Новости за 03.09.2016

სოსო ჯოხაძის მკვლელობის ბრალდებით დაკავებულ ბადრი ნათობაძეს ბრალი 109-ე მუხლით წაუყენეს, რაც დამამძიმებელ გარემოებაში განზრახ მკვლელობის ჩადენას გულისხმობს.

თინა ხიდაშელი საკონსტიტუციო სასამართლოს მოსამართლეების არჩევასთან დაკავშირებით საპარლამენტო უმრავლესობის განცხადებებს გამოეხმაურა.

პაატა ბურჭულაძის გუნდის წევრი დავით ჯანდიერი მიიჩნევს, რომ უზენაესმა სასამართლომ რუსთავი 2-ის საქმე აუცილებლად უნდა მიიღოს განსახილველად. დავით ჯანდიერის მტკიცებით, საწინააღმდეგო გადაწყვეტილება „ერთმნიშვნელოვნად უკანონო გადაწყვეტილებად“ შეფასდება.

პაატა ბურჭულაძის პარტიის წევრი დავით ჯანდიერი დემურ სტურუას დედის ცემის ფაქტს კურიერის პირდაპირ ეთერში აფასებს და მისი პარტიის მოთხოვნაზე კიდევ ერთხელ საუბრობს.

რესპუბლიკური პარტიის ლიდერი თინა ხიდაშელი დემურ სტურუას დედის ცემის ფაქტს მძიმე ისტორიის გაუგებარ და წარმოუდგენელ გაგრძელებას უწოდებს და ამბობს, რომ ეს სახელმწიფოს ღირსების საქმეა.

თავისუფალი დემოკრატების გენერალური მდივანი ალექსი პეტრიაშვილი დემურ სტურუას დედის ცემის ფაქტს ქვეყნის ტრაგედიას უწოდებს და ხელისუფლებას ოჯახის უსაფრთხოების უზრუნველყოფისათვის ქმედითი ნაბიჯების გადადგმას სთხოვს. ამის შესახებ ალექსი პეტრიაშვილომა კურიერის პირდაპირ ეთერში ისაუბრა.

ძალიან უცნაური იქნება უზენაესმა სასამართლომ რუსთავი 2-ის საქმე არ მიიღოს განსახილველად, - ამის სესახებ შაბათის კურიერის პირდაპირ ეთერში არასამთავრობო ორგანიზაცია საერთაშორისო გამჭვირვალობა - საქართველოს პროგრამის მენეჯერმა გიორგი გვილავამ განაცხადა.

ახალგაზრდა იურისტთა ასოციაციის თავმჯდომარე ანა ნაცვლიშვილი უზენაესი სასამართლოს მიერ რუსთავი 2-ის საკასაციო საჩივრის დასაშვებობას ზეპირი მოსმენის გარეშე განხილვის შესახებ მიღებულ გადაწყვეტილებაში განსაკუთრებულს ვერაფერს ხედავს.

სოსო ჯოხაძის მკვლელობის საქმეზე დაკავებულ ბადრი ნათობაძის ადვოკატი ე.წ. მოდულის შენობაში იმყოფება. მკვლელობის ბრალდებით დაკავებულ ნათობაძეს ბრალს დღეს წაუყენებენ.

მმართველი გუნდის მაჟორიტარობის კანდიდატს, დიმიტრი ხუნდაძეს, მცხეთისა და მცხეთის თემის საკრებულოების 15-მდე წევრი გაემიჯნა. მათი განმარტებით, განცხადების ავტორთა შორის ქართული ოცნების, თავისუფალი დემოკრატების, ლეიბორისტული და რესპუბლიკური პარტიების წევრები არიან.

რუსთავი 2-ის არქივში ბოლო ერთი წლის განმავლობაში დაგროვილი ძალიან დიდი მასალა ინახება სისხლიანი გარჩევების, ორმხრივი სროლების და თავდასხმების შესახებ.  

ფიზიკური დაზიანებები ნონა ჯოჯუას მისი შვილის თვითმკვლელობამდე მიყვანის საქმის ერთ-ერთმა მოწმემ მიაყენა. დაზარალებული ირწმუნება, რომ დავით ნაცვლიშვილმა იმის გამო სცემა, რომ მან გამოძიებას რამდენიმე დღის წინ ნაცვლიშვილის წინააღმდეგ ჩვენება მისცა და მისი მხრიდან შესაძლო ზეწოლაზე ისაუბრა.

