طالبان وايي د کابل لوېدیځ کې له لوږې د مړه شویو ماشومانو په اړه څېړنه کوي
د طالبانو ویاند او د اطلاعاتو او فرهنګ وزارت مرستیال ذبیحالله مجاهد پرون ماښام ازادي راډیو ته وویل: "په دې اړه څېړنه کوو، تر اوسه موږ داسې معلومات نهلرو چې اته ماشومان دې له لوږې مړه شوي وي، هغه هم په کابل ښار کې. په هر صورت دې برخه کې څېړنه کوو چې معلومه کړو رښتیا ده او که پروپاګند."
پرون په دې اړه کابل کې ځایي رسنیو خبر خپور کړ او بیا سیاستوال او پخواني جهادي مشر محمد محقق هم پر خپل فېسبوک دا خبر ورکړ.
محقق ویلي چې دا ماشومان د کابل په ۱۳مه حوزه کې مړه شوي او جسدونهیې د جومات ملا امام او د سیمې خلکو خاورو ته سپارلي دي.
خپلواکو سرچینو لا تر اوسه د دې پېښې په اړه چې ویل کېږي درې اوونۍ مخکې شوې، څه نهدي ویلي.
ملګرو ملتونو وروستیو کې خبرداری ورکړ چې راتلونکی کال به د افغانستان ۹۷ فیصده خلک د لوږې تر کرښې لاندې ژوند کوي.