Новости за 05.02.2020

Mary welaýatynyň pensionerleri we döwlet kömek puluny alýan ýaşaýjylary özleriniň azyk we senagat harytlaryny gymmat bahadan satyn almaga mejbur bolýandyklaryny aýdýarlar. Bu barada maryly ýaşaýjylaryň ençemesi Azatlyk Radiosynyň habarçysy bilen söhbetdeş boldy.

Türkmenistanyň Senagatçylar we telekeçiler bileleşigi (TSTB) döwletden 1,5 milliard amerikan dollaryna golaý möçberde pul alar.

Lebabyň häkimiýetleriniň täze daýhan hojalyklary döretmek baradaky planlarynyň fonunda, käbir etraplaryň oba hojalyk resmileri daýhanlaryň ençemesi bilen täzeden şertnama baglaşylyp başladylar. Bu barada Azatlyk Radiosynyň habarçysy Lebapdan habar berýär.

36 minut çemesi dowam eden programmada Berdimuhamedowyň 'gadagan edilen' gara reňkli awtoulagda gelip, krokodil derisinden tikilene çalymdaşgaramtyl kurtkaly, soňky ýyllarda bina edilen belent desgalaryň, gurulýan jaýlaryň fonunda şäher häkimine “birnaçe tabşyryk” berendigi habar berildi.

Prezident Donald Tramp 4-nji fewralda, döwlete ýüzlenip eden üçünji çykyşynda öz ýolbaşçylygy astynda ABŞ ykdysadyýetinde gazanylan üstünlikler hakynda durup geçdi we şu ýyl giçlik gaýtadan saýlansa, sosial we saglyk ýeňilliklerini gorajakdygyny aýtdy.

Azatlyk Radiosynyň habarçylary türkmen häkimiýetleriniň koronawirusa garşy öňüni alyş çäreleri amala aşyrmagyny dowam etdirýärler. Hytaýdan barýan raýatlar karantine salynýar, Lebaba Aşgabatdan wirusologiýa boýunça bilermenler ugradylýar, ýerli bazarlarda adamlaryň gyzgynyny anyklaýan teplowizorlary oturtmak talaby edilýär, döwlet edaralarynda arassaçylyk çäreleri güýçlendirilýär. Türkmen häkimiýetleri we döwlet habar beriş serişdeleri bu çäreler barada habar bermeýärler, bu ýagdaý ilatyň döwula düşmegine getirýär. Читать дальше...

Gazagystanyň iň iri şäheri Almatynyň golaýyndaky bir obada ýüze çykan ýangynda iki sany ýaş çaga heläk boldy. Bu mundan bir ýyl ozal bir maşgaladaky bäş çaganyň otda heläk bolmagynyň ýyl dönümine gabat geldi. Şol pursat, raýatlar häkimiýetleriň adaty adamlar barada alada etmeýändigini aýdyp, hökümete garşy protestleri geçiripdi. 3-nji fewralda Almatydan 50 km uzaklykdaky Ostermir obasynda bir gatly jaý ot aldy. Içeri işler ministrligiň Adatdan daşary ýagdaýlar komitetiniň maglumatyna görä, 2016-njy we 2017-nji ýylda doglan iki çaga... Читать дальше...

Hytaýda koronawirus sebäpli, 4-nji fewraldaky maglumatlara laýyklykda, 490 adam öldi; şeýle-de oňa ýoluganlaryň sany 24 müň 324-e ýetdi. Hytaýyň Saglyk boýunça Milli Komissiýasynyň maglumatyna laýyklykda, soňky 65 ölüm wirusyň ýaýrap başlandygy çaklanylýan Hubeý welaýatynda ýüze çykypdyr. Hytaýda millionlarça raýata öýlerinden çykmazlyk tabşyryldy. Hytaýyň daşynda, dünýäniň ýigrimi gowrak döwletinde umumy hasapda 175 adamyň wirus bilen keselländigi tassyklanyldy. Bu aralykda, Hytaýa sapar... Читать дальше...

Aşgabatda daşary işler ministrleriniň orunbasarlary derejesinde howpsuzlyk meseleleri boýunça türkmen-rus geňeşmeleri geçirildi diýip, Türkmenistanyň Daşary işler ministrligi 4-nji fewralda maglumat berdi. Aşgabatdaky maslahata Russiýanyň daşary işler ministriniň orunbasary Oleg Syromolotowyň ýolbaşçylygyndaky delegasiýa geldi. Duşuşygyň dowamynda taraplar howpsuzlyk ulgamyndaky derwaýys meseleleriň ençemesini ara alyp maslahatlaşdylar, terrorçylyk wehimlerine garşy göreşmek boýunça öňüni alyş... Читать дальше...

ABŞ-nyň prezidenti Donald Tramp Owganystandaky ýigrimi ýyla golaý wagtlyk urşy tamamlamak we Birleşen Ştatlaryň bu ýurtdaky esgerleriniň sanyny azaltmak isleýändigini aýtdy. Tramp bu barada 4-nji fewralda Kongresiň öňünde eden çykyşynda aýtdy. Tramp Birleşen Ştatlaryň beýleki döwletleriň kanun goraýjy edaralary hökmünde “gulluk” etmeli däldigini hem belledi. “Biz ahyrsoňy Amerikanyň iň uzak urşuny tamamlamak we esgerlerimizi yzyna dolamak ugrunda tagalla edýäris” diýip, Tramp aýtdy. ABŞ esgerleri... Читать дальше...