Новости за 13.01.2021

რუსეთის სასჯელაღსრულების ფედერალურმა სამსახურმა ოპოზიციონერ პოლიტიკოსზე, ალექსეი ნავალნიზე ძებნა გამოაცხადა, იტყობინება გამოცემა Mash-ი. რედაქციის ხელთ არსებულ დოკუმენტში ნათქვამია, რომ ოპოზიციონერი თავს არიდებდა კონტროლს როგორც პირობით გასამართლებული. კორუფციასთან ბრძოლის ფონდის დამაარსებელ ალექსეი ნავალნის 2014 წელს მიესაჯა 3,5 წლით პირობით თავისუფლების აღკვეთა თაღლითობის მუხლით. თავად მან არ აღიარა დანაშაული და ბრალდებას პოლიტიკურად მოტივირებული უწოდა. ადამიანის უფლებების ევროპულმა სასამართლომ დაადგინა... Читать дальше...

დონალდ ტრამპი აშშ-ის პირველი პრეზიდენტი გახდა, რომელსაც იმპიჩმენტი ორჯერ გამოუცხადეს 231 ხმა 197-ის წინააღმდეგ - აშშ-ის წარმომადგენელთა პალატამ მოქმედი პრეზიდენტის დონალდ ტრამპის იმპიჩმენტს მხარი დაუჭირა. ამგვარად, ტრამპი გახდა აშშ-ის ისტორიაში პირველი პრეზიდენტი, რომელსაც იმპიჩმენტი ორჯერ გამოუცხადეს. ეს კი ერთი კვირის თავზე მოხდა მას მერე, რაც კონგრესის შენობაში მისი მხარდამჭერები შეიჭრნენ. დონალდ ტრამპს ვადის ამოწურვამდე ბოლო ერთი კვირა აქვს დარჩენილი, თუმცა მწვავე დისკუსიების ფონზე კონგრესმა... Читать дальше...

მაშინ, როცა ბაიდენის ინაუგურაცია ახლოვდება, რამდენიმე ბობოქარი კვირის შემდეგ, აშშ-ის დედაქალაქში ყურადღება იმ ადამიანებზე გადადის, რომლებიც მან მომავალ ადმინისტრაციაში მაღალ თანამდებობებზე დაასახელა.

საქართველოს საპატრიარქოს საგარეო ურთიერთობის განყოფილების თავმჯდომარე ზუგდიდისა და ცაიშის მიტროპოლიტი გერასიმე (შარაშენიძე) წერილს აქვეყნებს, რომელიც მან მისწერა მოსკოვის საპატრიარქოს საგარეო საეკლესიო კავშირების განყოფილების თავმჯდომარეს, ვოლოკოლამსკის მიტროპოლიტ ილარიონს და ვლადაკავკაზისა და ალანიის მთავარეპისკოპოს ლეონიდეს. ​როგორც მიტროპოლიტი გერასიმე მიუთითებს, მისთვის საინფორმაციო საშუალებებიდან ცნობილი გახდა, რომ 2021 წლის 7 იანვარს, ქრისტეს შობის დღესასწაულზე, ცხინვალის ყოვლადწმიდა სამების... Читать дальше...

საქართველოს პრეზიდენტი სალომე ზურაბიშვილი განცხადებას აქვეყნებს ოზურგეთის მუნიციპალიტეტის სოფელ ბუკნარში განვითარებული მოვლენების შესახებ. მისი განცხადებით, საქართველოს მოქალაქეებს კონსტიტუციით აქვთ გარანტირებული აღმსარებლობის თავისუფლება. „მინდა გამოვეხმაურო გურიაში ჩვენს მუსლიმ და ქრისტიან თანამემამულეებს შორის მომხდარ დაპირისპირებას. ეს სამწუხარო ფაქტია და იმედი მაქვს, რომ ვითარება უახლოეს დროში განიმუხტება.  საქართველო ყოველთვის ამაყობდა თავისი რელიგიური მრავალფეროვნებით. ეს ჩვენი ქვეყნის სიმდიდრეა... Читать дальше...

ირანის სახელმწიფო მედიის ცნობით, ირანის შეირაღებულმა ძალებმა მოკლე რადიუსის საზღვაო რაკეტებით წვრთნა დაიწყო ომანის ყურეში, რის ფონიცაა თეირანსა და ვაშინგტონს შორის დაძაბულობის გამწვავება. 13 იანვარს სახელმწიფო ტელევიზიამ განაცხადა, რომ ორდღიან წვრთნაში მონაწილეობენ ლოგისტიკური საბრძოლო გემი Makran-ი, რომელსაც ირანის უდიდეს სამხედრო ხომალდად მიიჩნევენ, და რაკეტამზიდი ხომალდი Zereh-ი. აშშ-სა და ირანს შორის დაძაბულობა გამწვავდა 2018 წლის შემდეგ, როცა აშშ-ის პრეზიდენტმა დონალდ ტრამპმა ვაშინგტონი... Читать дальше...

