سږ ایران کې د هغو ۸۰۰ ماشومانو زېږون ثبت شوی چې مېندې یې لس یا ۱۴ کلنې دي
د ایران اکثرو وروسته پاتو کلیوالي سیمو کې لا هم ګڼې کم عمره نجونې واده کېږي.
د ایران د نفوسو د ثبت ادارې ویلي، دا شااوخوا اته سوه ماشومان په سیستان او بلوچستان، خوزستان، خراسان رضوي او ځینو نورو کې سږ لومړی شپږ میاشتې زیږیدلي.
سره له دې چې د بشري حقونو فعالان په ایران کې د کم عمره نجونو د ودونو د ناقانوني ګرځولو لپاره هڅې کوي، خو چارواکي او قضایه قوه له ۱۳ کلونو پورته د نجونو له وادونو سره مخالفت نه کوي.
ایران، افغانستان، پاکستان او هند په سیمه کې هغه هېوادونه دي چې په پراخه کچه په کې د کم عمره نجونو وادونه ترسره کېږي.