کابل کې د امریکا سفارت د مهاجرت ویزو د ورکولو لپاره مرکې پیل کړې
د امریکا سفارت سرپرست او شارژدافیر راس وېلسن پر ټویټر لیکلي چې دی زیار ګالي څو امریکا ته د مهاجرت د ځانګړو ویزو چارې پر مخ ولاړې شي.
ښاغلي وېلسن لیکلي چې له اپرېل میاشتې راهیسې، له شاوخوا ۱،۶۰۰ کسانو او د هغو له کورنیو سره چې د ویزو لپارهیې غوښتنلیکونه سپارلي دي، مرکې شوي.
ښاغلی وېلسن زیاتوي، اوس چې د دې ویزو لپاره د مرکو لړۍ پیل شوې د نورو غوښتنلیکونو د ترلاسه کولو تمه لري.
په کابل کې د امریکا سفارت وايي له ۱۵زره زیات افغانان امریکا ته له صادقانه خدمت وروسته، دغه هېواد ته انتقال شوي دي.
د لوېدیځو رسنیو د راپورونو له مخې اوسمهال له ۱۸ زرو زیات افغان وګړي چې په افغانستان کې یې له امریکايي پوځیانو سره کار کړی، متحده ایالاتو ته د مهاجرت د ویزو په تمه دي.