იპოთეკარები ბიძინა ივანიშვილის ბოლო განცხადებით უკმაყოფილოები არიან. ისინი ყოფილი პრემიერის იმ განმარტებებმა გააღიზიანა, სადაც ივანიშვილმა იპოთეკარებისთვის პრობლემის გადაჭრაზე დაპირება უარყო.

ფალიაშვილის ქუჩაზე მომხდარი მკვლელობისთვის დაკავებული ბადრი ნათობაძისთვის გამოძიებას ბრალი ამ დრომდე არ წარუდგენია. ოჯახს ჯერ-ჯერობით არ ყავს არც ადვოკატი. თავად ეჭვმიტანილი კი დუმილის უფლებას იყენებს და დანაშაულს არ აღიარებს.

საქართველოს პროკურატურის მიერ, მოწმეზე ზემოქმედების განხორციელების ფაქტზე  ბრალდებულის სახით დააკავა დავით ნაცვლიშვილი საქართველოს სისხლის სამართლის კოდექსის 372-ე მუხლის მესამე ნაწილით.

საერთაშორისო ფოლკლორული ფესტივალი დღეს საღამოს Black Sea Arena-ზე დაიხურება. ქართული ანსამბლების გარდა, მაყურებლის წინაშე 5 ქვეყნის კოლექტივები წარდგებიან. საღამოს მონაწილეები ეროვნულ ქორეუოგრაფიულ და მუსიკალურ ნომრებს შეასრულებენ.

საქართველოს ეროვნული მუზეუმის გენერალური დირექტორი დავით ლორთქიფანიძე გერმანიის ფედერაციული რესპუბლიკის სახელმწიფო ორდენით, გოეთეს მედლით დაჯილდოვდა. ცერემონია ვაიმარის სასახლეში გაიმართა.

მოძრაობამ პაატა ბურჭულაძე - სახელმწიფო ხალხისთვის დეპუტატობის კანდიდატები წარადგინა. მოძრაობის ლიდერმა აღმოსავლეთ საქართველოში მაჟორიტარობის კანდიდატები დაასახელა:

დემურ სტურუას დედა ნაცემია. სამტრედიელი ახალგაზრდის თვითმკვლელობამდე მიყვანის საქმის გამოძიების პარალელურად, სამართალდამცველები ფიზიკური ძალადობის ფაქტზე ნინო ჯოჯუას კითხავენ.

უზბეკეთის პრეზიდენტი მშობლიურ ქალაქ სამარყანდში დაკრძალეს. ცერემონიას 17 ქვეყნიდან ჩასული ოფიციალური დელეგაცია ესწრებოდა, მათ შორის საქართველოს პრემიერმინისტრი.

საქართველოს პრეზიდენტმა გიორგი მარგველაშვილმა შენი ხმა ჩვენი მომავალია კამპანიის ფარგლებში, შეხვედრები ახალგაზრდებთან რეგიონებში, დღეს დაასრულა.

ფიზიკური დაპირისპირება გლდანში. ინციდენტი მერის კორუფციულ გარიგებაში მონაწილეობისა და სამშენებლო სამუშაოებზე უსაფრთხოების ნორმების დარღვევის ბრალდებას მოჰყვა. ერთმანეთს ბოჭორიშვილის ქუჩაზე შპს ბალავარის მშენებარე ობიექტის მუშები და ადგილობრივები დაუპირისპირდნენ.

თურქეთმა სირიაში ბრძოლის ახალი ფრონტი გახსნა. მძიმე ტექნიკამ და ტანკებმა სირიის საზღვარი კილისის პროვინციიდან გადაკვეთეს.

ნაციონალური მოძრაობის წევრები თხილნარის მეურნეობის ტერიტორიაზე მეწყერის შედეგად ჩახერგილი გზის გაწმენდას ითხოვდნენ. ისინი ადგილობრივ მოსახლეობასთან ერთად შეიკრიბნენ და მუნიციპალიტეტის გამგეობა უყურადღებობაში დაადანაშაულეს.

მაჟორიტარი კანდიდატების დაპირისპირება მცხეთაში. დიმიტრი ხუნდაძე ცეზარ ჩოჩელს თვითმმართველობის წევრთა მოსყიდვაში ადანაშაულებს. განცხადება პარლამენტის ჯანდაცვის კომიტეტის თავმჯდომარემ მას შემდეგ გააკეთა, რაც სხვადასხვა პოლიტიკური პარტიის წარმომადგენლებმა მცხეთაში საგანგებო ერთობლივი განცხადება გააკეთეს. ბრიფინგი ქალაქის საკრებულოს წევრებმა გამართეს.