ჩინური ვაქცინა საქართველოში იანვრის დასაწყისში გახდა აქტუალური, როდესაც ჯერ ინფექციური პათოლოგიის, შიდსისა და კლინიკური იმუნოლოგიის ცენტრის გენერალურმა დირექტორმა, თენგიზ ცერცვაძემ ახსენა მისი გამოყენების შესაძლებლობა, შემდეგ კი ეს ჯანდაცვის მინისტრმა, ეკატერინე ტიკარაძემ უარყო და თქვა: „კატეგორიულად არ განვიხილავთ ამ ეტაპისთვის ჩინური ვაქცინის შემოტანასო“. თუმცა, ჩინეთში შემუშავებული ვაქცინები მსოფლიოს ბევრ ქვეყანაშია განხილვის საგანი. ჩინეთის კონკურენტი სახელმწიფოები შიშობენ, რომ პეკინი პანდემიას თავისი რბილი ძალის გასაზრდელად იყენებს. Читать дальше...

ჩოხატაურის მუნიციპალიტეტის სოფელ ბუკნარში მუსლიმ თემსა და ადგილობრივ მოსახლეობას შორის მომხდარი დაპირისპირების შემდეგ გამართული მოლაპარაკებები შეთანხმებით დასრულდა. ამის შესახებ რადიო თავისუფლებას ქობულეთისა და გურიის მუფთმა ასლან ბერიძემ უთხრა, რომელიც დღეს გურიაში სპეციალურად ჩავიდა. მისივე ინფორმაციით, შეხვედრას ესწრებოდნენ ჩოხატაურის მერი, სოფელ ბუკნარში მცხოვრები მუსლიმი თემის 5-წევრიანი წარმომადგენლობა და ქართველ მუსლიმთა კავშირის წარმომადგენელი. ქობულეთისა და გურიის მუფთი ამბობს, რომ კმაყოფილია... Читать дальше...

ნინი როსტომაშვილი საქართველოს ეროვნული უნივერსიტეტის  სტუდენტია, თუმცა პანდემიის გამო ბოლო 2 თვის სწავლის საფასურის გადახდა ვეღარ შეძლო. ეს იმას ნიშნავს, რომ, წესით, მას  თვის ბოლოს სტატუსი უნდა შეუჩერდეს და სწავლა ვეღარ გააგრძელოს.   პანდემიამდე ნინო სასტუმროში მუშაობდა, მარტიდან კი, კორონავირუსის გამო, სამსახურის გარეშე დარჩა. ეკონომიკური კრიზისის პირობებში მას ვეღარც ოჯახი ეხმარება. „300 ლარი მქონდა ხელფასი და მთლიანად სწავლის თანხას ვიხდიდი ყოველთვე. რაც სამსახური დავკარგე, მარტის შემდეგ, მამაჩემი მეხმარებოდა... Читать дальше...

ოკუპირებულ ცხინვალის რეგიონში ბოლო 24 საათში კორონავირუსით ინფიცირებულთა 37 ახალი შემთხვევა გამოვლინდა. დაიღუპა ერთი ადამიანი. დე ფაქტო რესპუბლიკის მთავარი ინფექციონისტის ელეონორა ჯიოევას თქმით, 88 წლის ქალი სტაციონარში იანვრის დასაწყისში შეიყვანეს, რომელსაც თანმდევი დაავადებები ჰქონდა. როგორც ის აღნიშნავს, გამოვლინდა ორმხრივი პნევმონია და მისი გადარჩენა ვერ მოხერხდა. ცხინვალის რეგიონში ინფიცირებულთა რაოდენობამ ჯამში 2461-ს მიაღწია. ექიმების მეთვალყურეობის ქვეშ ამჟამად 842 ადამიანი რჩება. ცხინვალის საავადმყოფოებში კი 67 ადამიანი მკურნალობს... Читать дальше...

