نایجریا کې پر یوه ښوونځي له برید وروسته سلګونه نجونې ترۍ تمې دي
نصیرو عبدالهي چې وايي دوه لوڼې یې یوه ۱۰ کلنه او بله ۱۳ کلنه لادرکه دي اسوشیټډ پرس خبري اژانس ته ویلي، د ښوونځي حاضري ښيي چې ۳۰۰ نجونې لادرکه دي.
د سیمې یوه اوسېدونکي اژانس ته ویلي چې وسلهوالو ښوونځي ته نږدې د پوځ پر یوه اډه او پوسته هم برید وکړ، هغوی تهیې خبرداری ورکړ چې دخالت دې نهکوي او بیا یې څو ساعته په ښوونځي کې تېر کړل.
د نایجریا د معلوماتو دولتي کمېشنر سلیمان توناو انکا هم تأیید کړې چې وسلهوالو له دې ښوونځي څخه نجونې تښتولي، خو هغه زیاته کړه چې امنیتي ځواکونه په جنایتکارانو پسې دي.