ایټالیا له درېیمګړي هېواده د افغان پناه غوښتونکو کوریدور یا دهلېز جوړوي
د انسا خبري اژانس د راپور له مخې، د ایټالیا د بهرنیو چارو وزیرې لوسیانا لامورګیس د اروپايي اتحادیې یوې غونډې ته د افغانانو د ساتنې په اړه وویل، په دې توګه به د هغو افغانانو ساتنه وشي چې ملاتړ ته اړتیا لري.
دې زیاته کړه، په اروپايي هېوادونو کې د مېشتولو د ۲۰۲۲ کال د پروګرام پر اساس به هغه افغانان چې ژوند یې له خطر سره مخامخ دی، له پاکستان او ایران څخه ایټالیا ته راوستل شي او ښايي هغو افغانانو ته هم ونډه په پام کې ونیول شي چې په ترکیه کې دي.
اغلې لامورګیس وویل چې د کوریدور پر جوړولو کار کوي، خو د انساني قاچاقبرو لاس ته د کډوالو د لوېدو د مخنیوي لپاره د اروپایانو د کلکو اقداماتو غوښتنه کوي.