د بینالافغاني خبرو ټکني کېدل؛ د دولت پلاوي له خلکو سره د خبرو لړۍ پيل کړه
په همدې ترڅ کې پرون د مرکچي پلاوي دوو غړو مولوي عطاالله لودین او شریفې زرمتۍ د کندهار له اوسېدونکو سره غونډه درلوده.
د مرکچي پلاوي په ټویټرپاڼه کې لیکل شوي چې دې غونډه کې ګډونوالو د سولې په چوکاټ کې پر بشري حقونو، زدهکړو، د جنګیالیو پر بیا ادغام، بیان ازادي، ډیموکراسۍ او یوشمېر نورو مسئلو بحثونه وکړل.
د دولت مرکچي پلاوي ویلي، دوی ته د خلکو نظرونه مهم دي او زیاته کړې ده چې ورته لیدو کتو ته به دوام ورکړي.
له تېرو شاوخوا ۲۰ ورځو راهیسې دوحه کې بینالافغاني خبرې ځنډېدلي او د دولت پلاوی یې پړه پر طالبانو وراچوي.
طالبان بیا وایي، خبرې نهدي درېدلي او په خبرهیې مذاکرو کې دومره ځنډ طبیعي دی.