Hytaýda wirus sebäpli ölenleriň sany 490-a ýetdi
Hytaýyň Saglyk boýunça Milli Komissiýasynyň maglumatyna laýyklykda, soňky 65 ölüm wirusyň ýaýrap başlandygy çaklanylýan Hubeý welaýatynda ýüze çykypdyr.
Hytaýda millionlarça raýata öýlerinden çykmazlyk tabşyryldy.
Hytaýyň daşynda, dünýäniň ýigrimi gowrak döwletinde umumy hasapda 175 adamyň wirus bilen keselländigi tassyklanyldy.
Bu aralykda, Hytaýa sapar etmedikleriň hem wirusa ýokuşandygy barada maglumatlar gowuşýar.
Wirus sebäpli, dünýäniň ençeme ýurdy, şol sanda ABŞ, Russiýa, Türkmenistan hem Hytaýa uçuşlaryny togtatdylar.
Bütindünýä Saglyk Guramasy wirus bilen baglylykda halkara derejesinde adatdan daşary ýagdaýy yglan etdi.
Wirusyň dekabrda Hubeý welaýatynyň paýtagty Wuhandaky ýabany jandarlaryň bazaryndan ýaýrap başlandygy çaklanylýar.