საქართველოს ძიუდოისტთა ნაკრებისთვის დოჰაში 11-13 იანვარს გამართული „მსოფლიოს მასტერსის“ მესამე დღე წინა ორზე წარმატებული გამოდგა - ქართველმა სპორტსმენებმა სამივე სინჯოს თითო მედალი მოიპოვეს. 100 კილოგრამ წონით კატეგორიაში მოჭიდავე ვარლამ ლიპარტელიანი ჩემპიონი გახდა, 90 კილოგრამში კი ბექა ღვინიაშვილმა მეორე საპრიზო ადგილი დაიკავა, ხოლო ლაშა ბექაურმა - მესამე. ვარლამ ლიპარტელიანმა ფინალის გზაზე რუსი ნიაზ ბილალოვი, უზბეკი მუხამადკარიმ ხურამოვი და ებრაელი პეტერ პალჩიკი დაამარცხა, საჩემპიონო ბრძოლაში კი აზერბაიჯანელ ზელიმ კოცოევს აჯობა. Читать дальше...

აშშ-ის წარმომადგენელთა პალატაში მიმდინარეობს განხილვა, შესაძლებელია თუ არა პრეზიდენტ დონალდ ტრამპისთვის იმპიჩმენტის გამოცხადება. აშშ-ის 45-ე პრეზიდენტის უფლებამოსილებებს 20 იანვარს გასდის ვადა. მაგრამ წარმომადგენელთა პალატა, რომელსაც დემოკრატები აკონტროლებენ, მოითხოვს, რომ ტრამპი ახლავე იქნეს ჩამოშორებული თანამდებობას. ის ეჭვმიტანილია 6 იანვარს ვაშინგტონში ამბოხებისკენ წაქეზებაში. მაშინ ტრამპი ქალაქის ცენტრში გამოვიდა და განაცხადა, რომ არ ცნობს ნოემბრის საპრეზიდენტო არჩევნებში დამარცხებას. ამის... Читать дальше...

ბიძინა ივანიშვილის, როგორც თავად თქვა, "ალბათ ბოლო ინტერვიუს" შემდეგ, დარჩა შთაბეჭდილება, რომ პარტიიდან წასულს დარდი მიჰყვება - შიში და ეჭვი აქვს, "ქართულ ოცნებაში" მის გარეშე, შესაძლოა საქმის გარჩევა, დაპირისპირება დაიწყოს და სიტუაცია გართულდეს. ივანიშვილმა ეს საკითხი არაერთხელ ახსენა საზოგადოებრივი მაუწყებლის „პირველ არხზე“ 12 იანვარს გასულ ინტერვიუში. ივანიშვილის "ოცნებაში" დატოვებულ ადგილს სულ მალე პარტიის აღმასრულებელი მდივანი, ირაკლი კობახიძე შეავსებს. ვინ და რატომ შეარჩია ირაკლი კობახიძე "ოცნების" ახალ თავმჯდომარედ? Читать дальше...

ჩოხატაურის მუნიციპალიტეტის სოფელ ბუკნარში განვითარებულ მოვლენებს ეხმაურება საქართველოს სახალხო დამცველი ნინო ლომჯარია. ომბუდსმენი ხაზგასმით აღნიშნავს, რომ საქართველოში მცხოვრებ ყველა პირს კონსტიტუციით აქვს გარანტირებული რწმენის თავისუფლება, რაც თავის თავში მოიცავს რელიგიური რიტუალების ჩატარებისა და მათში მონაწილეობის უფლებას. განცხადების თანახმად, სახელმწიფოს ვალდებულებაა, თანაბრად შეუწყოს ხელი ყველასთვის ამ უფლებით განუხრელად სარგებლობას. ამასთან, სახელმწიფომ ნეიტრალურად და მიუკერძოებლად უნდა დაიცვას მორწმუნეთა შორის სოციალური მშვიდობა. Читать дальше...

რუსეთის პრეზიდენტმა ვლადიმირ პუტინმა განკარგულება გასცა, მომავალი კვირიდან ქვეყანაში დაიწყოს კორონავირუსის საწინააღმდეგო მასობრივი ვაქცინაცია. პუტინმა ამის შესახებ 13 იანვარს განაცხადა მთავრობის წევრებთან ვიდეოკავშირით გამართულ შეხვედრაზე. „საჭიროა მასშტაბურიდან მასობრივ ვაქცინაციაზე გადავიდეთ,“ თქვა რუსეთის პრეზიდენტმა და აღნიშნა, რომ ამისთვის აუცილებელია შესაბამისი ინფრასტრუქტურის მომზადება. „მადლობა ღმერთს, ჩვენი ვაქცინა ტრასპორტირებისას არ საჭიროებს რაიმე განსაკუთრებულ პირობებს, როგორიცაა მინუს 50, მინუს 70 გრადუსი. Читать дальше...

