан Президенты Рөстәм Миңнеханов рәислегендә «Алабуга» МИЗ Күзәтүчеләр советы утырышы узды. Ул «Алабуга» МИЗның узып баручы елда эшчәнлеген уңай бәяләде. Бу турыда ТР Президенты матбугат хезмәте хәбәр итте.

(Казан, 27 декабрь, «Татар-информ», Наталья Рыбакова). Тиздән Татарстанга Көнбатыш циклоны киләчәк һәм озак көтелгән кар явачак. Яңа ел төнендә дә Казанда кар явуы көтелә. Бу хакта бүген «Татар-информ»да матбугат конференциясендә профессор, география фәннәре докторы, КФУның метеорология, климатология һәм атмосфера экологиясе кафедрасы мөдире Юрий Переведенцев хәбәр итте.

(Казан, 27 декабрь, «Татар-информ»). Бүген Мәскәүдә Хәрби фәннәр академиясе президенты, армия генералы Мәхмүт Гәрәев белән хушлашу чарасында Татарстан Дәүләт Советы Рәисе Фәрит Мөхәммәтшин җитәкчелегендәге Татарстан делегациясе катнашты. Бу турыда республика парламентының матбугат хезмәте хәбәр итә.

(Казан, 27 декабрь, «Татар-информ», Наталья Рыбакова). Быел кыш температура климат нормасыннан югарырак булачак, мондый фараз алдагы ике айга — гыйнварга һәм февральгә кагыла. Бу хакта бүген «Татар-информ» мәгълүмат агентлыгында узган матбугат конференциясендә билгеле булды.

(Казан, 26 декабрь, «Татар-информ», Ләйсән Рәхмәтуллина). Тарих фәннәре докторы Дамир Исхаков бүген Чабаксар шәһәрендә Явыз Иванга куелган һәйкәл турында үз фикерен әйтте.

(Казан, 27 декабрь, "Татар-информ"). 29 декабрь көнендә беренче мәртәбә Омск татарларына Галиәскәр Камалның «Беренче театр» спектаклен һәвәскәр артистлар тәкьдим итә. Бу турыда Бөтендөнья татар конгрессы хәбәр итте.

(Казан, 27 декабрь, «Татар-информ»). Екатеринбургта милли телдә язучы әдип һәм шагыйрьләрнең һәйкәлләрен үз эченә алган яңа аллея барлыкка киләчәк. Екатеринбург мэры Александр Высокинский кабул итү вакытында Екатеринбург татар-башкорт җәмгыяте рәисе Сөфхәт Надыйровка шулай дип белдерде. Бу хакта Бөтендөнья татар конгрессының матбугат хезмәте хәбәр итә.

(Казан, 27 декабрь, «Татар-информ»). Татарстанда складтан 1,3 млн сумлык орлык урлаган кешеләрне хөкем итәчәкләр. Бу турыда Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

(Казан, 27 декабрь, «Татар-информ»). Бүген Мытищи шәһәрендә Федераль хәрби мемориаль зиратта армия генералы Мәхмүт Гәрәевне җирләделәр. Моңа кадәр матәм залында Хәрби фәннәр академиясе президенты белән хушлашу тантанасы булды. Бу турыда ТАСС хәбәр итә.

(Казан, 27 декабрь, «Татар-информ»). Казанның Авиатөзелеш районында төзелеп килә торган сәүдә павильонында янгын чыккан. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Казан, 27 декабрь, «Татар-информ»). Казанның су хуҗалыгы предприятиесенең элеккеге директорыннан 694 мең сум күләмендә акча үзләштерүдә шикләнәләр. Бу турыда Татарстан буенча Эчке эшләр министрлыгы матбугат хезмәтендә хәбәр иттеләр.

(Казан, 27 декабрь, «Татар-информ», Рузилә Мөхәммәтова). Бүген Вахитов районы суды Тинчурин театрының элеккеге баш режиссеры Рәшит Заһидуллинның ТР Мәдәният министрлыгына булган дәгъвасын канәгатьләндерүдән баш тартты. Мәгълүмат Вахитов районы суды сайтына урнаштырылган.

(Казан, 27 декабрь, «Татар-информ», Полина Шевчук). Гадәттән тыш хәлләр министрлыгы ут белән көрәшүчеләрнең Казанның Дәрвишләр бистәсендә янгын чыккан балалар мәйданчыгына бик озак баруы турындагы мәгълүматны кире какты.

(Казан, 27 декабрь, «Татар-информ»). Самараның “Яктылык” мәктәбендә татар балалары өчен чын татарча чыршы бәйрәме узды. Бу хакта Бөтендөнья татар конгрессының матбугат хезмәте хәбәр итә.

(Казан, 27 декабрь, «Татар-информ»). 28 һәм 29 декабрьдә Мәскәү шәһәренең Җиңү музеенда Дан залы гөмбәзендә армия генералы, хәрби җитәкче Мәхмүт Гәрәев истәлегенә фильм күрсәтелә. Фильм «Ерак Көнчыгыш финалы» дип атала. Бу хакта Җиңү музееның матбугат хезмәте хәбәр итә.