د کرکټ نړیوال شل اووریز جام؛ د افغانستان او پاکستان لوبډلې سره مخ کیږي
دا ټيمونه د متحده عرب اماراتو او عمان په کوربه توب د روان شل اووریز جام په دویم ګروپ کې شامل دي.
افغانستان خپله لومړۍ لوبه په لوی توپیر له سکاټلنډ ګټلې او پاکستان هم د هند او نیوزیلنډ لوبډلې ماټې کړي دي.
پاکستان په ګروپ کې اول او افغانستان دویم ځای لري. د هر ګروپ د سر دوه لوبډلې به د پنځو لوبو تر نتیجې وروسته سیمې فاینل ته لار پیدا کوي.
تر سبانیو لوبو را مخکې نن، په نړیوال جام کې اسټرالیا او سریلانکا چې په اول ګروپ کې شامل دي سره مخ کېږي.