საქართველოს ევანგელურ-ბაპტისტური ეკლესია ეხმაურება ჩოხატაურის მუნიციპალიტეტის სოფელ ბუკნარში განვითარებულ მოვლენებს. „ქვეყანას, სადაც ახალგაზრდებს ლოცვისათვის​ თავს უტეხავენ, მომავალი არა აქვს!" - ვკითხულობთ განცხადებაში. როგორც ევანგელურ-ბაპტისტური ეკლესია აღნიშნავს, ადამიანისმოძულეობისა და ირაციონალური შიშის ურჩხულმა კიდევ ერთხელ წამოყო თავი საქართველოში. ქვეყანაში, რომელიც დეკლარირებულად ევროპული ორიენტაციისაა, ახალგაზრდებს თავს უტეხენ ლოცვის გამო. „საქართველოს ევანგელურ-ბაპტისტური ეკლესიის ეპისკოპატის სახელით... Читать дальше...

სირიაში მიმდინარე ომის დამკვირვებელთა თანახმად, სამთავრობო ჯარების 40-მდე სამხედრო და მათი მოკავშირე მებრძოლები იქნენ მოკლული საჰაერო იერიშების შედეგად, რომლებიც, როგორც აცხადებენ, ისრაელმა განახორციელა პროირანული ძალების იარაღის საწყობებზე. ირანის საჰაერო ძალებმა 18-ზე მეტი საჰაერო დარტყმა განახორციელეს აღმოსავლეთ სირიაში, ქალაქ დეირ-ეზორსა და ერაყის საზღვარს შორის ტერიტორიაზე, განაცხადა 13 იანვარს სირიის ადამიანის უფლებების ობსერვატორიამ, რომელსაც დიდ ბრიტანეთში უდევს ბინა. ორგანიზაციის თანახმად... Читать дальше...

13 იანვარს ნოვოსიბირსკის ოპერისა და ბალეტის თეატრმა გამოაქვეყნა მოკლე განცხადება, სადაც ნათქვამია, რომ თეატრის სამხატვრო ხელმძღვანელისა და ქართველი ბალერინის მოლაპარაკებების შედეგად, ორივე მხარის თანხმობის საფუძველზე, თეატრმა საბოლოოდ მიიღო ნინო ანანიაშვილთან კონტრაქტის გაწყვეტის გადაწყვეტილება. რადიო თავისუფლებამ სცადა კონტრაქტის გაწყვეტასთან დაკავშირებით მეტი დეტალის გაგება თავად ნინო ანანიაშვილთან, რომელიც ადასტურებს, რომ კონტრაქტი მხარეთა თანხმობით შეწყდა. ნოვოსიბირსკის ოპერისა და ბალეტის... Читать дальше...

ესტონეთის პრემიერ-მინისტრმა, ცენტრისტული პარტიის ლიდერმა იური რატასმა გადადგომის შესახებ გამოაცხადა კორუფციის თაობაზე სკანდალის ფონზე. „დღეს პროკურატურის მიერ გამოქვეყნებული ეჭვები არ ნიშნავს, რომ ვინმე ცალსახად დამნაშავეა, მაგრამ ეს უთუოდ სერიოზულ ჩრდილს აყენებს ყველა თანამონაწილეს. ასეთ ვითარებაში ცალსახად სწორად მიმაჩნია, გადადგომით შესაძლებლობა მიეცეს ყველა გარემოებისთვის ნათელის მოფენას და სიცხადის მიღწევას, პოლიტიკური და საზოგადოებრივი სიმშვიდის კონტექსტში“, დაწერა რატასმა ფეისბუკში. 12... Читать дальше...

YouTube-მა მინიმუმ ერთი კვირით შეაჩერა აშშ-ის პრეზიდენტ დონალდ ტრამპის არხის მუშაობა. ამის შესახებ CNN-ი იტყობინება. ვიდეოსერვისის წარმომადგენელმა განაცხადა, რომ ახლახან პრეზიდენტის არხზე გამოქვეყნებულმა ვიდეომ „ძალადობის პროვოცირება“ მოახდინა და ის წაშალეს. რომელი ვიდეო გახდა ტრამპის არხის დაბლოკვის მიზეზი, YouTube-ი არ იტყობინება. არხის ადმინისტრატორებს ერთი კვირით ეკრძალებათ მასზე ახალი ვიდეორგოლების გამოქვეყნება და პირდაპირი ტრანსლაციების წარმოება. არხზე, რომელსაც 2,77 მილიონი ხელმომწერი ჰყავს... Читать дальше...

