د رزمي لوبو لوبغاړي ډسټېن پویرېر بیا کانر مکګرېګور مات کړ
دوی بېګا د امریکا په لاس وېګاس ښار کې د یو اف سي معتبره سازمان په ٢٦٤ دور کې لوبه وکړه.
امریکايي لوبغاړي ډسټېن پویرېر د لومړي رونډ په وروستیو شېبو کې د تخنیکي ناک اوټ په وسیله لوبه وګټله ځکه د ایرلندي لوبغاړي مکګرېګور پښه ماته شوه او ډاکترانو له لوبې منع کړ.
دا درېیم وار وو چې د رزمي لوبو دا پېژندل شوي لوبغاړي سره مخ شول. لومړی وار ٢٠١٤ کال کانر ګټلې وه. سږ کال جنوري او دا دی جولای کې سر په سر لوبې ډسټېن وګټلې.
دی به اوس د سپک وزن له اتل چارلس اولېوېرا سره پر هغه کمربند لوبېږي چې د روسي لوبغاړي حبیب نور محمدوف له تقاعد وروسته اولوېرا ترلاسه کړ.