جرمني وايي له افغانستانه د خلکو د خوندي ایستلو هلو ځلو ته دوام ورکوي
هایکو ماس دا خبرې پرون (پنجشنبه) مخکې تر دې چې ۲۱۷ نور افغانان په یوه چارتر الوتکه کې له پاکستانه جرمني ته ورسېږي، په یوه بیان کې وکړې.
د دغو کسانو له منځه به ۲۰ تنه نورو اروپايي هېوادونو ته لاړ شي.
په همدې حال کې امریکا، جرمني او بریتانیا وايي چې لا یې هم ګڼ شمېر اتباع په افغانستان کې پاتې دي او هڅه کوي چې ژر یې وباسي.
د جرمني د بهرنیو چارو وزیر ویلي چې په راتلونکو اوونیو کې به د کسانو د ایستلو لپاره نورې لارې پرانیزي.