საქართველოს ძიუდოისტთა ნაკრების წევრებმა ბექა ღვინიაშვილმა (90 კილოგრამი წონითი კატეგორია) და ვარლამ ლიპარტელიანმა (100 კგ), დოჰაში მიმდინარე პრესტიჟულ საერთაშორისო ტურნირზე - „მსოფლიოს მასტერსზე“ დილის პროგრამა წაუგებლად ჩაამთავრეს და საჩემპიონო ტიტულს თითო შეხვედრის მოგება აშორებთ. ლაშა ბექაური კი ბრინჯაოს მედლისთვის იჭიდავებს. საღამოს, ფინალურ ბლოკში, ღვინიაშვილი ოქროს მედლისთვის მსოფლიოს მოქმედ ჩემპიონს - ნიდერლანდელ ნოელ ვან ტენდს დაუპირისპირდება. ბექაურის მეტოქე თურქეთის ნაკრების წევრი მიხაელ ჟგანკი იქნება. Читать дальше...

სახელმწიფო უსაფრთხოების სამსახურის ინფორმაციით, ანტიკორუფციული სააგენტოს თანამშრომლებმა დააკავეს სახელმწიფო მოხელე, რომელიც მოქალაქეს 65 000 აშშ დოლარის სანაცვლოდ, ზუგდიდის რაიონის სოფ. ერგეტაში მდებარე, სახელმწიფოს ბალანსზე არსებული 5000 კვ.მ მიწის ნაკვეთის საკუთრებაში დარეგისტრირებას დაჰპირდა. დაკავებული საჯარო მოხელე ერგეტას (ცვანეს) ადმინისტრაციულ ერთეულში, ზუგდიდის მუნიციპალიტეტის მერიის წარმომადგენელია. ის იმ დროს დააკავეს, როცა მოქალაქისგან მოთხოვნილი თანხის ნაწილს, 15 000 ამერიკულ დოლარს იღებდა. Читать дальше...

საქართველოს გენერალურ პროკურატურაში რადიო თავისუფლებას დაუდასტურეს ინფორმაცია იმის შესახებ, რომ ე.წ. კარტოგრაფების საქმეზე მეორედ იმყოფება გამოკითხვაზე გიორგი მანჯგალაძე, საგარეო საქმეთა მინისტრის ყოფილი მოადგილე. მიმდინარე გამოძიების ფარგლებში ის პირველად 2020 წლის შემოდგომაზე, გამოძიების საწყის ეტაპზე გამოიკითხა. გიორგი მანჯგალაძე სადემარკაციო კომისიას ხელმძღვანელობდა 2006-2007 წლებში. ე.წ. კარტოგრაფების საქმეზე 12 იანვარს საზოგადოებრივი მაუწყებლისთვის მიცემულ ინტერვიუში ისაუბრა "ქართული ოცნების" ყოფილმა თავმჯდომარემ... Читать дальше...

აშშ-ის სახელმწიფო დეპარტამენტმა გააუქმა პრეზიდენტ დონალდ ტრამპის ადმინისტრაციის პირობებში დაგეგმილი, ბოლო მნიშვნელოვანი დიპლომატიური ვიზიტი უცხოეთში. სახელმწიფო დეპარტამენტმა 12 იანვარს გამოაცხადა, რომ გაუქმდა სახელმწიფო მდივნის, მაიკ პომპეოს ორდღიანი ვიზიტი ბრიუსელსა და მეზობელ ლუქსემბურგში, რათა მხარდაჭერა გაეწიოს "მშვიდ და მოწესრიგებულ ტრანზიციის პროცესს" შემდეგი ადმინისტრაციისთვის. არჩეული პრეზიდენტი, ჯო ბაიდენი მოვალეობის შესრულებას 20 იანვარს დაიწყებს. პომპეოს ვიზიტის გაუქმების ფონია... Читать дальше...

მსოფლიოს ქვეყნები განაგრძობენ კორონავირუსის გავრცელებასთან გადაადგილების შეზღუდვით ბრძოლას, პარალელურად გრძელდება ვაქცინაციის პროგრამები. კანადის ყველაზე მეტად დასახლებულმა პროვინციამ, ონტარიომ, 14 იანვარს მოსახლეობას შინ დარჩენისკენ მოუწოდა, გარეთ გასვლა მხოლოდ ექიმთან მისასვლელად და საკვების საყიდლად არის რეკომენდებული. ინდონეზიის პრეზიდენტმა, ჯოკო ვიდოდომ 13 იანვარს გაიკეთა ჩინეთის მიერ წარმოებული, Sinovac-ის ვაქცინის პირველი დოზა, მას შემდეგ, რაც ქვეყნის ჯანდაცვის მესვეურებმა პრეპარატის მოხმარების ნებართვა გასცეს. Читать дальше...